Кыргызстандык балбан Айсулуу Тыныбекова

Кыргызстан медалдар жарышында алдыңкы бештикте. Дүйнө чемпионатынын рейтинги

3764
(жаңыланган 18:41 07.10.2021)
АКШ биринчи орунда, Россия экинчиде, Иран үчүнчү сапта келе жатат. Ал эми Япония төртүнчү катарга жайгашты.

БИШКЕК, 7-окт. — Sputnik. Кыргызстандын курама командасы спорттук күрөштүн (грек-рим, эркин жана кыздар күрөшү) түрлөрү боюнча дүйнө чемпионатында алган медалдардын саны боюнча жарышта 5-орунга чыкты. Бул тууралуу мелдештин Бириккен күрөш дүйнөсү (United World Wrestling) уюмунун расмий сайтында айтылат.

Спорттук күрөштүн (грек-рим, эркин жана кыздар күрөшү) түрлөрү боюнча дүйнө чемпионаты ушул күндөрү Норвегиянын Осло шаарында өтүп жатат. Бүгүн мелдештин бешинчи күнү. Кыз-келиндер күрөшүндө 57, 59, 68 жана 72 килограмм салмактагы спортчулардын финалдык таймаштары калды. Ал эми 5-октябрда эркин күрөш балбандарынын мелдеши жыйынтыкталган. Бүгүн, 7-октябрда, грек-рим күрөшүнүн балбандары килемге чыгат.

Мелдештин бешинчи күнүндөгү медалдар боюнча көрсөткүч:

  1. АКШ;
  2. Россия;
  3. Иран;
  4. Япония;
  5. Кыргызстан. 

Азыркы тапта өлкө куржунунда бир алтын, бир күмүш жана эки коло байге бар. Буга чейин эркин күрөш балбаны Алибек Осмонов (65 килограмм) биринчи болуп Кыргызстандын капчыгына коло медаль алып келген. Анын артынан Эрназар Акматалиев (70 килограмм) күмүш, ал эми кыз-келиндер күрөшүнөн Айсулуу Тыныбекова (62 килограмм) алтын, Айпери Медет кызы (76 килограмм) коло медаль тагынышкан.

Бүгүн Мээрим Жуманазарова (68 килограмм) дүйнө чемпионатынын алтын байгеси үчүн япониялык Рин Мьядзи менен кармашат.

Дүйнө биринчилиги 2-октябрда эркин күрөш балбандарынын мелдеши менен башталган. 4-7-октябрда кыз-келиндер күрөшү менен уланып, 7-10-октябрда грек-рим күрөшүнүн балбандарынын таймашы менен жыйынтыкталат.

3764
Белгилер:
күрөш, дүйнө чемпионаты, медаль, жарыш, Кыргызстан, рейтинг
Тема:
Норвегиядагы күрөш боюнча Дүйнө чемпионаты (52)
Тема боюнча
Дүйнө чемпионатында грек-рим күрөшү боюнча беттешчү балбандар. Тизме
Айсулуу үчүн бул мелдеш оор болду. Нурбек Изабековдун Ослодон курган видеомаеги
Көк бөрү оюнчулары. Архив

Көк бөрү: республикалык мелдештин финалына Чүй менен Оштун улакчылары чыкты

168
(жаңыланган 19:05 22.10.2021)
Бүгүн өткөн жарым финалдык таймашта Чүй облусу Ысык-Көлдү 6:1 эсебинде утса, Ош облусу Таластын командасын 1:0 менен жеңди.

БИШКЕК, 22-окт. — Sputnik. Сокулуктагы "Белек" ат майданында өтүп жаткан көк бөрү боюнча республикалык чемпионаттын финалында Чүй менен Ош облусунун командалары беттешет. Бул тууралуу аталган спорт боюнча федерациянын маалымат кызматы билдирди.

Бүгүн өткөн жарым финалдык таймашта Чүй облусу Ысык-Көлдү 6:1 эсебинде утса, Ош облусу Таласты 1:0 менен жеңген.

Аталган турнир өлкөнүн Көк бөрү федерациясынын 25 жылдыгына жана улуттук оюндун эрежелерин иштеп чыккан авторлордун урматына арналып өткөрүлүүдө. Мелдеш облустук форматта уюшулуп, ага өлкөнүн жети дубаны жана эки шаарынын командалары катышып күч сынашты.

Мелдештин үчүнчү оруну жана башкы байге үчүн финалдык беттештер 24-октябрда өтөт.

Эскерте кетсек, улуттук Көк бөрү федерациясынын уюшулганына быйыл чейрек кылым болду. Оюндун эрежелерин Болот Шамшиев, Темир Дүйшекеев, Болот Шер, Мамыркожо Бөкөнбаев жана Жетиген Мааданов иштеп чыккан.

 

168
Белгилер:
Көк бөрү, Сокулук, мелдеш, чемпионат
Тема боюнча
Мээрим алдыга чыкты. Кыргыз балбандары UWW уюмунун рейтингинде секирик жасашты
Күрөш. Архив

Роман Сарыбаев ардагерлердин дүйнө чемпионатынан күмүш медаль алды

197
(жаңыланган 10:44 22.10.2021)
Бул Кыргызстандын капчыгына түшкөн төртүнчү медаль. Буга чейин ата мекендик спортчулар эки алтын, бир коло байге алган.

БИШКЕК, 22-окт. — Sputnik. Кыргызстандык балбан Роман Сарыбаев эркин күрөш боюнча ардагерлердин дүйнө чемпионатында күмүш медалга ээ болду. Бул тууралуу өлкөнүн Күрөш федерациясынын маалымат кызматы билдирди.

88 килограмм салмакта ат салышкан Сарыбаев финалда россиялык Булат Дашинимаевге 10:0 эсебинде жеңишти алдырып жиберди.

Кыргызстандын ардагер балбаны баштапкы этапта өзбекстандык Усманжон Юсуповду, чейрек финалда казакстандык Абай Смагуловду, ал эми жарым финалда америкалык спортчу Жеймс Медейрону уткан.

Бул Кыргызстандын капчыгына түшкөн төртүнчү медаль. Буга чейин ата мекендик спортчулар Талант Бегалиев (70 килограмм) 56-60 жаштагылар арасында, Чынарбек Изабеков (100 килограмм) 56-60 жаштагылар арасында чемпион болуп, алтын байге тагынышты. Ал эми 130 килограмм салмакта ат салышкан дагы бир балбан Сааданбек Ниязов коло медаль утту.

Эркин жана грек-рим күрөшү боюнча ардагерлер арасындагы дүйнө чемпионаты 19-октябрда Грециянын Лутраки шаарында башталды. Ал 24-октябрга чейин созулат.

197
Белгилер:
күрөш, Греция, дүйнө чемпионаты, Кыргызстан, Лутраки
Тема боюнча
U23 дүйнө чемпионатына бара турган кыргызстандык балбандардын тизмеси
U23: дүйнө чемпионатына Кыргызстандан эки балбан кыз барат
Голос долбоорунун сахнасы. Архив

Кыргызстандык "Голос" шоусуна катышып, Билан менен Агутинди таң калтырды

0
(жаңыланган 00:18 23.10.2021)
Бишкектик ырчы Адилет Жумабековду дароо үч насаатчы командасына алгысы келди. Ал долбоордогу чыгармасын апасына арнаган.

БИШКЕК, 23-окт. — Sputnik. Кыргызстандык Адилет Жумабеков Россиянын "Голос" шоусунун кийинки этабына өттү.

Бул шоуда насаатчылар аткаруучуларды артты карап алып угуп, жакса бурулушат. Адилет кесипкөй ырчы эмес экенин, бирок бир нече аспапта ойной турганын айткан.

"Апам төрт баланы жазгыз өстүрдү. Мен музыкалык окуу жайда окучумун, бирок финансылык кыйынчылыктан улам музыкант, ырчы болуп иштеп кеткем. "Голос" долбоору — менин көптөн берки кыялым", — деген Жумабеков.

30 жаштагы бишкектик ырчы долбоордо Boyz II Men — End of the road ырын аткарды. Ал ырдап жатканда Александр Градский, Леонид Агутин менен Дима Билан бурулуп караган. Залда отургандар да ага кол чаап, "Баракелде!" деген. 

Пелагея кыргызстандык ырчынын аткаруусуна таң берген, Агутин стилин жана тембрин баалаган, Билан дагы аны өз командасынан көргүсү келип жатканын билдирген. Натыйжада Жумабеков Биланды тандаган.

0
Белгилер:
Россия, 'Голос' долбоору, ырчы
Тема боюнча
Бишкекте "Орто Азия романсиадасы" конкурсунун жеңүүчүлөрү аныкталды. Сүрөт