Таймаш учурундагы балбандар. Архив

Бүгүн күрөш боюнча дүйнө чемпионатында кыргызстандык үч балбан килемге чыгат

1358
(жаңыланган 09:57 01.11.2021)
Быйыл 23 жашка чейинкилер арасындагы дүйнө чемпионаты Сербиянын Белград шаарында өтөт. Таймаштар Бишкек убактысы боюнча 15:30да башталат.

БИШКЕК, 1-ноя. — Sputnik. Бүгүн 23 жашка чейинкилер арасындагы (U23) дүйнө чемпионаты башталып, грек-рим күрөшүнөн кыргызстандык үч балбан килемге чыгат. Бул тууралуу Кыргызстандын Күрөш федерациясынын маалымат кызматы билдирди.

Алгачкылардан болуп 55 килограмм салмакта Акыйкат Кулжигит уулу сербиялык Себастьян Kоломпар менен 1/8 финалдык баскычта кармашат.

77 килограммда Акылбек Талантбеков түркиялык Эркан Ерген менен баштапкы этапта күч сынашат. Ал эми 87 килограмм салмакта Азат Салидинов 1/8 финалда казакстандык Максат Сайлау менен таймашат.

2021-жылдагы 23 жашка чейинкилер арасындагы дүйнө чемпионаты Сербиянын Белград шаарында өтөт. Таймаштар Бишкек убактысы боюнча 15:30да башталат.

1358
Белгилер:
грек-рим күрөшү, дүйнө чемпионаты, Кыргызстан
Тема боюнча
Маджинов: 2 күн калды, дүйнө чемпионатына барчу балбандарга акча бөлүнө элек
Алтын топ — 2021 сыйлыгы

"Алтын топ 2020" сыйлыгы Левандовскиге берилеби? France Football ойлонуп жатат

77
(жаңыланган 16:04 02.12.2021)
Көптөгөн күйөрмандар, атактуу футболчулар Роберт Левандовски быйыл футбол дүйнөсүндөгү эң престиждүү жеке сыйлыкты албай калганына нааразычылыктарын айтышкан.

БИШКЕК, 2-дек. — Sputnik. France Football журналынын башкы редактору Паскаль Ферре "Алтын топ — 2021" сыйлыгынын жыйынтыгы тууралуу оюн айтып, 2020-жылы бул сыйлык тапшырылбай калганын мойнуна алганын Eurosport жазды.

Ал мындай ойго быйыл сыйлыкты тапшыруу аземинде жеңүүчү Лионель Мессинин сөзүнөн кийин келген. Аргентиналык футболчу "Алтын топ — 2020" сыйлыгын Германиянын "Бавария" клубунун польшалык оюнчусу Роберт Левандовскиге берүүнү сунуштаган.

Эске салсак, былтыр аталган сыйлык берилбей калган. Дал ошол 2020-жылы чабуулчунун жылдызы жанып, клубу менен бир катар мелдештерди, анын ичинде УЕФАнын Чемпиондор лигасын уткан болчу. Ал турнирде Левандовски эң көп гол киргизген мыкты бомбардир да болгон.

"Месси эң жакшы жана өтө маанилүү сунуш айтты, бирок бул жерде шашылыш чечим кабыл алынбашы керек. Албетте, биз бул маселенин үстүндө ойлонобуз. Ошол эле учурда ачык-айкын тандоого негизделген бул сыйлыктын тарыхын урматтоого тийишпиз. Өткөн жылы "Алтын топту" Левандовски утту деп ишенимдүү айта албайбыз. Анткени эч кандай тандоо, добуш берүү болгон эмес. Бирок, чынын айтсам, Левандовски алышы мүмкүн болчу. Былтыр жеңүүгө анын мүмкүнчүлүгү бар эле", — деген Ферре.

Көптөгөн күйөрмандар, атактуу футболчулар "Бавариянын" жана Польша курама командасынын чабуулчусу Роберт Левандовски быйыл футбол дүйнөсүндөгү эң престиждүү жеке сыйлыкты албай калганына нааразычылыктарын айтышкан.

Эске салсак, быйыл франциялык ПСЖ футбол клубу жана Аргентинанын чабуулчусу Лионель Месси жетинчи ирет "Алтын топ" сыйлыгын алды. Добуш берүүнүн жыйынтыгы менен ал Роберт Левандовскиден 33 упай ашып кеткен.

77
Белгилер:
Алтын топ, сыйлык, журнал, Лионель Месси, Роберт Левандовски, France Football журналы
Тема боюнча
Роналду командасына кыйкырып, ыйлап жиберди. Архивдик видео

Жоламан күрөшкөндө титиреп турам... Легендарлуу Хаким агайдын видеосу

88
(жаңыланган 13:29 02.12.2021)
Совет убагынан бери жүздөгөн баланы машыктырган Хаким Махмудов соңку он жылда Кыргызстанды дүйнөгө тааныткан Жоламан Шаршенбековду таптап берди. Учурда 84 жашта экенине карабастан ишин улантып келет.

Sputnik Кыргызстан маалымат агенттиги легендарлуу машыктыруучу жана анын окуучусу тууралуу видео тартты. 

Финалист Чемпионата мира борец греко-римского стиля Жоламан Шаршенбеков с личным тренером мастером спорта СССР, заслуженным тренером Киргизской ССР Хакимом Махмудовым
© Sputnik / Табылды Кадырбеков
Хаким Махмудов Таласта туулуп-өскөн. Бишкектеги дене тарбия институтун бүткөндөн кийин өзү эңсеген машыктыруучулук кесибин аркалай баштаган. Убагында СССРдин спорт чебери болуп, Кыргыз ССРинин Эмгек сиңирген машыктыруучу наамын алган

Хаким Махмудов Таласта туулуп-өскөн. Бишкектеги дене тарбия институтун бүткөндөн кийин өзү эңсеген машыктыруучулук кесибин аркалай баштаган. Убагында СССРдин спорт чебери болуп, Кыргыз ССРинин Эмгек сиңирген машыктыруучу наамын алган. 

Мастер спорта СССР, заслуженный тренер Киргизской ССР Хаким Махмудов в молодости
© Фото / из личного архива Хакима Махмудова
Хаким Махмудов 60 жылдык машыктыруучулук ишинде көптөгөн спортчуну бийиктикке жеткирген

60 жылдык машыктыруучулук ишинде көптөгөн спортчуну бийиктикке жеткирген. Совет маалын эске албаганда учурдагы белгилүү окуучулары — дүйнө чемпионатынын эки жолку чемпиону Жоламан Шаршенбеков, Рио Олимпиадасынын катышуучулары Жанарбек Кенжеев менен Мурат Рамонов. Рамоновду беш жыл тарбиялап, курама командага өткөрүп берген. 

Мастер спорта СССР, заслуженный тренер Киргизской ССР Хаким Махмудов и участник олимпиады в Рио по борьбе Жанарбек Кенжеев
© Фото / из личного архива Хакима Махмудова
Учурда Хаким Махмудов Бишкектеги Раатбек Санатбаев атындагы олимпиадалык резервдеги адистештирилген балдар жана өспүрүмдөр спорт мектебинде эмгектенет. Жоламан сыяктуу ондон ашуун баланын машыгуусун жеке өзү көзөмөлдөйт

Учурда Хаким Махмудов Бишкектеги Раатбек Санатбаев атындагы олимпиадалык резервдеги адистештирилген балдар жана өспүрүмдөр спорт мектебинде эмгектенет. Жоламан сыяктуу ондон ашуун баланын машыгуусун жеке өзү көзөмөлдөйт. Азыркыга чейин күрөштүн көтөрүп чабуу сыяктуу ыкмаларын жасайт, кээде жөн гана айтып берип турат. 

Мастер спорта СССР, заслуженный тренер Киргизской ССР 84-летний Хаким Махмудов на тренировке с учениками в зале в Бишкеке
© Sputnik / Табылды Кадырбеков
Хаким Махмудов азыркыга чейин күрөштүн көтөрүп чабуу сыяктуу ыкмаларын жасайт, кээде жөн гана айтып берип турат 

Жоламан Шаршенбеков Хаким агайдын колуна 2009-жылы Касымбек жана Тынарбек аттуу агаларын ээрчип келген.

"Жаңы босогону аттаганда Хаким агайым турган экен. Менин колумду кармап, "оо, мындан чыкчудай экен" деп көңүлүмдү көтөргөнү эсимде. Көбү менин алгачкы жана жеке машыктыруучумду билбеши мүмкүн, ийгиликтеримдин аркасында дал ушул агайым турат", — деп алгачкы күндү жылуу эстеди спортчу.
Мастер спорта СССР, заслуженный тренер Киргизской ССР, личный тренер по греко-римской борьбе Жоламана Шаршенбекова 84-летний Хаким Махмудов во время тренировок со своим учеником в зале
© Sputnik / Табылды Кадырбеков
"Күрөштөгү эң чоң артыкчылыгы — чыдамкайлык. Ким менен кармашса да чарчабай, аягына чейин кармашат", — дейт Хаким Махмудов окуучусу тууралуу.

Балбанды машыктыруучусунан жакшы түшүнүп-билген адам жок, шакиртинин спорттогу өзгөчөлүктөрүн гана эмес, кулк-мүнөзүн билет.

"Жоламанды мактанып кетпесин деп көп жакшы жактарын айтпайм. Биринчи орунда адамгерчиликтүү, угат, эмне десең ошого макул болот, баарын түшүнөт. Анан өзүнүн оюн айтат, айырмасы ушунда. Спортту жакшы көрөт, жан дили менен машыгат. Күрөштөгү эң чоң артыкчылыгы — чыдамкайлык. Ким менен кармашса да чарчабай, аягына чейин кармашат", — деди Хаким Махмудов.
Финалист Чемпионата мира борец греко-римского стиля Жоламан Шаршенбеков с личным тренером мастером спорта СССР, заслуженным тренером Киргизской ССР Хакимом Махмудовым
© Sputnik / Табылды Кадырбеков
Балбан 22 жашында чоңдор арасында дүйнөнүн эки жолку чемпиону аталып, дүйнө кубогун утуп, Токио Олимпиадасына катышкан. Жалпысынан 14 ири мелдеште алдыңкы орундарды алган

Машыктыруучу жаш курагына байланыштуу Жоламанды чет мамлекеттеги мелдештердин бардыгына коштоп бара албайт. Бирок беттештерин санааркап отуруп көрүп, тилек кылып турат.

"Жоламан күрөшүп жатканда мен титиреп турам, жүрөк кармап калбасын дейм. Машыктыруучулардын арасында окуучусу күрөшүп жатканда жүрөгү токтоп калып кайтыш болуп калгандар бар. Кудай деп үйдөн дуба кылып турам", — деди Хаким агай.
Мастер спорта СССР, заслуженный тренер Киргизской ССР 84-летний Хаким Махмудов на тренировке с учениками в зале в Бишкеке
© Sputnik / Табылды Кадырбеков
Машыктыруучу менен окуучусунун максаты — эми Олимпиада оюндарында медаль алуу

Машыктыруучу менен окуучусунун максаты — эми Олимпиада оюндарында медаль алуу. Хаким агай Жоламанды дагы он жыл күрөшсө дейт. Экөө азыр ири мелдештерге гана катышууну ойлоп жатышат. Балбан 22 жашында чоңдор арасында дүйнөнүн эки жолку чемпиону аталып, дүйнө кубогун утуп, Токио Олимпиадасына катышкан. Жалпысынан 14 ири мелдеште алдыңкы орундарды алган. 

Мастер спорта СССР, заслуженный тренер Киргизской ССР, личный тренер по греко-римской борьбе Жоламана Шаршенбекова 84-летний Хаким Махмудов во время тренировок со своим учеником в зале
© Sputnik / Табылды Кадырбеков
Хаким Махмудов ден соолукта болуп, узак өмүр сүрүү үчүн ар дайым эмгек кылып, кыймылдап, жарык маанайда жүрүү керектигин айтты

 

Хаким Махмудов ден соолукта болуп, узак өмүр сүрүү үчүн ар дайым эмгек кылып, кыймылдап, жарык маанайда жүрүү керектигин айтты. Бүгүн, 2-декабрда, улуу устат 84 жашка чыкты.

88
Белгилер:
Жоламан Шаршенбеков, күрөш, машыктыруучу, видео, Хаким Махмудов
Тема боюнча
Элдин колдоосун сездим. Мээрим Жуманазарованын Олимпиададан кийинки алгачкы маеги
Айсулуу үчүн бул мелдеш оор болду. Нурбек Изабековдун Ослодон курган видеомаеги
"Сен күрөшөсүңбү?" деп таң калышат. Балбан Сезим Жуманазарованын видеобаяны
Айсулуу, Акжол, Эрназар жеңүүчү. Спорттогу мыктылар сыйланган аземден сүрөт, видео
Спутник Лайт вакцинасы. Архив

Гинцбург: "Спутник Лайт" менен тамчылатма вакцинаны бирге колдонсо болот

0
(жаңыланган 17:15 02.12.2021)
Ноябрдын соңунда Владимир Путин кайрадан вакцина сайдырып, "Спутник Лайтты" тандаган. Ал эми көп убакыт өтпөй тамчылатма вакцина алган.

БИШКЕК, 2-дек. — Sputnik. "Спутник Лайт" менен коронавируска каршы таноого тамчылаткан вакцинаны аралаш колдонсо болот. Бул тууралуу Гамалея атындагы Эпидемиологиялык жана микробиология боюнча улуттук изилдөө борборунун окумуштуусу Александр Гинцбургдун айтканын РИА Новости жазды.

"Бул ден соолукка зыянын тийгизбейт", — деп кошумчалаган ал.

Октябрдын ортосунда Россиянын Саламаттык сактоо министрлиги Гамалея борбору тарабынан иштелип чыккан SPRAY 08-Гам-КОВИД-Вак-2021 вакцинасынын клиникалык сыноолоруна уруксат бергени айтылган.

Гинцбург тамчылатма препараттын кыйыр таасири жоктугун билдирген. Анын орун басары Денис Логуновдун айтымында, бул дем алуу органдарында иммунитетти пайда кылып, ооруга кошумча тоскоолдук жаратууга багытталган процедура.

Ноябрдын соңунда Владимир Путин кайрадан вакцина сайдырып, "Спутник Лайтты" тандаган. Ал эми көп убакыт өтпөй тамчылатма вакцина алган.

"Оорутуп же оорутпаганы боюнча айтсам, эки саат мурда сайган, эч нерсе деле сезген жокмун. Баары кадыресе эле, абалым да күндөгүдөй", — деген Путин анда.

Путин COVID-19га каршы тамчылатма вакцинаны эксперимент жасоо боюнча ыктыярчыларды чакырган.

0
Белгилер:
Россия, Владимир Путин, Александр Гинцбург, вакцина
Тема:
"Спутник V" вакцинасы
Тема боюнча
"Кыйыр таасири жок": мурунга тамчылаткан вакцинанын коопсуз экени айтылды