Кыргызстандык грек-рим балбаны Айсулуу Тыныбекова. Архив

UWW дүйнө чемпионатынын ролигине Тыныбекованын эң кызык учурун чыгарды

6220
(жаңыланган 21:38 24.09.2021)
Роликте Тыныбекова 2019-жылы финалдык беттештин акыркы секундаларында упай алып, жеңишти илип кеткен учуру көрсөтүлгөн.

БИШКЕК, 24-сен. — Sputnik. Бириккен күрөш дүйнөсү (United World Wrestling) уюму спорттук күрөш боюнча дүйнө чемпионатына 8 күн калганын эске салган ролик чыгарып, ага кыргызстандык чемпион Айсулуу Тыныбекованын финалда уткан беттешинин видеосун койду. Роликти дүйнөлүк уюм өзүнүн социалдык тармактардагы баракчаларына жарыялады. 

Посмотреть эту публикацию в Instagram

Публикация от unitedworldwrestling | Track&Field (@alicasmd)

Анда Тыныбекова 2019-жылы финалдык беттештин акыркы секундаларында упай алып, жеңишти илип кеткен учуру көрсөтүлгөн.

"Айсулуу Тыныбекова 2019-жылдагы дүйнө биринчилигинин 62 килограмм салмактын финалында ошол кездеги чемпион Тайбе Юсеин менен кармашып, акыркы секундаларда жерге жыгып, Кыргызстандын атынан алгачкы дүйнө чемпиону болгон", — деп жазылган постто.

Спорттук күрөштүн (грек-рим, эркин жана кыздар күрөшү) түрлөрү боюнча дүйнө чемпионаты Норвегиянын баш калаасы Осло шаарында 2-10-октябрда өтөт.

Кыз-келиндер мелдеши 4-октябрда башталат. Биринчилерден болуп учурдагы дүйнө чемпиону Айсулуу Тыныбекова ошол күнү килемге чыгат.

Тыныбекова бул мелдеште чемпиондук наамын коргоо үчүн таймашат. Мындан сырткары, Кыргызстандын кыз-келиндер курама командасынан Токио Олимпиадасынын коло байге ээси Мээрим Жуманазарова (68 килограмм) жана Токио Олимпиадасынын катышуучусу Айпери Медет кызы (76 килограмм) катышат. 

6220
Белгилер:
Айсулуу Тыныбекова, күрөш, ролик
Тема боюнча
Айсулуу эже, сизге жолуккум келет! Жаш балбан Жасминанын жүрөк жылыткан видеосу
Айсулуу Тыныбекова баштаган балбан кыздар дүйнө чемпионатында күрөшөт
Айсулуу Тыныбекова көпчүлүк көрө элек сүрөттөрүн жарыялады
Кыргызстандын улуттук курама командасы. Архив

Кыргызстан FIFA уюмунун жаңыланган рейтингинде эки сапка көтөрүлдү

41
(жаңыланган 18:00 21.10.2021)
Улуттук команда учурда жалпы Азия чөлкөмүндө 16-сапта турат, ал эми Борбор Азия мамлекеттеринин ичинен тизмеде экинчи катарды ээлейт.

БИШКЕК, 21-окт. — Sputnik. Кыргызстандын улуттук курама командасы Эл аралык футбол федерациясынын (FIFA) жаңыланган рейтингинде эки сапка жогорулап, 96-орунга жайгашты. Бул тууралуу өлкөнүн Футболдук союзу билдирди.

Сентябрдагы тизмеде Александр Крестининдин командасы рейтингде 98-орунда болчу. Улуттук курама команда мурдагы эле 1230 упайы менен турат. Кошумча упай алган эмес.

Рейтингди мурдагыдай эле Бельгия курама командасы баштап келет. Бразилия экинчи сапта. Ал эми Франция үчүнчү орунга көтөрүлдү.

Евро-2020 чемпионатынын финалисттери Италия жана Англия курама командалары алдыңкы бештикке кирди.

Азия боюнча Иран алдыда турат (дүйнөлүк рейтингде 22-орун). Андан кийин Япония (28), Австралия (34), Түштүк Корея (35) жана Катар (46) бар. Өткөн айдагы көрсөткүчтөн эч кандай өзгөрүү жок.

Ал эми Борбордук Азиядагы рейтингди Өзбекстан курама командасы жетектөөдө (дүйнөлүк рейтингде 84-орун). Андан кийинки сапта Кыргызстан (96), Тажикстан (114), Казакстан (125) жана Түркмөнстан (131) жайгашты.

Эскертүү: Казакстандын курама командасы Азия футбол конфедерациясынын (АФК) аймагына эмес, Европа футбол ассоциацияларынын союзуна (UEFA) кирет.

41
Белгилер:
футбол, FIFA, рейтинг, Кыргызстан
Тема боюнча
Футбол: Азия кубогуна тандоо оюндары борборлоштурулган форматта өтөт
Кыргызстандын курама командасынын футболчулары беттеш учрунда. Архив

Футбол: Азия кубогуна тандоо оюндары борборлоштурулган форматта өтөт

66
(жаңыланган 11:33 21.10.2021)
Азия футбол конфедерациясы бул оюндарды өткөрүүгө даяр болгон өлкөнүн арызын кабыл алууга даяр. Бирок белгилүү талаптар бар.

БИШКЕК, 21-окт. — Sputnik. 2023-жылы өтүүчү Азия кубогуна тандоо оюндары борборлоштурулган форматта өтөт. Бул тууралуу Кыргызстандын футболдук союзунун маалымат кызматы билдирди.

Азия футбол конфедерациясынын (АФК) Аткаруучу комитети мындай чечимди COVID-19 пандемиясына байланыштуу көйгөйлөрдөн улам кабыл алган. Мында "өз үйүндө — конокто" ойноо форматы четке кагылат. Бул чечим бардык командалардын коопсуздугу үчүн кабыл алынганы айтылууда.

Тандоо турунун тайпалык оюндары 2022-жылдын 8-11 жана 14-июнь күндөрү өтөт. Мелдеш 2023-жылдын 1-июнунан 16-июлуна чейин Кытайда болмокчу.

Футболдук союз билдиргендей, АФК бул оюндарды өткөрүүгө даяр болгон өлкөнүн арызын кабыл алууга даяр. Бирок белгилүү талаптар бар.

Маселен, КФС бул беттештерди Бишкекте өткөрүүнү кааласа, анда ал ден соолук жана коопсуздук протоколдору менен стандарттарынын сакталышын камсыз кылуу үчүн бир катар талаптарды аткарышы керек.

Буга бардык катышуучу командалар үчүн саякат жана карантин чектөөлөрү, кабыл алуучу өлкөдөгү эпидемиологиялык абал, беттештер үчүн жетиштүү жайлар жана мелдешке катышкан бардык командалардын оюнчуларын COVID-19га каршы милдеттүү түрдө тесттен өткөрүү мүмкүнчүлүгү каралат. Мындан сырткары, мелдеш AФКнын медициналык кызматкеринин тыкыр көзөмөлү астында өтүшү шарт.

Белгилей кетсек, Азия кубогуна тандоо турунда чүчү кулактын жыйынтыгы боюнча ар биринде төрт командадан турган алты тайпа түзүлөт. Мелдештин финалдык баскычына ар бир тайпанын жеңүүчүлөрү, ошондой эле экинчи орунду алган беш мыкты команда чыгат.

Чүчү кулак өтө турган датасы АФК тарабынан кийинчерээк жарыяланат.

Эске салсак, КР курама командасынын 2022-жылкы дүйнө чемпионатына тандоо оюндары борборлоштурулган форматы Японияда өткөн. Анда улуттук команда дүйнө биринчилигине чыга алган эмес.

66
Белгилер:
футбол, Кыргызстан, Азия кубогу, Кыргыз футболдук союзу
Тема боюнча
Кыргызстандын футболдук союзу президент Садыр Жапаровго кайрылды
Аткаминерлер. Архив

Таштандыдан мүлккө чейин. Жапаров аткаминерлердин негизги милдетин атады

0
(жаңыланган 19:27 21.10.2021)
Мэрлер, акимдер жана айыл өкмөттөрүнүн башчылары өз аймагындагы тазалык жана тартип үчүн жеке жоопкерчилик тартышат.

БИШКЕК, 21-окт. — Sputnik. Министрлер кабинетинин төрагасы Акылбек Жапаров Жергиликтүү республикалык кеңешменин жүрүшүндө бийликтин жакынкы келечектеги артыкчылыктуу милдеттерин белгиледи.

Ал бүгүнкү күндө мал-жандыкты сертификациялоо демилгесин эске салды. Учурда ЕАЭБ өлкөлөрүнө жана башка мамлекеттерге сертификатталбаган бир дагы жүк жөнөтүлбөй турганын белгилеп, Айыл чарба министрлигине малды идентификациялоо процессин 2022-жылдын 2-кварталына чейин жыйынтыктоо тапшырмасын берди.

Ал эми мамлекеттик мүлктү инвентаризациялоо үстүбүздөгү жылдын аягына чейин бүтүп, 2022-жылдын 1-кварталында анын жалпы наркын аныктоо зарылдыгын айтты.

Дагы бир маанилүү тапшырма – мамлекеттик сатып алуулар жөнүндөгү мыйзамды жөнөкөйлөтүү, ал мүмкүн болушунча жалпыга ачык жана ыңгайлуу болушу керек. Бул процесс 2022-жылдын 1-январына чейин жыйынтыкталууга тийиш.

Ошондой эле Жапаров тазалыкты жана тартипти орнотуу керектигин да баса белгиледи.

"Бардык жерде таштандылар, желим баштыктардын калдыктары жатат. Башка өлкөлөрдө, мисалы, Сингапурда адамдар сагызын да жерге таштабайт, бардык көчөлөр таза, жашыл. Мэрлер, акимдер жана айыл өкмөттөрүнүн башчылары аймакта, коомдук жайларда тартип үчүн жеке жоопкерчилик тартышат. Тартипке келтирүү, жашылдандыруу маселелери сиздердин компетенцияңыздарга кирет. Бул маселени чечүү үчүн жазды күтүүнүн кажети жок", — деди министрлер кабинетинин төрагасы.

Жыйынтыгында Жапаров парламенттик шайлоо учурунда административдик ресурсту колдонууга жол берилбестигин, тактап айтканда, үгүт иштерине мугалимдерди, медицина кызматкерлерин жана бюджеттик чөйрөнүн башка өкүлдөрүн тартпоону эске салды.

0
Белгилер:
Акылбек Жапаров, аткаминер, милдет, тапшырма
Тема боюнча
Туризмди өнүктүрүү үчүн укугу кеңири фонд түзүлүп, ага 1 млрд. сом бөлүнөт
Акылбек Жапаров жергиликтүү бийликтин колуна канча акча берерин тизмектеди