Кыргызстандык балбан Эрназар Акматалиев. Архивное фото

Эрназар Акматалиев таң калтырган ыкмалары менен чейрек финалга чыкты. Видео

5055
(жаңыланган 16:55 04.10.2021)
Кыргызстандык балбан Шри-Ланка жана Армениядан келген эки балбанды ишенимдүү жеңип, кийинки этапка өттү.

БИШКЕК, 4-окт. — Sputnik. Кыргызстандык балбан Эрназар Акматалиев Дүйнө чемпионатынын чейрек финалына чыкты.

Спортчу 70 килограмм салмак категориясы боюнча килемге чыгып, биринчи беттешинде Шри-Ланкадан келген балбанды 10:0 эсебинде мөөнөтүнөн мурун утуп алды.

Андан соң 1/8 беттеште армениялык Арман Андреасян менен кез келип, 11:2 эсебинде жеңди. Алгач кыргызстандык балбан атаандашына эки упай алдырып жиберди. Андан соң чабуулга өтүп, өзгөчө ыкмаларды колдонуп, катары менен упай алып жатты. Армениялык спортчу Акматалиевди көтөрүп чабууга аракет кылганда кыргызстандык балбан кайра өзүнө каршы ыкма жасоого жетишти.

Эрназар Акматалиев Токио Олимпиадасынын катышуучусу.

5055
Белгилер:
Эрназар Акматалиев, дүйнө чемпионаты, балбан, чейрек, финал
Тема:
Норвегиядагы күрөш боюнча Дүйнө чемпионаты (52)
Тема боюнча
Аз жерден алдыра жаздап... Тыныбекова алгачкы атаандашын жеңди. Видео
UFC чемпиону Валентина Шевченко. Архивдик сүрөт

Валентина Шевченко Холли Берринин тасмасында кимдин ролун ойногон. Сүрөт

7
UFC чемпиону Шевченко Голливуд жылдызы Холли Берри менен тасмада спорттогу каршылаштардан болушат. Тасманын премьерасы 23-октябрда Netflix сервисинде көрсөтүлөт.

БИШКЕК, 17-окт. — Sputnik. UFC уюмунун эң жеңил салмактагы чемпиону, кыргызстандык Валентина Шевченко Instagram баракчасында Bruised ("В синяках", "Көгала болгондо") тасмасын тартуу учурундагы сүрөттөр менен бөлүштү.

Тасманын премьерасы 23-октябрда Netflix сервисинде болмокчу. Анда Шевченко башкы ролдогу Жекинин, тагыраагы, Холли Берринин спорттогу атаандашы болот. Сценарий боюнча, Жекинин карьерасы кичинекей уулу менен мамилесин оңдогондон кийин жанданат.

Шевченко Lady Killer (Киши өлтүргүч аял) каймана аты бар мушкердин ролун аткарат. Жеки маанилүү беттеште аны менен кармашып, мурдагы атак-даңкын кайтаргысы келет.

"Bruised тасмасында Lady Killer ролунда", — деп жазган Валентина.

Кинонун трейлери интернетке 14-октябрда чыккан. Тасма өзү 2019-жылдын декабрында тартылып бүткөн.

7
Белгилер:
UFC, Валентина Шевченко, тасма, роль, мушкер, беттешүү
Тема боюнча
Шевченко катышкан Холли Берринин тасмасынын трейлери чыкты. Видео
Татынакай! Шевченко Холли Берринин тасмасы боюнча маектеги сүрөтүн жарыялады

Бетин катканына карабай ургулап. UFC турниринин эң кызыктуу учурлары видеодо

8
UFC Russia YouTube каналы уюмдун Лас-Вегаста өткөн соңку турниринин эң мыкты учурларын чыгарды. Мушкерлердин кечеси кечээ (Бишкек убактысы боюнча таңда) өттү.

Кеченин башкы беттешинде америкалык спортчу кыздар Аспен Лэдд менен бразилиялык Норма Дюмонт кезикти. Жыйынтыгында Дюмонт калыстардын чечими менен утту.

Кеченин дагы бир башкы беттешинде беларустук Андрей Орловский дагы бразилиялык Карлос Фелипти калыстардын чечими менен жеңди.

Ошондой эле башкы карддын алкагында Жим Миллер Эрик Гонсалести нокаутка кетирсе, Манон Фиоро Майру Буэно Сильваны калыстардын чечими менен, ал эми Нейт Ландвер Людовит Клейнаны колду кайруу ыкмасынын жардамы менен утту.

8
Белгилер:
Лас-Вегас, UFC, беттешүү, кармаш, турнир, видео
Тема боюнча
Валентина Шевченко Кыргызстандын туусун коюп пост жарыялады