Мушкер Канат Келдибеков. Архив

Атаандашын ургулап, башынан сылап... "Тайсондун" Алматыдагы жеңиши видеодо

3001
(жаңыланган 11:39 04.10.2021)
Кыргызстандык спортчу беттештин экинчи раундунда казак спортчусун кайра-кайра ургулап, рефери техникалык нокаут жарыялаган.

БИШКЕК, 4-окт. — Sputnik. "Тайсон" каймана аты менен таанымал мушкер Канат Келдибеков катар жеңилүүлөрдөн кийин чыккан беттешинде ийгилик жаратты.

Мушкер Казакстандын Naiza FC лигасынын алкагында жергиликтүү спортчу Бектур Сырымды утуп алган.

Турнир кечээ, 3-октябрда, Алматы шаарында болду.

Кыргызстандык спортчу беттештин экинчи раундунда казак спортчусун кайра-кайра ургулап, мындан улам рефери техникалык нокаут жарыялаган.

Бул — "Тайсондун" үч ирет катары менен утулгандан кийинки биринчи жеңиши. 2020-жыл спортчу үчүн ийгиликсиз болгону беттештеринин статистикасы көрсөтүп турат. Келдибеков жалпысынан 20 кармашты утуп, 7 жолу жеңилүү ызасын тарткан.

3001
Белгилер:
Кыргызстан, Казакстан, Канат Келдибеков, мушкер, беттешүү, спорт
Тема боюнча
Антонина Шевченко атаандашы Кейси О'Ниллге жеңилип калды. Нокауттун видеосу
Сол колдоп сулата чаап. UFC Vegas 38 мелдешинин урунттуу учурларынын видеосу
Балбандар мелдеш учурунда. Архив

U23 дүйнө чемпионатына бара турган кыргызстандык балбандардын тизмеси

14
Спорттук күрөштүн түрлөрү боюнча 23 жашка чейинкилер арасында дүйнө чемпионаты 1-ноябрдан 7-ноябрга чейин Сербиянын Белград шаарында өтөт.

БИШКЕК, 22-окт. — Sputnik. Спорттук күрөштүн (грек-рим, эркин жана кыз-келиндер күрөшү) түрлөрү боюнча U23 дүйнө чемпионатына барчу Кыргызстандын командасынын курамы аныкталды. Бул тууралуу өлкөнүн күрөш федерациясынын маалымат кызматы билдирди.

Ослодо өткөн дүйнө чемпионатында күмүш байге уткан эркин күрөш балбаны Эрназар Акматалиев бул турнирге катышат.

Ал эми грек-рим күрөшү боюнча мелдешке быйыл жаштар арасындагы дүйнө чемпионатында коло медаль уткан Акыйкат Гулжигит уулу барат.

Эркин күрөш балбандарынын курамы:

  • Бекболот Мырзаназар уулу (57 килограмм);
  • Тайырбек Жумашбек уулу (61 килограмм);
  • Айбек Токтогул уулу (65 килограмм);
  • Эрназар Акматалиев (70 килограмм);
  • Нуртилек Карыпбаев (86 килограмм).

Спортчуларды өлкөнүн эркин күрөш боюнча улуттук командасынын башкы машыктыруучусу Руслан Маджинов менен ага машыктыруучу Исламбек Тазабеков жетектеп барышат.

Грек-рим күрөшү боюнча балбандардын тизмеси:

  • Акыйкат Гулжигит уулу (55 килограмм);
  • Нурмухаммет Абдуллаев (60 килограмм);
  • Марлен Асикеев (67 килограмм);
  • Ийгилик Сатымкул уулу (72 килограмм);
  • Акылбек Талантбеков (77 килограмм);
  • Бексултан Назарбаев (82 килограмм);
  • Азат Салидинов (87 килограмм);
  • Данияр Шеримбеков (97 килограмм).

Грек-рим күрөшүнүн балбандарын улуттук команданын башкы машыктыруучусу Азат Эркимбаев менен Арсен Эралиев баштап барышат.

Спорттук күрөштүн түрлөрү боюнча 2021-жылдагы U23 дүйнө чемпионаты 1-ноябрдан 7-ноябрга чейин Сербиянын Белград шаарында өтөт.

14
Белгилер:
күрөш, дүйнө чемпионаты, Кыргызстан, курама команда
Тема боюнча
U23: дүйнө чемпионатына Кыргызстандан эки балбан кыз барат
Айпери Медет кызы: күтүүсүз нерсе адамды жаңы кадам жасоого түртөт экен
Чемпионго 100 миң доллар! Дүйнө чемпионатына барчу КР боксчулары аныкталды
Кыргызстандык гимнаст Айша Изабекова

Гимнаст Айша Изабекова Япониядагы дүйнө чемпионатына катышат

30
Учурда Айша Москвадагы Ирина Винер-Усманованын гимнастика борборунда даярдык көрүүдө. Мелдеш 27-30-октябрь күндөрү Китакюсю шаарында өтөт.

БИШКЕК, 22-окт. — Sputnik. Кыргызстандык гимнаст Айша Изабекова Японияда өтө турчу дүйнө чемпионатына катышат. Бул тууралуу КРдин Көркөм гимнастика федерациясынын президенти Назира Айдарова билдирди.

Мелдеш 27-30-октябрь күндөрү Китакюсю шаарында өтөт.

Федерациянын башчысы дүйнө чемпионатынын жаңы эрежеси боюнча бир өлкөдөн бирден гана спортчу катыша аларын белгиледи.

Учурда Айша Москвадагы Ирина Винер-Усманованын гимнастика борборунда даярдык көрүүдө. Японияга спортчуну машыктыруучусу Аделина Шаяхметова жана калыс Злата Тулубаева коштоп барат.

Айша Изабекова 18 жашта. Көркөм гимнастика боюнча спорт чебери, Кыргызстандын абсолюттук чемпиону, Азия кубогунан күмүш жан коло медалдарды алган. Азия жана дүйнө чемпионаттарына катышкан.

Айша — ардагерлер арасында дүйнө чемпиону Чынарбек Изабеков менен Көркөм гимнастика федерациясынын президенти Назира Айдарованын кызы.

30
Белгилер:
Япония, Чынарбек Изабеков, гимнастика, мелдеш, Айша Изабекова
Тема боюнча
U23: дүйнө чемпионатына Кыргызстандан эки балбан кыз барат
Аял кол чатыр менен. Архив

Күн кайра ачылабы? Дем алышка карата аба ырайы

0
Апта этегинде кээ бир аймактарга жаан жааса, тоолуу жерлерге кар түшүшү ыктымал. Жекшемби күнү жаан-чачын күтүлбөйт.

БИШКЕК, 22-окт. — Sputnik. Кыргызгидромет ушул аптанын дем алыш күндөрүнө карата аба ырайы божомолун жарыялады.

Билдирмеге караганда, апта этеги кээ бир облустарда жаанчыл болуп, абанын температурасы төмөндөшү күтүлүүдө. Бирок айрым аймактарга жаан жаабайт.

Чүй облусу

23-октябрда түнкүсүн айрым райондордо жаан, тоолуу жерлерге кар жаашы күтүлөт. 23-октябрда күндүз жана 24-октябрда күн ачык болору айтылды.

Талас облусу

Таласта дем алышта жаан-чачын күтүлбөйт. Абанын температурасы 8...10 градус болушу ыктымал.

Ош, Жалал-Абад, Баткен облусу

23-октябрда түнкүсүн кээ бир райондорго жаан, кар жааса, тоолуу жерлерге кар түшүшү күтүлүүдө. Ал эми 23-октябрда күндүз жана 24-декабрда жаан жаабай турганы божомолдонду. Бул аймактарда абанын температурасы 15...17 градуска чейин жылыйт.

Нарын облусу

23-октябрда түнкүсүн кээ бир райондордо жаан, тоолуу жерлерге кар жааса, 23-октябрда күндүз жана 24-октябрда күн ачык болору айтылды. Абанын температурасы 3...8 градус болушу ыктымал.

Ысык-Көл облусу

23-октябрда түнкүсүн көпчүлүк аймактарда жаан, кар, тоолуу райондордо кар жаашы, кээ бир райондордо жаан-чачын катуу жаашы мүмкүн. 23-октябрда күндүз айрым райондордо жаан, кар, тоолуу райондордо кар жаашы күтүлөт. Ал эми 24-октябрда жаан жаабайт. Абанын температурасы 5...10 градуска жылышы ыктымал.

0
Белгилер:
дем алыш, аба ырайы, Кыргызгидромет, божомол, жаан
Тема боюнча
Оору күчөдү, мектептер онлайн окутууга өтөбү? Мэриянын жообу
Ноябрь айында аба ырайы кандай болот. Синоптиктердин божомолу