Кыргызстандын эркин жана грек-рим күрөшү боюнча дүйнө чемпионатына катышкан курама команда Бишкекке келди

Кыргызстандын балбандары дүйнө чемпионатынан келишти

534
(жаңыланган 16:11 12.10.2021)
Спортчуларды "Манас" аэропортунан министрдин орун басары баштаган расмий топ, спортчулардын ата-энелери, туугандары, достору жана күрөш күйөрмандары тосуп алышты.

БИШКЕК, 12-окт. — Sputnik. Кыргызстандын эркин жана грек-рим күрөшү боюнча дүйнө чемпионатына катышкан курама команда Бишкекке келди. Бул тууралуу Жаштар иши, дене тарбия жана спорт агенттигинин маалымат кызматы билдирди.

12-октябрга караган түнү спортчулар "Манас" эл аралык аэропортуна келип конушкан. Курама команданы маданият, маалымат, спорт жана жаштар саясаты министринин орун басары Илязбек Балташев, Спорттун олимпиадалык түрлөрү боюнча дирекциянын директорунун орун басары Алибек Ташматов баштаган топ, спортчулардын ата-энелери, туугандары жана достору тосуп алышты.

Балташев балбандарды ийгиликтери менен куттуктап, алдыда чоң жеңиштерди каалады.

Белгилей кетсек, спорттук күрөштүн түрлөрү боюнча дүйнө чемпионаты 2-10-октябрь күндөрү Осло шаарында (Норвегия) өттү.

Кыргызстандын улуттук курама командасынын балбандары эки алтын, эки күмүш жана эки коло медаль алган.

Кыргызстан намысын коргогон балбандар кыз-келиндер күрөшүнөн Айсулуу Тыныбекова менен Мээрим Жуманазарова алтын, Айпери Медет кызы коло, эркин күрөштөн Эрназар Акматалиев күмүш, Алибек Осмонов коло жана грек-рим күрөшүнөн Жоламан Шаршенбеков күмүш медаль утуп келишти.

Дүйнө чемпионатынын жыйынтыгы менен Кыргызстандын улуттук курама командасы жалпы медалдар боюнча эсепте 5-орунга көтөрүлдү.

534
Белгилер:
Кыргызстан, курама команда, күрөш, дүйнө чемпионаты
Тема:
Норвегиядагы күрөш боюнча Дүйнө чемпионаты (52)
Тема боюнча
Алтынга тете жеңиш болду! Президент Жоламан Шаршенбековду куттуктады
Кыргызстан дөө-шаалардын катарында. Дүйнө чемпионатынын акыркы рейтинги
Күрөш залында машыгып жаткан кыздар. Архив

Бишкекте балбан кыздарга машыгуу залын куруу үчүн жер тилкеси бөлүндү. Дареги

112
(жаңыланган 13:52 28.10.2021)
Көчөт отургузула турган аймакты кошо алганда бөлүнгөн жердин жалпы аянты 800 чарчы метрди түзөт. Долбоордун баштапкы баасы 43 миллион сомго бааланууда.

БИШКЕК, 28-окт. — Sputnik. Бишкекке аялдар күрөшү менен машыгуу үчүн ылайыкталган спорт зал курууга Жаштар иши, дене тарбия жана спорт мамлекеттик агенттигине жер тилке бөлүнүп берилди. Бул тууралуу Маданият, маалымат, спорт жана жаштар саясаты министрлигинин маалымат кызматы билдирди.

Ага ылайык, Малдыбаев көчөсүндөгү Массалык спортту өткөрүү жана жаштар менен иштөө боюнча "Жаштык" дирекциясынын аймагынан 40*15 метр жер берилди. Көчөт тигиле турган аймакты кошо алганда бөлүнгөн жердин жалпы аянты 800 чарчы метрди түзөт.

"Жаштык" дирекциясынын аймагына зал куруу максатка ылайыктуу. Анткени аталган жайда бассейни бар спорт комплекси жайгашкан. Мында балбан кыздардын машыгуу процессине кошумча шарттар болот", — деп айтылат маалыматта.

Архитектура, курулуш, турак жай-коммуналдык чарба мамлекеттик агенттиги машыгуу залынын долбоорун, ошондой эле архитектуралык-пландоо жана инженердик-техникалык шарттарды иштеп чыгууга киришти. Ал эми керектүү документтер даярдалып, бекитилип бүткөн соң курулуш иштери башталат.

Долбоордун баштапкы сметалык баасы 43 миллион сомду түзөт. Объектинин курулушунун жалпы наркы залдын сметасы толук иштелип чыккандан соң белгилүү болот.

Залдын курулушун Архитектура, курулуш жана турак жай-коммуналдык чарба мамлекеттик агенттиги жүргүзөт. Зал пайдаланууга берилгенден кийин имарат Маданият, маалымат, спорт жана жаштар саясаты министрлигине караштуу Жаштар иши, дене тарбия жана спорт мамлекеттик агенттигинин балансына өткөрүлөт.

Буга чейин мындай чечим президенттин тапшырмасы менен спортчуларды колдоо жана стимул берүү, ошондой эле дене тарбия жана спортту өнүктүрүү максатында кабыл алынганы айтылган.

 

112
Белгилер:
спорт, курулуш, күрөш
Тема боюнча
Бишкекте Жапаровдун тапшырмасы менен балбан кыздарга спорттук зал курулат
Оморканов: жер маселеси чечилсе хоккей аренасы курулат

"Ливерпулдун" футболчусу "чаян сокку" менен өзгөчө гол киргизди. Видео

109
(жаңыланган 12:19 28.10.2021)
Англиянын "Ливерпуль" футболдук клубунун чабуулчусу Дивок Ориги "чаян сокку" ыкмасы менен тээп, мыкты гол киргизди.

Кечээ Англия лигасынын кубогу мелдешинде "Ливерпуль" менен "Престон" клубдары беттешкен. Юрген Клопптун мерсисайддык шакирттери атаандашын 2:0 эсебинде утуп, 1/8 финалга өтүштү.

Ливерпулдуктардан голдорду япониялык Такуми Минамино жана бельгиялык Ориги киргизди.

Ориги мерсисайддык клубда негизги курамдын оюнчусу эмес. Башкы насаатчы Клопп Англиядагы эң мыкты командалардын бири болгон "Ливерпулда" футболчулар үчүн атаандаштык күч экенин айтат.

109
Белгилер:
футбол, Ливерпуль ФК, гол, чаян сокку, Дивок Ориги
Тема боюнча
"Чаян сокку". Румыниялык футболчунун кооз голунун видеосу
Казакстандык футболчу кыз "чаян сокку" ыкмасында өзгөчө гол киргизди. Видео
Кыз электрондук тамеки менен. Архив

Электрондук тамеки менен кальяндын салыгы 10 эсе жогорулайт. Жаңы кодекс

0
Салыктык ставкалар кадимки тамеки менен теңделип, натыйжада жылына бюджетке кошумча 50 миллион сом түшөрү болжолдонууда.

БИШКЕК, 28-окт. — Sputnik. Кальян, электрондук тамеки, вейп сыяктуу тамекини алмаштыруучу каражаттардын акциздик салыгы 10 эсеге жогорулайт. Бул туурасында жаңы Салык кодексинин долбоорунда жазылган.

Ага ылайык, 1 000 даанасына 2 250 сомго чейин (ысытылуучу тамеки таякчалар, ысытылуучу тамеки капсулалары жана башка) акциз салыгын көбөйтүү, башкача айтканда, кадимки тамекинин салыгы менен теңдөө каралууда.

"Азыркы учурда тамекини алмаштыруучулар кеңири колдонулууда, салык салуу шарттарын теңдөө үчүн аталган категориядагылардын акциз салыгынын ставкасын жогорулатуу боюнча чечим кабыл алынды. Бир даана ысытылуучу тамекиге болгон акциз салыгы кадимки чылымдын акциз салыгынан 10 эсеге аз. Салыкты көтөрүүнүн натыйжасында жылына бюджетке кошумча 50 миллион сом түшөрү болжолдонууда", — деп жазылган долбоордо.

Ошондой эле мындай норманы киргизүүгө жакында коомдук жайлар менен мекемелерде чылымдын бардык түрүн чегүүгө тыюу салган мыйзам кабыл алынганы да түрткү болгон.

0
Белгилер:
кальян, салык кодекси, электрондук тамеки
Тема боюнча
Жапаров бюджетти 400 млрд. сомго чыгаруу үчүн каяктан акча табарын айтты. Видео
Instagram да, блогер да салык төлөйт. Жаңы кодекске кошулган берене