Футболчу оюн учурунда. Архив

Оюндун башында эле өз талаасынан гол киргизген дарбазачы. Кытайдагы видео

236
(жаңыланган 10:33 13.10.2021)
Кызыктуу көрүнүш өлкөнүн төртүнчү дивизионунда ойногон "Хубей Займинг" менен "Гуанчжи Ланьянг" клубдарынын беттешинде катталды.

БИШКЕК, 13-окт. — Sputnik. Кытайлык "Хубей Займинг" футболдук клубунун голкипери оюндун башталышында эле өз талаасынан атаандашына гол киргизди. Таң калтырган учур тууралуу Eurosport маалымат булагы жазды.

Кызыктуу көрүнүш өлкөнүн төртүнчү дивизионунда ойногон "Хубей Займинг" менен "Гуанчжи Ланьянг" клубдарынын беттешинде катталды. Анын видеосу Twitter тармагындагы Drafts 3.7 аккаунтуна жүктөлдү.

​"Хубейдин" голкипери өз дарбазасына жасалган чабуулда топту каршы тарапка багыттап, ал голго айланган. Оюн талаасынын дээрлик бир четинен экинчи четине чейин учкан топтун кирип кетишине атаандаш команданын дарбазачысынын жаза басканы да себеп болгон. Ал жерге тийген топту үстүнөн өткөрүп жиберген.

Бул футбол тарыхында дарбазачы киргизген эң тез голдордун катарында биринчи эмес. Буга чейин 2013-жылы Англия премьер-лигасында "Сток Сити" — "Сатугемптон" беттешинде талаа ээлеринин голкипери Асмир Бегович оюндун 13-секундасында гол киргизген. 

236
Белгилер:
футбол, дарбазачы, гол, Кытай
Тема боюнча
Дарбазадан тебилген топ экинчисине кирип кеткенде... Видео
Күрөш залында машыгып жаткан кыздар. Архив

Бишкекте балбан кыздарга машыгуу залын куруу үчүн жер тилкеси бөлүндү. Дареги

109
(жаңыланган 13:52 28.10.2021)
Көчөт отургузула турган аймакты кошо алганда бөлүнгөн жердин жалпы аянты 800 чарчы метрди түзөт. Долбоордун баштапкы баасы 43 миллион сомго бааланууда.

БИШКЕК, 28-окт. — Sputnik. Бишкекке аялдар күрөшү менен машыгуу үчүн ылайыкталган спорт зал курууга Жаштар иши, дене тарбия жана спорт мамлекеттик агенттигине жер тилке бөлүнүп берилди. Бул тууралуу Маданият, маалымат, спорт жана жаштар саясаты министрлигинин маалымат кызматы билдирди.

Ага ылайык, Малдыбаев көчөсүндөгү Массалык спортту өткөрүү жана жаштар менен иштөө боюнча "Жаштык" дирекциясынын аймагынан 40*15 метр жер берилди. Көчөт тигиле турган аймакты кошо алганда бөлүнгөн жердин жалпы аянты 800 чарчы метрди түзөт.

"Жаштык" дирекциясынын аймагына зал куруу максатка ылайыктуу. Анткени аталган жайда бассейни бар спорт комплекси жайгашкан. Мында балбан кыздардын машыгуу процессине кошумча шарттар болот", — деп айтылат маалыматта.

Архитектура, курулуш, турак жай-коммуналдык чарба мамлекеттик агенттиги машыгуу залынын долбоорун, ошондой эле архитектуралык-пландоо жана инженердик-техникалык шарттарды иштеп чыгууга киришти. Ал эми керектүү документтер даярдалып, бекитилип бүткөн соң курулуш иштери башталат.

Долбоордун баштапкы сметалык баасы 43 миллион сомду түзөт. Объектинин курулушунун жалпы наркы залдын сметасы толук иштелип чыккандан соң белгилүү болот.

Залдын курулушун Архитектура, курулуш жана турак жай-коммуналдык чарба мамлекеттик агенттиги жүргүзөт. Зал пайдаланууга берилгенден кийин имарат Маданият, маалымат, спорт жана жаштар саясаты министрлигине караштуу Жаштар иши, дене тарбия жана спорт мамлекеттик агенттигинин балансына өткөрүлөт.

Буга чейин мындай чечим президенттин тапшырмасы менен спортчуларды колдоо жана стимул берүү, ошондой эле дене тарбия жана спортту өнүктүрүү максатында кабыл алынганы айтылган.

 

109
Белгилер:
спорт, курулуш, күрөш
Тема боюнча
Бишкекте Жапаровдун тапшырмасы менен балбан кыздарга спорттук зал курулат
Оморканов: жер маселеси чечилсе хоккей аренасы курулат

"Ливерпулдун" футболчусу "чаян сокку" менен өзгөчө гол киргизди. Видео

103
(жаңыланган 12:19 28.10.2021)
Англиянын "Ливерпуль" футболдук клубунун чабуулчусу Дивок Ориги "чаян сокку" ыкмасы менен тээп, мыкты гол киргизди.

Кечээ Англия лигасынын кубогу мелдешинде "Ливерпуль" менен "Престон" клубдары беттешкен. Юрген Клопптун мерсисайддык шакирттери атаандашын 2:0 эсебинде утуп, 1/8 финалга өтүштү.

Ливерпулдуктардан голдорду япониялык Такуми Минамино жана бельгиялык Ориги киргизди.

Ориги мерсисайддык клубда негизги курамдын оюнчусу эмес. Башкы насаатчы Клопп Англиядагы эң мыкты командалардын бири болгон "Ливерпулда" футболчулар үчүн атаандаштык күч экенин айтат.

103
Белгилер:
футбол, Ливерпуль ФК, гол, чаян сокку, Дивок Ориги
Тема боюнча
"Чаян сокку". Румыниялык футболчунун кооз голунун видеосу
Казакстандык футболчу кыз "чаян сокку" ыкмасында өзгөчө гол киргизди. Видео
Көмүр саткан жайларга рейд жүргүзүлүүдө

Чүйдө көмүр саткан жайларга рейд жүргүзүлүүдө. Сүрөт

18
(жаңыланган 16:57 28.10.2021)
Текшерүүгө Монополияга каршы жөнгө салуу мамлекеттик агенттиги менен Экономика жана коммерция министрлигинен тышкары бир катар мамлекеттик жана муниципалдык органдардын кызматкерлери чыкты.

БИШКЕК, 28-окт. — Sputnik. Бишкектин төмөнкү жагындагы айланма жолдогу жана Сокулук районундагы көмүр саткан жайларда рейд жүргүзүлүүдө. Бул тууралуу Монополияга каршы жөнгө салуу мамлекеттик агенттиги кабарлады.

Рейды по урегулированию цен на уголь на топливных базах и стационарных точках объездной дороги Бишкека и в Сокулукском районе. 28 октября 2021 года
© Фото / пресс-служба ГААР при ПКР
Бишкектин төмөнкү жагындагы айланма жолдогу жана Сокулук районундагы көмүр саткан жайларда рейд жүргүзүлүүдө

Текшерүүгө аталган агенттиктен, Экономика жана коммерция министрлигинен тышкары бир катар мамлекеттик жана муниципалдык органдардын кызматкерлери чыкты.

"Сатуучуларга көмүрдүн баасы көтөрүлбөшү керектиги тууралуу түшүндүрүү иштери жүргүзүлдү", — деп айтылат билдирүүдө.

Сатуучулар мыйзамды бузуу менен мындан ары дагы бааны жогорулатса жоопко тартылары боюнча эскертүү берилди.

Эске салсак, буга чейин Кыргызстандын аймагында көмүрдүн баасын мамлекет убактылуу жөнгө салып турмай болгон.

Аталган чечим көмүрдүн баасынын өсүү темпин кармап туруу, 2021-2022-жылдагы күз-кыш мезгилинен өтүүдө калкты көмүр менен өз убагында туруктуу камсыз кылуу максатында кабыл алынган.

18
Белгилер:
Чүй облусу, Бишкек, көмүр, баа, рейд
Тема боюнча
Бийлик Бишкек менен аймактарда көмүрдүн баасын бекитти. Канчадан ашпаш керек?