Футзал боюнча FIFA калысы, кыргызстандык Нурдин Букуев. Архив

Нурдин Букуев Футзал боюнча дүйнө чемпионатынын финалында башкы калыс болот

99
Дүйнө биринчилигинин алтын байгеси үчүн таймаш бүгүн, жекшембиде, кечинде өтөт. Анда Аргентина менен Португалия курама командалары беттешет.

БИШКЕК, 3-окт. — Sputnik. Футзал боюнча FIFA калысы, кыргызстандык Нурдин Букуев Литвада өтүп жаткан дүйнө чемпионатынын финалдык беттешине башкы калыс болуп дайындалды. Бул тууралуу Кыргыз футбол союзунун маалымат кызматы Instagram баракчасына чыгарды. 

Футзал боюнча 2021-жылдагы дүйнө чемпионатынын финалдык беттеши бүгүн, 3-октябрда, кечинде өтөт. Анда Аргентина менен Португалия курама командалары беттешет.

"Букуевге египеттик Хасан Мохамед жана жаңы зеландиялык Кристофер Синклайр көмөктөшөт. Ирандык Наземи Галер резервдеги калыс болсо, америкалык Жош Уивилкенс беттештин убактысына жоопкерчилик (хронометрист) кылат", — деп айтылат маалыматта.

Кыргызстандык Букуев азыркы тапта футзал боюнча төрт чемпионаттын беттештерин тейлеген дүйнө жүзүндө алгачкы жана жападан жалгыз арбитр болуп саналат.

2019-жылы ал өлкөнүн башкы футбол уюмунун FFKR Football Awards версиясы боюнча мыкты футзал калысы деп табылган. Сыйлык КРдин футбол федерациясы (КФСтин мурдагы аталышы) тарабынан уюштурулган.

Нурдин Букуев Кыргыз футбол союзунун юридикалык бөлүмүнүн башчысы болуп эмгектенет. Ал Футзал боюнча дүйнө чемпионатынын финалында башкы калыстык милдетти аткарууну кыялданарын, көксөөсү быйылкы мелдеште орундалып калышы мүмкүн экенин Sputnik Кыргызстан агенттигине маек куруп жатып айткан.

99
Белгилер:
Нурдин Букуев, футзал, Литва, дүйнө чемпионаты, калыс
Тема боюнча
Мейрамбек Ахметов Ослодо өтчү дүйнө чемпионатында калыстык кылат
Күрөш. Архив

Роман Сарыбаев ардагерлердин дүйнө чемпионатынан күмүш медаль алды

8
(жаңыланган 10:10 22.10.2021)
Бул Кыргызстандын капчыгына түшкөн төртүнчү медаль. Буга чейин ата мекендик спортчулар эки алтын, бир коло байге алган.

БИШКЕК, 22-окт. — Sputnik. Кыргызстандык балбан Роман Сарыбаев эркин күрөш боюнча ардагерлердин дүйнө чемпионатында күмүш медалга ээ болду. Бул тууралуу өлкөнүн Күрөш федерациясынын маалымат кызматы билдирди.

88 килограмм салмакта ат салышкан Сарыбаев финалда россиялык Булат Дашинимаевге 10:0 эсебинде жеңишти алдырып жиберди.

Кыргызстандын ардагер балбаны баштапкы этапта өзбекстандык Усманжон Юсуповду, чейрек финалда казакстандык Абай Смагуловду, ал эми жарым финалда америкалык спортчу Жеймс Медейрону уткан.

Бул Кыргызстандын капчыгына түшкөн төртүнчү медаль. Буга чейин ата мекендик спортчулар Талант Бегалиев (70 килограмм) 56-60 жаштагылар арасында, Чынарбек Изабеков (100 килограмм) 56-60 жаштагылар арасында чемпион болуп, алтын байге тагынышты. Ал эми 130 килограмм салмакта ат салышкан дагы бир балбан Сааданбек Ниязов коло медаль утту.

Эркин жана грек-рим күрөшү боюнча ардагерлер арасындагы дүйнө чемпионаты 19-октябрда Грециянын Лутраки шаарында башталды. Ал 24-октябрга чейин созулат.

8
Белгилер:
күрөш, Греция, дүйнө чемпионаты, Кыргызстан, Лутраки
Тема боюнча
U23: дүйнө чемпионатына Кыргызстандан эки балбан кыз барат
Балбандар мелдеш учурунда. Архив

U23 дүйнө чемпионатына бара турган кыргызстандык балбандардын тизмеси

49
Спорттук күрөштүн түрлөрү боюнча 23 жашка чейинкилер арасында дүйнө чемпионаты 1-ноябрдан 7-ноябрга чейин Сербиянын Белград шаарында өтөт.

БИШКЕК, 22-окт. — Sputnik. Спорттук күрөштүн (грек-рим, эркин жана кыз-келиндер күрөшү) түрлөрү боюнча U23 дүйнө чемпионатына барчу Кыргызстандын командасынын курамы аныкталды. Бул тууралуу өлкөнүн күрөш федерациясынын маалымат кызматы билдирди.

Ослодо өткөн дүйнө чемпионатында күмүш байге уткан эркин күрөш балбаны Эрназар Акматалиев бул турнирге катышат.

Ал эми грек-рим күрөшү боюнча мелдешке быйыл жаштар арасындагы дүйнө чемпионатында коло медаль уткан Акыйкат Гулжигит уулу барат.

Эркин күрөш балбандарынын курамы:

  • Бекболот Мырзаназар уулу (57 килограмм);
  • Тайырбек Жумашбек уулу (61 килограмм);
  • Айбек Токтогул уулу (65 килограмм);
  • Эрназар Акматалиев (70 килограмм);
  • Нуртилек Карыпбаев (86 килограмм).

Спортчуларды өлкөнүн эркин күрөш боюнча улуттук командасынын башкы машыктыруучусу Руслан Маджинов менен ага машыктыруучу Исламбек Тазабеков жетектеп барышат.

Грек-рим күрөшү боюнча балбандардын тизмеси:

  • Акыйкат Гулжигит уулу (55 килограмм);
  • Нурмухаммет Абдуллаев (60 килограмм);
  • Марлен Асикеев (67 килограмм);
  • Ийгилик Сатымкул уулу (72 килограмм);
  • Акылбек Талантбеков (77 килограмм);
  • Бексултан Назарбаев (82 килограмм);
  • Азат Салидинов (87 килограмм);
  • Данияр Шеримбеков (97 килограмм).

Грек-рим күрөшүнүн балбандарын улуттук команданын башкы машыктыруучусу Азат Эркимбаев менен Арсен Эралиев баштап барышат.

Спорттук күрөштүн түрлөрү боюнча 2021-жылдагы U23 дүйнө чемпионаты 1-ноябрдан 7-ноябрга чейин Сербиянын Белград шаарында өтөт.

49
Белгилер:
күрөш, дүйнө чемпионаты, Кыргызстан, курама команда
Тема боюнча
U23: дүйнө чемпионатына Кыргызстандан эки балбан кыз барат
Айпери Медет кызы: күтүүсүз нерсе адамды жаңы кадам жасоого түртөт экен
Чемпионго 100 миң доллар! Дүйнө чемпионатына барчу КР боксчулары аныкталды
Голливуд актёру Алек Болдуин. Архив

Актёр Алек Болдуин тасма тартуу учурунда атып алган оператор аял көз жумду

0
(жаңыланган 10:22 22.10.2021)
Тасма тартуу учурунда актёр бир гана операторду эмес, режиссёрду дагы аткан. Полициянын маалыматына караганда, Болдуинге азырынча эч кандай айып тагыла элек.

БИШКЕК, 22-окт. — Sputnik. Голливуд актёру Алек Болдуин тасма тартуу аянтчасында тапанчадан ок чыгарып, жыйынтыгында оператор аял каза болду. Бул тууралуу Нью-Мексико штатындагы Санта-Фе округунун шерифи Хуан Риоско шилтеме берип РИА Новости жазды.

Шерифке актёр Алек Болдуин тасмага реквизит катары пайдаланылып жаткан куралдан ок чыгарганы тууралуу маалымат түшкөн.

"Эреже боюнча ал куралга огу жок патрондор салынышы керек болчу. Бирок андай болгон эмес. Кесепетинде Алина Хатчинс аттуу 42 жаштагы операторго ок тийип, тик учак менен ооруканага жеткирилген. Бирок дарыгерлер анын өмүрүн сактап кала алган жок. Ал эми акырегинен жаракат алган режиссёр Жоэл Соус аман калды. Анткен менен оорукана түшүп, учурда абалы оор деп бааланууда", — деп айтылат кабарда.

Полициянын маалыматына караганда, Болдуинге азырынча эч кандай айып тагыла элек.

Эмне себептен куралга ок салынганы жана актёр аны эмне себептен режиссёр менен оператор тарапка каратып атканы азырынча белгисиз.

0
Белгилер:
АКШ, тасма, курал, оператор, ок атуу, өлүм, Алек Болдуин
Тема боюнча
Ысык-Көлдө боксёрдук груша менен машыгып жаткан өспүрүм каза болду
Россиялык тасмага тартылган кыргызстандык курьерди режиссер издеп жатат. Видео