Футзал оюнчулары беттеш алдында. Архив

"Фарватер" менен Steelex футзал боюнча өлкөнүн Суперкубогу үчүн таймашат

70
Беттеш 15-октябрда Бишкектин Арча-Бешик конушундагы "Газпром" ден соолукту чыңдоо борборунда саат 18:30да башталат.

БИШКЕК, 13-окт. — Sputnik. Ушул аптада футзал боюнча Кыргызстандын Суперкубогу үчүн беттеш өтөт. Бул тууралуу Кыргызстандын футболдук союзунун маалымат кызматы билдирди.

Мындай маанилүү олжо үчүн өлкө чемпиону "Фарватер" (Бишкек) менен Кыргызстандын футзал ассоциациясынын кубогу мелдешинин жеңүүчүсү Steelex (Бишкек) кездешет.

"Күйөрмандарды 2021-2022-жылдагы футзал боюнча Кыргызстандын чемпионатынын жаңы сезонунун алдында Суперкубок үчүн мыкты беттеш күтүүдө. Анда өлкө чемпиону "Фарватер" менен Футзал ассоциациясынын кубогу мелдешинин жеңүүчүсү Steelex (Бишкек) кез келет", — деп айтылат маалыматта.

Беттеш 15-октябрда Бишкектин Арча-Бешик конушундагы "Газпром" ден соолукту чыңдоо борборунда саат 18:30да башталат.

Суперкубоктун тарыхы:

Футзал боюнча өлкөнүн Суперкубогу үчүн оюн эң алгачкы жолу 2017-жылдын 22-октябрында өткөрүлгөн. Анда КРдин чемпиону Оштун EREM клубу менен өлкө кубогунун жеңүүчүсү Ысык-Көлдүн "Мурас" командасы кездешкен. Оштук команда 5:2 эсебинде утуп, олжонун алгачкы ээси болгон.

2018-жылы Кыргызстандын чемпиону жана өлкө кубогунун жеңүүчүсү оштук EREM өлкө кубогунун финалисти Бишкектин Sun City (2020-жылы "Спартак Бишкек" болуп өзгөргөн) клубу менен кез келген. Беттеш 2:1 эсебинде аяктап, бишкектик клуб жеңүүчү болгон.

Ал эми 2019-2020-жылдары өлкөнүн Суперкубогу үчүн беттештер өткөрүлгөн эмес.

70
Белгилер:
Кыргызстан, футзал, беттешүү
Тема боюнча
Футболчу Ильзат Ахметов Россия курама командасынын катарына чакырылды
Кыргызстандын балбандары дүйнө чемпионатынан келишти
Күрөш. Архив

Роман Сарыбаев ардагерлердин дүйнө чемпионатынан күмүш медаль алды

1
(жаңыланган 10:10 22.10.2021)
Бул Кыргызстандын капчыгына түшкөн төртүнчү медаль. Буга чейин ата мекендик спортчулар эки алтын, бир коло байге алган.

БИШКЕК, 22-окт. — Sputnik. Кыргызстандык балбан Роман Сарыбаев эркин күрөш боюнча ардагерлердин дүйнө чемпионатында күмүш медалга ээ болду. Бул тууралуу өлкөнүн Күрөш федерациясынын маалымат кызматы билдирди.

88 килограмм салмакта ат салышкан Сарыбаев финалда россиялык Булат Дашинимаевге 10:0 эсебинде жеңишти алдырып жиберди.

Кыргызстандын ардагер балбаны баштапкы этапта өзбекстандык Усманжон Юсуповду, чейрек финалда казакстандык Абай Смагуловду, ал эми жарым финалда америкалык спортчу Жеймс Медейрону уткан.

Бул Кыргызстандын капчыгына түшкөн төртүнчү медаль. Буга чейин ата мекендик спортчулар Талант Бегалиев (70 килограмм) 56-60 жаштагылар арасында, Чынарбек Изабеков (100 килограмм) 56-60 жаштагылар арасында чемпион болуп, алтын байге тагынышты. Ал эми 130 килограмм салмакта ат салышкан дагы бир балбан Сааданбек Ниязов коло медаль утту.

Эркин жана грек-рим күрөшү боюнча ардагерлер арасындагы дүйнө чемпионаты 19-октябрда Грециянын Лутраки шаарында башталды. Ал 24-октябрга чейин созулат.

1
Белгилер:
күрөш, Греция, дүйнө чемпионаты, Кыргызстан, Лутраки
Тема боюнча
U23: дүйнө чемпионатына Кыргызстандан эки балбан кыз барат
Балбандар мелдеш учурунда. Архив

U23 дүйнө чемпионатына бара турган кыргызстандык балбандардын тизмеси

35
Спорттук күрөштүн түрлөрү боюнча 23 жашка чейинкилер арасында дүйнө чемпионаты 1-ноябрдан 7-ноябрга чейин Сербиянын Белград шаарында өтөт.

БИШКЕК, 22-окт. — Sputnik. Спорттук күрөштүн (грек-рим, эркин жана кыз-келиндер күрөшү) түрлөрү боюнча U23 дүйнө чемпионатына барчу Кыргызстандын командасынын курамы аныкталды. Бул тууралуу өлкөнүн күрөш федерациясынын маалымат кызматы билдирди.

Ослодо өткөн дүйнө чемпионатында күмүш байге уткан эркин күрөш балбаны Эрназар Акматалиев бул турнирге катышат.

Ал эми грек-рим күрөшү боюнча мелдешке быйыл жаштар арасындагы дүйнө чемпионатында коло медаль уткан Акыйкат Гулжигит уулу барат.

Эркин күрөш балбандарынын курамы:

  • Бекболот Мырзаназар уулу (57 килограмм);
  • Тайырбек Жумашбек уулу (61 килограмм);
  • Айбек Токтогул уулу (65 килограмм);
  • Эрназар Акматалиев (70 килограмм);
  • Нуртилек Карыпбаев (86 килограмм).

Спортчуларды өлкөнүн эркин күрөш боюнча улуттук командасынын башкы машыктыруучусу Руслан Маджинов менен ага машыктыруучу Исламбек Тазабеков жетектеп барышат.

Грек-рим күрөшү боюнча балбандардын тизмеси:

  • Акыйкат Гулжигит уулу (55 килограмм);
  • Нурмухаммет Абдуллаев (60 килограмм);
  • Марлен Асикеев (67 килограмм);
  • Ийгилик Сатымкул уулу (72 килограмм);
  • Акылбек Талантбеков (77 килограмм);
  • Бексултан Назарбаев (82 килограмм);
  • Азат Салидинов (87 килограмм);
  • Данияр Шеримбеков (97 килограмм).

Грек-рим күрөшүнүн балбандарын улуттук команданын башкы машыктыруучусу Азат Эркимбаев менен Арсен Эралиев баштап барышат.

Спорттук күрөштүн түрлөрү боюнча 2021-жылдагы U23 дүйнө чемпионаты 1-ноябрдан 7-ноябрга чейин Сербиянын Белград шаарында өтөт.

35
Белгилер:
күрөш, дүйнө чемпионаты, Кыргызстан, курама команда
Тема боюнча
U23: дүйнө чемпионатына Кыргызстандан эки балбан кыз барат
Айпери Медет кызы: күтүүсүз нерсе адамды жаңы кадам жасоого түртөт экен
Чемпионго 100 миң доллар! Дүйнө чемпионатына барчу КР боксчулары аныкталды