Кыргыздын атактуу балбан кызы Айсулуу Тыныбекова

Айсулуу Тыныбекова америкалык спортчу кыздарга күрөштүн ыкмаларын үйрөттү. Видео

1104
(жаңыланган 10:07 15.11.2021)
Тыныбекова 13-ноябрда АКШнын Пенсильвания штатынын Манхейм шаарында Wrestle Like a Girl уюмунда америкалык спортчу кыздарга күрөш үйрөткөн.

БИШКЕК, 15-ноя. — Sputnik. Кыргыздын атактуу балбан кызы Айсулуу Тыныбекова АКШлык спортчу кыздарга мастер-класс өттү. Бул тууралуу ал өлкөнүн Күрөш федерациясы билдирди. 

Эки жолку дүйнө чемпиону, Токио Олимпиадасынын күмүш медалынын ээси Тыныбекова 13-ноябрда АКШнын Пенсильвания штатынын Манхейм шаарында Wrestle Like a Girl уюмунда америкалык спортчу кыздарга күрөш өнөрүнүн ыкмаларын үйрөткөн.

Wrestle Like a Girl уюму АКШнын үч жолку чемпиону, эки ирет дүйнө чемпионатынын коло байгесин уткан Салли Робертс тарабынан негизделген. Уюмдун ишмердүүлүгү аялдар күрөшүн өнүктүрүү аркылуу кыз-келиндер мүмкүнчүлүктөрүн кеңейтүүгө багытталган.

Мастер-класс өткөнүн балбан кыз өзү да Instagram баракчасында эскерип, аябай толкунданганын билдирген. 

Посмотреть эту публикацию в Instagram

Публикация от Tynybekova Aisuluu (@tynybekova.aisuluu)

"Мен АКШда Wrestle like a girl уюмунда алгачкы ирет мастер-класс өттүм. Чынын айтсам аябай толкундандым. Бирок ал кыздар мени жылуу маанайда, колдоо менен кабыл алышты. Алардын бийик максаттарга жетишине тилектештигимди билдирем", — деген Тыныбекова.

Спортчу кыз буга чейин алдыда дагы ийгиликтерди багындыруу АКШда машыгуусун улантып жатканын айткан.

Эске салсак, Айсулуу Тыныбекова 2019-жылы Нур-Султанда (Казакстан) жана 2021-жылы Ослодо (Норвегия) өткөн дүйнө чемпионаттарында алтын медаль уткан. Токио Олимпиадасынын күмүш байге тагынган. Мындан сырткары, 2020-жылы Сербияда өткөн дүйнө кубогу мелдешинде чемпион болгон.

1104
Белгилер:
Айсулуу Тыныбекова, күрөш, АКШ, мастер-класс
Тема боюнча
Айсулуу Тыныбекова Чикагодогу мекендештер менен жолукту. Видео
Жиу-житсу күрөшү боюнча кадеттер машыгуу учурунда

Бишкекте алгачкы ирет жиу-житсу күрөшүнөн кадеттердин чемпионаты өтөт

7
Мындай мелдеш Кыргызстанда биринчи жолу өткөрүлүүдө. Жаш балбандардын таймашы Бишкектеги Kyrgyzstan TOP TEAM бразилиялык жиу-житсу академиясында болот.

БИШКЕК, 1-дек. — Sputnik. 18-19-декабрда жиу-житсу күрөшү боюнча кадеттер (окуучулар) арасында Бишкек шаарынын ачык чемпионаты өтөт. Бул тууралуу Кыргызстандагы Жиу-житсу федерациясынын башкы катчысы Айжан Кадырбекова Sputnik Кыргызстанга билдирди.

Анын айтымында, мындай мелдеш алгачкы ирет өткөрүлүп жатат.

"Турнирди биздин федерация уюштуруп өткөрөт. Ага кадеттер, мектеп окуучулары гана катышат. Аймактардан, Ысык-Көл, Жалал-Абад облустарынан жаш балбандардын келери күтүлүүдө. Азырынча канча спортчу катышары белгисиз. Бирок мелдеш республика боюнча күчүн сынагысы келген бардык жаш спортчуларга эшигин ачат", — деген Кадырбекова.

Жаш балбандардын таймашы Бишкектеги Kyrgyzstan TOP TEAM бразилиялык жиу-житсу академиясында өтөт.

7
Белгилер:
Кыргызстан, Бишкек, мелдеш, чемпионат, жиу житсу
Тема боюнча
Айдарова: Бишкекте көркөм гимнастика боюнча биринчи фестиваль өтөт
Маткеримов: Бишкектеги Эл аралык дзюдо академиясы 500 адамды батырат

Валентина Шевченко, жаңырган "кара жорго" жана көлдөгү машыгуу. Видео

751
(жаңыланган 16:00 30.11.2021)
UFC чемпиону Валентина Шевченконун Ысык-Көлдүн жээгинде өзү да машыгып, андан сырткары кыргызстандык спортчу кыздар менен өнөктөш катары иштеп жаткан видеосу тарады.

Видеолорду Шевченко Instagram баракчасына жарыялап, Ысык-Көл ага дем-күч берерин жазган. Мушкердин тер төгө спорт менен алектенип жаткан видеосу Ысык-Көлдөгү пансионаттардын биринин жээгинде тартылган. Кадрдан анын насаатчысы Павел Федотов экөөнүн пристанда машыгып жатканын көрүүгө болот.

"Мен Ысык-Көлдө машыкканды аябай сагындым. Бул мага күч бере турган жер", ― деп жазган спортчу өзүнүн Instagram баракчасына.

Шевченко видео ноябрь айында тартылганын белгилеп, жазган. Кыргызстандык мушкердин видеосу кыска убакыттын ичинде бир нече миң жолу көрүлгөн. Катталуучулар Кыргызстандын даңкын чыгарганы үчүн ага ыраазычылык билдирген пикирлерди калтырышкан.

Ал эми чемпиондун спортчу кыз менен өнөктөш катары машыгып жаткан экинчи видоосу да ошол эле пристандан тартылган.

Валентина Шевченко 21-ноябрда өлкөгө келген. Бишкекте ал маалымат жыйынын жана күйөрмандары менен жолугушуу өткөргөн. Садыр Жапаров мушкер кызды кабыл алып, 1 миллион сомдук сертификат тапшырган. 

751
Белгилер:
Валентина Шевченко, машыгуу, Ысык-Көл
Тема боюнча
Шевченко менен Холли Берринин "мушташы". Кинонун бет ачарынын видеосу
Эмоцияга алдырды. Валентина Шевченко Рафаэль Физиев тууралуу оюн айтты
Шевченко Нуньес менен үчүнчү кармашы тууралуу: ал менден өзү качып жаткандай
Сахнадагы кыз. Архив

Балага эл алдында сүрдөбөй сүйлөөнү үйрөтүү керекпи? Психологдун пикири

0
Адис эч качан баланы кыйнап, бирөөлөрдүн алдында ырдатып-бийлетпеш керектигин айтат. Андан көрө өз эрки менен өнөрүн көрсөткөн учурда мактап, көңүлүн көтөрүп коюу зарыл.

БИШКЕК, 1-дек. — Sputnik. Балага кичине кезинен баштап эл алдына чыгып сүрдөбөй сүйлөөнү үйрөтүүнүн канчалык зарылдыгы бар? Бул тууралуу РИА Новости агенттигине маек берип жатып Россиянын билим берүү тармагындагы психологдор федерациясынын мүчөсү, педагог-психолог Юлия Челышева айтты.

Алгач адис балага эл алдына чыгып сүйлөөнүн кандай пайдасы бар экенин түшүндүрдү.

"Сүйлөп жаткан адам ар дайым жалгыз болот. Аны угуп жаткандардын бардыгы ага карама-каршы турат. Ошол кезде бала канчалык өзүнө ишенип, жакшы сезсе, кийин ошончолук төгөрөгү төп келген адам болуп чоңоёт. Ал эми айтаар сөзүн таппай калган, уялчаак болуп чоңойгон кишини кийин оңдоо өтө татаал", — деди Челышева.

Ошондой эле ал балага публика алдында сүйлөөнү кантип үйрөтсө болорун айтып берди.

"Эч качан наристени кыйнап, коноктордун көзүнчө ырдатып, бийлетпеш керек. Анткени адам көпчүлүк учурда бирөөнүн баасынан коркот, өзүнө жакпаган сөз угуп калса чүнчүйт. Андан көрө үй-бүлө мүчөлөрүнүн арасында сүйлөп, жакшы өнөрүн көрсөткөндө мактап, жакшы сөздөрдү айтып коюу зарыл", — деди психолог.

Адис сөзүнүн аягында бала уялчаак болсо, аны алгач жалгыз киши эмес, топ-топ болуп иштеген спорттук же башка ийримдерге катыштырган жакшы экенин айтат. Анткени ал жалгыз эмес, артында командасы бар экенин билгенде акырындык менен өзүнө болгон ишеними бекемдей баштайт.

0
Белгилер:
бала, психология, комплекс, уялчаактык, публика, сүрдөө
Тема боюнча
Балага акчаны туура колдонгонду кантип үйрөтсө болот? Адистердин кеңеши
Бала татуировка жасатып, чачын жашылга боёйм десе эмне кылуу керек. Адистин кеңеши