Кыргызстандык мушкер кыз Антонина Шевченко. Архив

Антонина Шевченко атаандашы Кейси О'Ниллге жеңилип калды. Нокауттун видеосу

6874
(жаңыланган 12:11 03.10.2021)
Кыргызстандык спортчу кыз ММА спортунда жалпысынан сегиз беттеште уткан. Бул анын экинчи ирет удаасы менен жеңилиши болду.

БИШКЕК, 3-окт. — Sputnik. Кыргызстандык мушкер кыз Антонина Шевченко UFC мелдешинин кезектеги беттешинде жеңилип калды. 3-октябрдын таңында өткөн UFC Vegas 38 турниринде ал австралиялык Кейси О'Нилл менен кез келген.

АКШнын Лас-Вегас шаарында өткөн беттештин экинчи раундунда Шевченко техникалык нокаут менен жеңилүү ызасын тартты.

Бул кыргызстандык атлеттин удаасы менен экинчи жеңилүүсү. Май айында Хьюстондо өткөн UFC 262 турниринде Антонина Шевченко америкалык Андреа Ли менен беттешип, утулуп калган. "Пантера" каймана аты бар кыргызстандык кыз үчүн бул ММА спортундагы төртүнчү жеңилиши болду. Ал жалпысынан сегиз беттеште уткан.

Антонина - UFC чемпиону Валентина Шевченконун бир тууган эжеси.

6874
Белгилер:
UFC, Антонина Шевченко, беттешүү, жеңилүү
Тема боюнча
UFC 266: мушкерлердин ар бир соккусун даана көрсөткөн видео
Антонина Шевченко UFC мелдешинде атаандашын жеңе алабы? Букмекерлердин болжолу
Бразилиялык мушкер Вагнер Мартинс спортчу Кароль Филасиньски менен жаакка чабышуу турниринде

Бразилиялык 180 килограммдык мушкер жаакка жеп нокаутка түштү. Видео

30
Зулузинью оор салмактагылар арасында ММА беттештерине чыгып таанылган. Ал 2005-жылы россиялык белгилүү спортчу Федор Емельяненко менен кармашкан.

БИШКЕК, 26-окт. — Sputnik. ММА дүйнөсүндө Зулузинью каймана аты менен таанымал бразилиялык мушкер Вагнер да Консейсан Мартинс алакан менен жаакка чабышуу турниринде атаандашына нокаут менен утулду. Бул тууралуу Р-Спорт жазды.

Punchdown аталышындагы турнир Польшада өткөн. Бразилиялык мушкер жергиликтүү спортчу Кароль Филасиньски менен кармашкан.

​Видеодон Зулузиньюну каршылашы сол колу менен чапканда теңселе түшкөнүн, артындагылар кармайын деп, бирок алы жетпей, мушкер жерге кулап түшкөнүн көрүүгө болот.

Зулузинью оор салмактагылар арасында ММА беттештерине чыгып таанылган. Анын салмагы 180 килограмм болсо, бою эки метр. Аралаш мушташ боюнча 23 беттеш өткөрүп, анын 14үн уткан. 2005-жылы россиялык белгилүү спортчу Федор Емельяненко менен кармашып, 26 секундда эле жеңилип калган.

30
Белгилер:
мушкер, турнир, видео, жаакка чабуу
Тема боюнча
"Минип алып" ургулап. UFC мелдешинин урунттуу учурларынын видеосу
UFC: Россия мушкерлеринин мыкты нокауттары. Видео
Хабиб же Майкл Жордандай эле. Лорен Мерфи мушкер Валентина Шевченкого баа берди
Кыргызстандык калыстар Тажикстандын футзал чемпионатынын финалында

Тажикстандын футзал чемпионатынын финалын кыргызстандык калыстар тейледи. Сүрөт

94
(жаңыланган 14:07 25.10.2021)
Тажикстандын футзал боюнча профессионалдык лигасынын финалында "Сипар" менен "Соро компания" клубдары беттешүүдө.

БИШКЕК, 25-окт. — Sputnik. Кыргызстандык футзал калыстары Элдияр Келдибеков менен Талант Раимбердиев Тажикстандын футзал боюнча профессионалдык лигасынын финалдык беттештерин тейлешти. Маалыматты өлкөнүн Футболдук союзунун башкы катчысы Нурдин Букуев Sputnik Кыргызстанга тастыктады.

  • Кыргызстанские судьи по футзалу Элдияр Келдибеков и Талант Раимбердиев во время судейства финального матча профессиональной лиги Таджикистана. 25 октября 2021 года
    Кыргызстандык футзал калыстары Элдияр Келдибеков менен Талант Раимбердиев Тажикстандын футзал боюнча профессионалдык лигасынын финалдык беттештерин тейлешти
    © Фото / пресс-служба Федерации футбола Таджикистана
  • Кыргызстанские судьи по футзалу Элдияр Келдибеков и Талант Раимбердиев во время судейства финального матча профессиональной лиги Таджикистана. 25 октября 2021 года
    Мелдеште Худжанд шаарынын "Сипар" клубу менен Душанбе шаарынын "Соро компания" клубдары беттешүүдө
    © Фото / пресс-служба Федерации футбола Таджикистана
  • Кыргызстанские судьи по футзалу Элдияр Келдибеков и Талант Раимбердиев во время судейства финального матча профессиональной лиги Таджикистана. 25 октября 2021 года
    Кыргызстандык адистер кошуна өлкөнүн футзал боюнча чемпионатынын финалдык сериясынын үчүнчү жана төртүнчү беттештерине калыстык кылышты. Соңку оюндарда адегенде "Соро компания" клубу 6:2 менен утса, кийинкисинде "Сипар" 4:3 эсебинде жеңип, жалпы эсепти теңеди
    © Фото / пресс-служба Федерации футбола Таджикистана
1 / 3
© Фото / пресс-служба Федерации футбола Таджикистана
Кыргызстандык футзал калыстары Элдияр Келдибеков менен Талант Раимбердиев Тажикстандын футзал боюнча профессионалдык лигасынын финалдык беттештерин тейлешти

Мелдеште Худжанд шаарынын "Сипар" клубу менен Душанбе шаарынын "Соро компания" клубдары беттешүүдө.

Кыргызстандык адистер кошуна өлкөнүн футзал боюнча чемпионатынын финалдык сериясынын үчүнчү жана төртүнчү беттештерине калыстык кылышты. Соңку оюндарда адегенде "Соро компания" клубу 6:2 менен утса, кийинкисинде "Сипар" 4:3 эсебинде жеңип, жалпы эсепти теңеди.

"Оюндар 23-24-октябрда Худжанд шаарындагы "Касри Варзиш" спорттук комплексинде өттү. Кыргызстандык калыстар эки беттешти тейлешти. Тажикстандын футболдук уюму финалдык беттештерди бейтарап тейлеп берүүнү өтүнүп бизге кайрылган. Биз аны кабыл алып, мыкты адистерди жибергенбиз. Эки беттеш тейленди, биздин арбитрлердин ишине карата эч кандай сын, терс пикир айтылган жок", — деди Букуев.

Ал ошондой эле эгер тажик тарап чечүүчү беттешти тейлөө боюнча өтүнүч келтирсе, КФС ага калыс жиберүүгө даяр экенин кошумчалады.

Финалдык сериядагы жалпы эсеп 2:2 болду. Чемпиондуктун тагдырын чечкен оюн 30-октябрда Душанбе шаарында өтөт.

94
Белгилер:
Кыргызстан, футзал, калыс, Тажикстан, чемпионат, финал, беттешүү, тейлөө
Тема боюнча
Тагдыр чечип... Дүйнөлүк беттештерди тейлеп таанылган кыргызстандык калыстар
Букуев: бешинчи ирет дүйнө чемпионатына катышсамбы деген кыялым бар
Футзал боюнча Кыргызстандын чемпионатынын "Суперлига" мелдеши башталат
Задержанная девушка в наручниках. Иллюстративное фото

Милиция блогер Гүлзат Мамытбекти 110 миң доллар алган деп кармады

0
(жаңыланган 10:52 26.10.2021)
Арыз жазгандардын айтымында, блогер кыска убакытта ири суммадагы киреше табасыңар деп акча алып, таптырбай кеткен.

БИШКЕК, 26-окт. — Sputnik. Гүлзат Мамытбек деп таанылган блогер Гүлзат Алымкулова кармалды. Бул тууралуу Sputnik агенттигине укук коргоо органдарындагы ишенимдүү адам билдирди.

Маалыматка ылайык, буга чейин Биринчи май РИИБге жети киши Мамытбекти алдамчылыкка айыптап кайрылган. Алардын айтымында, блогер кыска убакытта ири суммадагы киреше табасыңар деп акча алып, таптырбай кеткен. Жалпы 110 миң доллар зыян келтирилгени маалым болду.

Аталган факт Жазык кодексинин "Алдамчылык" беренеси боюнча Кылмыш жана жоруктардын бирдиктүү реестрине катталды.

Шектүү былтыр февраль айында Кыргызстандан чыгып кеткени белгилүү болгон. Июнда ага кылмышка шектелип жатканы боюнча кабар берилген жана сыртынан баш коргоо чарасы тандалып, борбордогу №1 тергөө абагына киргизилмек.

Бирок августта Мамытбекке карата тергөө токтотулган, бул ага издөө жарыяланышы менен байланыштуу болгон.

Кечээ, 25-октябрда, шектүү Кыргызстанга келери менен Биринчи май РИИБдин кызматкерлери тарабынан кармалган. Учурда Бишкек ШИИБдин убактылуу кармоочу жайына киргизилди.

Тергөө уланууда.

0
Белгилер:
блогер, алдамчылык, милиция, кармоо