Кыргызстандын Олимпиадалык категориядагы калысы Мейрамбек Ахметов. Архив

UWW калысы Мейрамбек Ахметов карьерасын жыйынтыктады. Зал туруп узаткан видео

1296
(жаңыланган 20:50 15.10.2021)
Ахметов олимпиадалык категориядагы калыс, ошол эле учурда Олимпиаданын күмүш медалын уткан Канатбек Бегалиев менен Акжол Махмудовдун жеке машыктыруучусу болуп саналат.

БИШКЕК, 11-окт. — Sputnik. Бириккен күрөш дүйнөсү (United World Wrestling ) уюмунун кыргызстандык экстра-класстагы калысы Мейрамбек Ахметов эл аралык карьерасын жыйынтыктады. Бул тууралуу ал Ослодо өткөн дүйнө чемпионатынан кийин расмий билдиргенин Кыргызстандын Күрөш федерациясы Instagram баракчасына чыгарды. 

Видеодо залдагы күйөрмандар Мейрамбек Ахметовдун мыкты иши үчүн туруп кол чаап узатышканын көрүүгө болот.

Кыргызстандын Күрөш федерациясы айтылган куттуктоолорго кошулуп, Мейрамбек Ахметовго бекем ден соолук, узак өмүр каалаган.

"Бүтүндөй Кыргызстан сиз менен сыймыктанат! Биз, спорттук арена, сиздей мыктыларга муктажбыз. Сиздин бай тажрыйбаңыз, билимиңиз жана чеберчилигиңиз калыстарга, спортчуларга жана машыктыруучуларга алга умтулууга, медаль утууга жана Кыргызстандын даңкын чыгарууга жардам берет, Сизге терең таазим!" — деп айтылат федерациянын билдирүүсүндө.

Ахметов олимпиадалык категориядагы калыс, ошол эле учурда Олимпиаданын күмүш медалын уткан Канатбек Бегалиев менен Акжол Махмудовдун жеке машыктыруучусу болуп саналат. Мындан сырткары, ал дүйнө, Азия чемпионаттарынан байгелерди уткан бир катар балбандарды тарбиялаган.

1296
Белгилер:
Мейрамбек Ахметов, калыс, карьера
Тема боюнча
Мейрамбек Ахметов Ослодо өтчү дүйнө чемпионатында калыстык кылат
Мейрамбек Ахметов: Пекинде Канат Бегалиевди уурданып жүрүп колдоп келгем
FIFA президенти финалдык оюнду тейлеген Нурдин Букуевди сыйлады. Видео
Кыргызстандын футбол боюнча курама командасынын оюнчусу Алимардон Шукуров. Архив

Бүгүн Кыргызстан Оман менен ойнойт. Командага Алимардон Шукуров кошулду

115
(жаңыланган 10:10 27.10.2021)
Олимпиадалык команда толукталып, кечээ Хаур-Факкан шаарында алдыдагы оюнга даярдык көрүшкөн. Машыгууга Шукуровдун да катышканы айтылды.

БИШКЕК, 27-окт. — Sputnik. Футбол боюнча Кыргызстандын олимпиадалык курама командасынын (U-23) сабына беларустун "Неман" клубунда ойногон Алимардон Шукуров келип кошулду. Бул тууралуу өлкөнүн Футболдук союзу Instagram баракчасына жазды.

Посмотреть эту публикацию в Instagram

Публикация от The Kyrgyz Football Union (@kfu_kg)

Курама команда бүгүн Азия кубогу-2022 турнирине тандоонун алкагында Оман менен беттешет.

Олимпиадалык команда толукталып, кечээ Хаур-Факкан шаарында алдыдагы оюнга даярдык көрүп, Шукуров машыгууга катышкан.

Кыргызстан — Оман командаларынын беттеши Бишкек убактысы боюнча 18:50дө башталат.

Эскерте кетсек, Кыргызстан тандоо этабында Е тайпасына Бириккен Араб Эмирлиги (БАЭ), Оман жана Индия командалары менен таймашат.

24-октябрда ата мекендик команда оюндар өтүп жаткан талаа ээси БАЭ командасын 2:1 эсебинде утуп алган.

Жаштар континенталдык биринчилигинин финалдык бөлүгүнө 11 команда — өз тайпаларынын жеңүүчүлөрү жана экинчи орунду ээлеген мыкты көрсөткүчү бар төрт команда чыгат.

Азия кубогу Өзбекстанда өтөт.

115
Белгилер:
футбол, Кыргызстан, Алимардон Шүкүров
Тема боюнча
Бишкектин "Дордой" футбол клубу Кыргызстандын чемпиону болду
Бали! КР футболчулары БАЭ командасын утуп алды. Голдордун видеосу
Грек-рим күрөшүнөн Олимпиаданын эки жолку, дүйнөнүн үч жолку чемпиону Роман Власов. Архив

Темир айым! Олимпиада чемпиону Роман Власов Айсулуу Тыныбековага суктанды

1950
(жаңыланган 16:43 26.10.2021)
Грек-рим күрөшүнөн Россиянын капитаны өзүнүн Instagram баракчасына Айсулуу менен түшкөн сүрөтүн коюп, аны "Кыргызстандын сыймыгы!" деп атаган.

БИШКЕК, 26-окт. — Sputnik. Грек-рим күрөшүнөн Олимпиаданын эки жолку, дүйнөнүн үч жолку чемпиону Роман Власов кыргыздын балбан кызы Айсулуу Тыныбековага алкоо айтты. Россия курама командасынын капитаны өзүнүн Instagram баракчасына Айсулуу менен түшкөн сүрөтүн коюп, аны "Кыргызстандын сыймыгы" деп атаган.

Посмотреть эту публикацию в Instagram

Публикация от Roman Vlasov (@vlasovroma90)

"Кыргызстандын күрөш тарыхында алгачкы жана жападан жалгыз дүйнө чемпиону. Темир айым!" — деп сүрөттүн астына билдирүү калтырган.

Өз кезегинде Айсулуу анын постуна "Сиз ар дайым биз үчүн үлгүсүз" деп жооп кайтарган.

Айсулуу Тыныбекова быйыл Токио Олимпиадасында күмүш байге уткан. Ал эми октябрь айынын башында Норвегиянын Осло шаарында өткөн дүйнө биринчилигин жеңип, экинчи ирет дүйнө чемпиону болду. Буга чейин 2019-жылы Нур-Султан шаарында өткөн мелдеште биринчиликти ээлеп, Кыргызстандын тарыхында дүйнө чемпионатынын алгачкы алтын медалын алып келген.

Власов буга чейин кыргызстандык грек-рим күрөшүнөн балбан Жоламан Шаршенбековдун социалдык баракчасындагы постуна билдирүү жазган болчу.

1950
Белгилер:
Роман Власов, Айсулуу Тыныбекова, күрөш
Тема боюнча
Кыргызстан дөө-шаалардын катарында. Дүйнө чемпионатынын акыркы рейтинги
Кыргызстандын балбандары дүйнө чемпионатынан келишти
Балбан кыздардын аты коюлган үч эм. Айсулуу Тыныбекова төрөт үйүнө барды. Сүрөт
Кайгуул милициясынын кызматкери. Архив

Кайгуул милициясынын кызматкерлери канча айлык алат? Жооп

0
(жаңыланган 16:53 27.10.2021)
Милициянын кайгуул кызматы пилоттук долбоор катары Бишкек жана Ош шаарында иштеп жатат. Ушул убакка чейин бош вакансиялар бар.

БИШКЕК, 27-окт. — Sputnik. Милициянын кайгуул кызматынын орточо айлык акысы 25 миң сом экенин ЖКККББнын начальнигинин орун басары Манас Сыдыгалиев Sputnik Кыргызстан агенттигинин борборундагы брифингде айтты.
Ошондой эле ал учурда вакансиялар дагы бар экенин кошумчалады.

Заместитель начальника Управления дорожно-патрульной службы и правоприменительной практики ГУОБДД Манас Сыдыгалиев на брифинге в пресс-центре Sputnik Кыргызстан. 27 октярбя 2021 года
© Sputnik / Табылды Кадырбеков
ЖКККББнын начальнигинин орун басары Манас Сыдыгалиев
"Пилоттук долбоор катары бул кызмат Бишкек жана Ош шаарында иштеп жатат. Азыр бош вакансиялар бар. Мурда бул кызматка жогорку билими жок жарандарды алып, кийин анын кесепетин көрдүк. Азыр жогорку билим сөзсүз болушу керек деген талап пайда болду. Башында бул кызматты түзүү менен ар бир чакырууга ыкчам жооп болсун деген максат коюлган. Бирок эсептей келгенде бир экипажга 50 чакырымдан аянт тийип калууда", — деди Садыгалиев.

Андан соң орун басар журналисттердин кызаматкерлер канча айлык алат деген суроосуна жооп берди.

"Айлык акы орто эсеп менен 25 миң сом. Менимче бул мектепти гана бүткөн жаш адистерге жакшы маяна. Бирок мындан ары жогорку билим сөзсүз талап кылынат", — деди ал.

Сөзүнүн айгында Садыгалиев жумуш жеңил болбогондуктан, көпчүлүк кызамткерлер бир аз иштеген соң кетип каларын кошумчалады.

0
Белгилер:
Ош, Бишкек, Кайгуул милициясы, айлык, жумуш
Тема боюнча
Милиция блогер Гүлзат Мамытбекти 110 миң доллар алган деп кармады
Үлпөт тойдо мылтыктан ок аткан бала Ысык-Атадан табылды. Видео