Кыргызстандын футбол боюнча курама командасынын оюнчлуары. Архив

Бүгүн Кыргызстан менен Сингапурдун футболчулары беттешет. Көрсөтө турган каналдар

919
Курама командалардын жолдоштук беттеши Бириккен Араб Эмирлигиндеги "Аль-Хамрия" стадионунда болот. Оюн 19:00дө башталат.

БИШКЕК, 11-ноя. — Sputnik. Футбол боюнча Кыргызстан менен Сингапур командаларынын жолдоштук беттешин KYRGYZ SPORT TV каналы түз алып көрсөтөт. Мындай кабарды өлкөнүн Футболдук союзунун маалымат кызматы жарыялады.

Оюн бүгүн, 11-ноябрда, Бишкек убактысы боюнча саат 19:00дө башталат. Каалоочулар төмөнкү шилтеме менен кирип көрө алышат.

"Бизде эң жагымдуу кабар бар! Кыргыз футболдук союзу жана Kyrgyz Sport TV каналы беттешти түз алып берүү боюнча келишимге жетишти. Оюн KYRGYZ SPORT TV каналында, YouTube платформасында (шилтеме сторизде жана @kyrgyz_sport_tv профилинде), мындан тышкары Акнет, Мегалайн, Неотелеком кабелдик түйүндөрүндө көрсөтүлөт", — деп айтылат билдирүүдө.

Эскерте кетсек, KYRGYZ SPORT TV – Улуттук курама команданын оюндарынын интернет айдыңындагы жана Акнет, Мегалайн, Неотелеком кабелдик түйүндөрүндөгү түз алып берүүлөрдүн автордук укугунун ээси болуп саналат.

Улуттук команда 16-ноябрда Бахрейн менен да ойнойт. Бул жолдоштук беттештер 2023-жылы боло турчу Азия кубогу мелдешинин тандоо туруна даярдыктын алкагында өткөрүлөт.

919
Белгилер:
футбол, беттешүү, Кыргызстан, Сингапур
Тема боюнча
Кыргызстан 20 жылдан соң беттеше турган Сингапурдун командасы тууралуу эмне белгилүү
Футбол: Кыргызстандын улуттук командасы жолдоштук беттештерге даярданууда
Көркөм гимнастика федерациясынын президенти Назира Айдарова

Айдарова: Бишкекте көркөм гимнастика боюнча биринчи фестиваль өтөт

265
Көркөм гимнастика федерациясынын президенти Назира Айдарова 9-декабрда Токтогул Сатылганов атындагы Кыргыз улуттук филармониясында "Мурас" аталышындагы биринчи көркөм гимнастика фестивалы өтөрүн айтты.

Иш-чара Кыргызстан менен Россиянын эриш-аркак жылынын алкагында уюштурулуп, контемпорари, ушу, цирк артисттери, хореографиялык окуу жайдын бийчилери, чирлидерлердин (спорттук иш-чаралардагы бийчи күйөрмандар) катышуусунда өтөт. Мындай маалыматты Назира Айдарова Sputnik Кыргызстан радиосунун эфиринде маек куруп жатып билдирди.

Айдарова: Бишкекте көркөм гимнастика боюнча биринчи фестиваль өтөт

Анын айтымында, фестивалга россиялык белгилүү гимнаст, дүйнө чемпиону Екатерина Селезнёва, аялдар күрөшү боюнча Токио Олимпиадасынын коло медалынын ээси Мээрим Жуманазарова да катышат.

"2017-жылы биздин гимнасттарды олимпиада чемпиону Алина Кабаева Москвада өткөн өзүнүн фестивалына чакырган. 15 кыз тандоодон өтүп, барып келишкен. Ушундан улам Бишкекте чоң программадагы көркөм гимнастика боюнча фестиваль уюштуруу демилгеси пайда болгон. Ушул жылдын 9-декабрында Токтогул Сатылганов атындагы Улуттук филармонияда россиялык Эльдар Сайфутдиновдун режиссёрлугу алдында өтөт. Иш-чара Кыргызстан менен Россиянын эриш-аркак жылынын алкагында уюштурулууда. Фестивалга жеке гана гимнасттар катышпастан контемпорари, ушу, цирк артисттери, хореографиялык окуу жайдын бийчилери, чирлидерлер да программаларын тартуулашат ", — деди Айдарова.

Ошондой эле жетекчи "Манас" эпосунун негизинде сахналаштырылган атайын программа даярдалып жаткандыгын кошумчалады.

265
Белгилер:
Назира Айдарова, көркөм гимнастика, фестиваль, мурас
Тема боюнча
Муз үстүндө чимирилип, абада айланган спортчулар. Японияда тартылган сүрөттөр
Бангладеште тогуз коргоол турнири

Бангладеште тогуз коргоол кулач жая баштады. Даккадагы мелдештен сүрөттөр

74
(жаңыланган 10:58 29.11.2021)
Кыргыздын улуттук интеллектуалдык оюну Бангладеште кенен тарап жатат. Бүгүнкү күндө бул оюнга көптөгөн дүйнө эли кызыгууда.

БИШКЕК, 29-ноя. — Sputnik. Бангладеште спорттун этникалык түрлөрү, анын ичинде кыргыздын улуттук тогуз коргоол оюну боюнча турнир өттү. Бул тууралуу International Jomasar Council уюмунун экс-вице-президенти, CKU Roermond менеджеринин жардамчысы жана Бангладеш этноспорт ассоциациясынын Нидерланддагы өкүлү Роза Мукамбетова билдирди.

  • Участницы турнира турнира по Тогуз коргоол в Бангладеше. 23 ноября 2021 года
    Бангладеште спорттун этникалык түрлөрү, анын ичинде кыргыздын улуттук тогуз коргоол оюну боюнча турнир өттү
    © Фото / пресс-служба Ethnosport Bangladesh Association
  • Участницы турнира турнира по Тогуз коргоол в Бангладеше. 23 ноября 2021 года
    Анын айтымында, кыргыздын салттуу тогуз коргоол оюну боюнча мелдеш 23-ноябрда Бангладештин борбору Дакка шаарында өткөн
    © Фото / пресс-служба Ethnosport Bangladesh Association
1 / 2
© Фото / пресс-служба Ethnosport Bangladesh Association
Бангладеште спорттун этникалык түрлөрү, анын ичинде кыргыздын улуттук тогуз коргоол оюну боюнча турнир өттү

Анын айтымында, кыргыздын салттуу тогуз коргоол оюну боюнча мелдеш 23-ноябрда Бангладештин борбору Дакка шаарында өткөн.

"Мелдешке 200 спортчу кыз катышкан. Малиха Масруор (Maliha Masroor) биринчи орунду ээлеп, турнирдин чемпиону болду. Экинчи орунду Шрабони Актер (Shrabony Akter), ал эми Рабея Махджабин Бристи (Rabeya Mahjabin Bristy) үчүнчү орунду камсыздашкан", — деген ал.

Жеңүүчүлөрдү сыйлоо аземине өлкөнүн Тогуз коргоол ассоциациясынын негиздөөчүсү жана Эл аралык этноспорт ассоциациясынын башкы катчысы Мухаммад Аль Мамун (Md. Al Mamun) катышты. Ал кыргыздын улуттук оюнун Чолпон-Атада өткөн Дүйнөлүк көчмөндөр оюндарынан көргөндөн тарта өз өлкөсүндө мелдештерди уюштура баштаган. Түркиянын Бангладештеги элчиси Мустафа Осман Туран мелдештин расмий коногу болду", — деген Мукамбетова.

Ал белгилегендей, кыргыздын улуттук интеллектуалдык оюну Бангладеште кенен жайылып жатат. Бүгүнкү күндө бул оюнга көптөгөн дүйнө эли кызыгууда.

74
Белгилер:
тогуз коргоол, Кыргызстан, улуттук оюндар, Бангладеш, кыздар, мелдеш
Тема боюнча
Кулжаев: Кыргызстанда регбиге кызыккандар көбөйүүдө
Ооруканадагы дарыгерлер. Архив

Кечээтен бери коронавирус үч адамдын өмүрүн алды

3
(жаңыланган 09:34 30.11.2021)
Бир сутка ичинде эмдөөдөн 10 260 адам өтүп, анын ичинен 5 803ү биринчи дозаны алса, 4 457 адам экинчисин сайдырды.

БИШКЕК, 30-ноя. — Sputnik. Өткөн суткада 66 адамдан коронавирус табылып, 118 бейтап айыкты. Бул тууралуу Республикалык штаб кабарлады.

Жуктургандар:

  • Бишкек – 19;
  • Чүй облусу – 30;
  • Ош облусу – 4;
  • Талас облусу – 1;
  • Жалал-Абад облусу – 5;
  • Баткен облусу – 7.

Өлкөдө илдет илештиргендердин жалпы саны 183 351ге жетти. Анын ичинен 178 230 адам дартты жеңген. Тилекке каршы, оору бир сутка ичинде үч адамдын өмүрүн алып, жалпы 2 746 адам дарттын курмандыгы болду.

Азыркы учурда стационарда 405, ал эми амбулатордук шартта 488 адам дарыланып жатат. Өткөн сутка ичинде эмдөөдөн 10 260 адам өтүп, анын ичинен 5 803ү биринчи дозаны, 4 457 адам экинчи компонентин алган.

3
Белгилер:
Кыргызстан, коронавирус, оору, бейтап, статистика
Тема:
Кыргызстандагы коронавирус
Тема боюнча
Кыргызстанга кирүүдө 1-декабрдан тарта ПЧР-тест талап кылынат
Жугуштуу илдеттер ооруканасы эми COVID жуктургандарды кабыл албайт