Футбол калысы. Архив

Арбитрди бет талаштыра койгон машыктыруучу. Италияда өткөн футболдун видеосу

163
(жаңыланган 10:28 28.09.2021)
"Оледжо-Кастелло" жана "Карпиньяно" Италиянын Prima Categoria — жетинчи дивизионунда ойношкон. Окуядан кийин оюн токтотулган.

БИШКЕК, 28-сен. — Sputnik. Италиянын чемпионатында ойногон "Карпиньяно" клубунун машыктыруучусу Жованни Алози калыс Андреа Фелисти бет талаштыра согуп, оюндун токтошуна себепкер болгонун Eurosport жазды.

Окуя төмөнкү лигалардагы "Оледжо-Кастелло" менен "Карпиньяно" командаларынын Италиянын Prima Categoria — жетинчи дивизионунда беттешип жаткан маалында болгон.

​Машыктыруучу Алози арбитрдин чыгарган чечимине макул эместигин билдирген. Арбитр анын талашып-тартышканы үчүн кызыл айып кагазын көрсөтүп, беттештен четтеткен соң Алози Фелисти уруп жиберген. Рефери ошол замат оюнду токтоткон. Ал учурда мушкер-машыктыруучунун командасы 2:0 эсебинде утулуп жаткан эле.

Кийин Алози жасаган кылыгы үчүн кечирим сурап, машыктыруучу кызматынан кеткен. Деген менен ага карата санкциялар колдонулуп, футболдон узак мөөнөткө четтетилиши мүмкүн экени айтылды.

Жыйынтыгында 3:0 эсеби менен "Оледжо-Кастелло" жеңишке жеткен.

163
Белгилер:
Италия, футбол, калыс, машыктыруучу, сокку
Тема боюнча
Белгилүү боксчу көз караштар таймашында атаандашынын бетин тытып алды. Видео
Жаракат алгандары бар... Казакстанда спортчулар чабыша кеткен видео
АКШ учагынын шассисинде көз жумган адам афгандык футболчу болуп чыкты
Көк бөрү оюнчулары. Архив

Көк бөрү: республикалык мелдештин финалына Чүй менен Оштун улакчылары чыкты

148
(жаңыланган 19:05 22.10.2021)
Бүгүн өткөн жарым финалдык таймашта Чүй облусу Ысык-Көлдү 6:1 эсебинде утса, Ош облусу Таластын командасын 1:0 менен жеңди.

БИШКЕК, 22-окт. — Sputnik. Сокулуктагы "Белек" ат майданында өтүп жаткан көк бөрү боюнча республикалык чемпионаттын финалында Чүй менен Ош облусунун командалары беттешет. Бул тууралуу аталган спорт боюнча федерациянын маалымат кызматы билдирди.

Бүгүн өткөн жарым финалдык таймашта Чүй облусу Ысык-Көлдү 6:1 эсебинде утса, Ош облусу Таласты 1:0 менен жеңген.

Аталган турнир өлкөнүн Көк бөрү федерациясынын 25 жылдыгына жана улуттук оюндун эрежелерин иштеп чыккан авторлордун урматына арналып өткөрүлүүдө. Мелдеш облустук форматта уюшулуп, ага өлкөнүн жети дубаны жана эки шаарынын командалары катышып күч сынашты.

Мелдештин үчүнчү оруну жана башкы байге үчүн финалдык беттештер 24-октябрда өтөт.

Эскерте кетсек, улуттук Көк бөрү федерациясынын уюшулганына быйыл чейрек кылым болду. Оюндун эрежелерин Болот Шамшиев, Темир Дүйшекеев, Болот Шер, Мамыркожо Бөкөнбаев жана Жетиген Мааданов иштеп чыккан.

 

148
Белгилер:
Көк бөрү, Сокулук, мелдеш, чемпионат
Тема боюнча
Мээрим алдыга чыкты. Кыргыз балбандары UWW уюмунун рейтингинде секирик жасашты
Күрөш. Архив

Роман Сарыбаев ардагерлердин дүйнө чемпионатынан күмүш медаль алды

191
(жаңыланган 10:44 22.10.2021)
Бул Кыргызстандын капчыгына түшкөн төртүнчү медаль. Буга чейин ата мекендик спортчулар эки алтын, бир коло байге алган.

БИШКЕК, 22-окт. — Sputnik. Кыргызстандык балбан Роман Сарыбаев эркин күрөш боюнча ардагерлердин дүйнө чемпионатында күмүш медалга ээ болду. Бул тууралуу өлкөнүн Күрөш федерациясынын маалымат кызматы билдирди.

88 килограмм салмакта ат салышкан Сарыбаев финалда россиялык Булат Дашинимаевге 10:0 эсебинде жеңишти алдырып жиберди.

Кыргызстандын ардагер балбаны баштапкы этапта өзбекстандык Усманжон Юсуповду, чейрек финалда казакстандык Абай Смагуловду, ал эми жарым финалда америкалык спортчу Жеймс Медейрону уткан.

Бул Кыргызстандын капчыгына түшкөн төртүнчү медаль. Буга чейин ата мекендик спортчулар Талант Бегалиев (70 килограмм) 56-60 жаштагылар арасында, Чынарбек Изабеков (100 килограмм) 56-60 жаштагылар арасында чемпион болуп, алтын байге тагынышты. Ал эми 130 килограмм салмакта ат салышкан дагы бир балбан Сааданбек Ниязов коло медаль утту.

Эркин жана грек-рим күрөшү боюнча ардагерлер арасындагы дүйнө чемпионаты 19-октябрда Грециянын Лутраки шаарында башталды. Ал 24-октябрга чейин созулат.

191
Белгилер:
күрөш, Греция, дүйнө чемпионаты, Кыргызстан, Лутраки
Тема боюнча
U23 дүйнө чемпионатына бара турган кыргызстандык балбандардын тизмеси
U23: дүйнө чемпионатына Кыргызстандан эки балбан кыз барат
Голос долбоорунун сахнасы. Архив

Кыргызстандык "Голос" шоусуна катышып, Билан менен Агутинди таң калтырды

0
(жаңыланган 00:18 23.10.2021)
Бишкектик ырчы Адилет Жумабековду дароо үч насаатчы командасына алгысы келди. Ал долбоордогу чыгармасын апасына арнаган.

БИШКЕК, 23-окт. — Sputnik. Кыргызстандык Адилет Жумабеков Россиянын "Голос" шоусунун кийинки этабына өттү.

Бул шоуда насаатчылар аткаруучуларды артты карап алып угуп, жакса бурулушат. Адилет кесипкөй ырчы эмес экенин, бирок бир нече аспапта ойной турганын айткан.

"Апам төрт баланы жазгыз өстүрдү. Мен музыкалык окуу жайда окучумун, бирок финансылык кыйынчылыктан улам музыкант, ырчы болуп иштеп кеткем. "Голос" долбоору — менин көптөн берки кыялым", — деген Жумабеков.

30 жаштагы бишкектик ырчы долбоордо Boyz II Men — End of the road ырын аткарды. Ал ырдап жатканда Александр Градский, Леонид Агутин менен Дима Билан бурулуп караган. Залда отургандар да ага кол чаап, "Баракелде!" деген. 

Пелагея кыргызстандык ырчынын аткаруусуна таң берген, Агутин стилин жана тембрин баалаган, Билан дагы аны өз командасынан көргүсү келип жатканын билдирген. Натыйжада Жумабеков Биланды тандаган.

0
Белгилер:
Россия, 'Голос' долбоору, ырчы
Тема боюнча
Бишкекте "Орто Азия романсиадасы" конкурсунун жеңүүчүлөрү аныкталды. Сүрөт