Токио Олимпиадасынын коло байге ээси Мээрим Жумазарова. Архив

Мээрим Жуманазарова Ослодо кармашкан Ханум Велиева менен жакында кайра беттешет

2674
(жаңыланган 00:13 11.11.2021)
Октябрда Ослодо өткөн дүйнө чемпионатынын жарым финалында Жуманазарова Велиеваны уткан. Бирок РФтин Күрөш федерациясы беттешке калыстык кылган топтун үстүнөн даттанарын айткан.

БИШКЕК, 10-ноя. — Sputnik. Токио Олимпиадасынын коло байге ээси Мээрим Жумазарова Москвада өтө турчу күрөш боюнча эл аралык мелдешке катышып, россиялык Ханум Велиева менен кармашат. Бул тууралуу Sputnik агенттигине спортчунун башкы машыктыруучусу Нурбек Изабеков кабарлады.

"Гран-при Москва — АЛРОСА кубогу" аталышындагы турнир 3-декабрда болот. Анда грек-рим, эркин күрөш, кыз-келиндер күрөшү, грэпплинг боюнча кармаштар өтөт.

Нурбек Изабековдун айтымында, аталган мелдеште спортчулар финалга жетүү үчүн бир нече кармаш өткөрбөйт, тагыраагы, эки балбан беттешип жеңүүчү аныкталат.

"Бизге Россиянын Күрөш федерациясы тарабынан Мээрим Жуманазарова менен Ханум Велиеваны беттештирүүгө сунуш түшкөн. Машыктыруучулук штаб Мээрим менен кеңешип, макулдугубузду бергенбиз", — деди машыктыруучу.

Эске салсак, октябрь айында Ослодо өткөн дүйнө чемпионатынын жарым финалында Жуманазарова Велиеваны уткан. Таймаш 3:3 эсебинде аяктаган, бирок акыркы аракетти кыргызстандык балбан кыз жасаганы үчүн ага артыкчылык берилген.

Россиянын машыктыруучу штабы Жуманазарова менен Велиеванын беттешине калыстык кылган топтун үстүнөн даттанарын айтып чыккан. Алардын пикиринде реферилер ката кетирген.

Аталган чемпионаттын финалында Мээрим алтын утуп, тарых жараткан. Ал эгемен тарыхта Айсулуу Тыныбековадан кийин эле алтын алган балбан аталып калды.

2674
Белгилер:
Кыргызстан, Москва, Мээрим Жуманазарова, күрөш, балбан, Ханум Велиева
Тема боюнча
Кучак толо гүл... Айпери Медет кызы баштаган балбандар Бишкекке келди. Сүрөт
Франциялык ПСЖ футбол клубу жана Аргентинанын чабуулчусу Лионель Месси жетинчи ирет Алтын топ сыйлыгын алды

Рекорд! Лионель Месси жетинчи ирет "Алтын топ" сыйлыгына татыды

7
(жаңыланган 10:08 30.11.2021)
Акыркы 10 жылда футболдо Мессиге негизги атаандаш катары саналып келген Криштиану Роналду бул ирет алдыңкы бештикке да кирген эмес.

БИШКЕК, 30-ноя. — Sputnik. Франциялык ПСЖ футбол клубу жана Аргентинанын чабуулчусу Лионель Месси жетинчи ирет "Алтын топ" сыйлыгын алды.

Бул - футбол тарыхындагы рекорддук көрсөткүч. Буга чейин бир да оюнчу футболдогу эң престиждүү сыйлыкка жети жолу татыган эмес.

Европадагы эң мыкты футболчуга берилүүчү "Алтын топту" тапшыруу аземи Париждеги "Шатле" театрында өттү. Добуш берүүнүн жыйынтыгы менен экинчи орунду "Бавария" клубунун польшалык оюнчусу Роберт Левандовский ээледи. "Челси" жана Италия курама командасынын футболчусу Жоржиньо үчүнчүгө илинди.

Акыркы 10 жылда Мессиге негизги атаандаш катары саналып келген Криштиану Роналду бул ирет алдыңкы бештикке да кирген эмес.

Месси акыркы сезондо Испаниянын "Барселона" командасынын сабында жана Аргентина курамасы менен 47 оюнга чыгып, 38 гол киргизген. Июль айында Америка кубогу мелдешинде чемпион болгон. Бул анын улуттук команда менен уткан экинчи ири мелдеши. 2008-жылы футболчу олимпиада чемпиону болгон.

Жайында Месси каталондук клубдан кетип, франциялык ПСЖ командасынын сабына кошулган.

Аргентиналык оюнчу "Алтын топ" сыйлыгын буга чейин 2009, 2010, 2011, 2012, 2015, 2019-жылдары алган. 2020-жылы пандемияга байланыштуу айрым өлкөлөрдө чемпионаттар аягына чейин ойнолбогондуктан бул абройлуу сыйлык берилбей калган эле.

Месси бул жарышта сыйлыкка төрт ирет удаасы менен татыган, эң көп: алты жана жети жолу уткан уникалдуу рекорддору менен өзгөчөлөнөт.

"Алтын топ" сыйлыгы 1956-жылы France Football журналы тарабынан Европанын эң мыкты футболчусуна берилүүчү сыйлык катары негизделген (спорттук журналисттердин пикиринин негизинде).

2010-жылы ФИФА менен France Football "Алтын топ" жана "ФИФАнын жылдын мыкты оюнчусу" сыйлыктары бириктирилип бериле баштаган. Мында жеңүүчү клубдардын капитандары жана улуттук командалардын машыктыруучуларынын добуш берүүсү менен аныкталган.

2016-жылдын сентябрь айында France Football аталган сыйлыкты өз алдынча бере баштаганын жар салган болчу.

7
Белгилер:
Лионель Месси, Алтын топ, сыйлык, футбол
Тема боюнча
Месси Пеледен ашып өтүп Түштүк Америка континентинин бомбардири болду
Мессинин буту сынып кала жаздады... Оюндагы опурталдуу учурдун видеосу
Көркөм гимнастика федерациясынын президенти Назира Айдарова

Айдарова: Бишкекте көркөм гимнастика боюнча биринчи фестиваль өтөт

272
Көркөм гимнастика федерациясынын президенти Назира Айдарова 9-декабрда Токтогул Сатылганов атындагы Кыргыз улуттук филармониясында "Мурас" аталышындагы биринчи көркөм гимнастика фестивалы өтөрүн айтты.

Иш-чара Кыргызстан менен Россиянын эриш-аркак жылынын алкагында уюштурулуп, контемпорари, ушу, цирк артисттери, хореографиялык окуу жайдын бийчилери, чирлидерлердин (спорттук иш-чаралардагы бийчи күйөрмандар) катышуусунда өтөт. Мындай маалыматты Назира Айдарова Sputnik Кыргызстан радиосунун эфиринде маек куруп жатып билдирди.

Айдарова: Бишкекте көркөм гимнастика боюнча биринчи фестиваль өтөт

Анын айтымында, фестивалга россиялык белгилүү гимнаст, дүйнө чемпиону Екатерина Селезнёва, аялдар күрөшү боюнча Токио Олимпиадасынын коло медалынын ээси Мээрим Жуманазарова да катышат.

"2017-жылы биздин гимнасттарды олимпиада чемпиону Алина Кабаева Москвада өткөн өзүнүн фестивалына чакырган. 15 кыз тандоодон өтүп, барып келишкен. Ушундан улам Бишкекте чоң программадагы көркөм гимнастика боюнча фестиваль уюштуруу демилгеси пайда болгон. Ушул жылдын 9-декабрында Токтогул Сатылганов атындагы Улуттук филармонияда россиялык Эльдар Сайфутдиновдун режиссёрлугу алдында өтөт. Иш-чара Кыргызстан менен Россиянын эриш-аркак жылынын алкагында уюштурулууда. Фестивалга жеке гана гимнасттар катышпастан контемпорари, ушу, цирк артисттери, хореографиялык окуу жайдын бийчилери, чирлидерлер да программаларын тартуулашат ", — деди Айдарова.

Ошондой эле жетекчи "Манас" эпосунун негизинде сахналаштырылган атайын программа даярдалып жаткандыгын кошумчалады.

272
Белгилер:
Назира Айдарова, көркөм гимнастика, фестиваль, мурас
Тема боюнча
Муз үстүндө чимирилип, абада айланган спортчулар. Японияда тартылган сүрөттөр