Америкалык боксчу Алисия Баумгарднер улуу британиялык атаандашы Терри Харперди менен

Тик турган абалда эстен танды. Боксчу кыздын чанда кездешкен нокаутунун видеосу

4255
(жаңыланган 12:23 15.11.2021)
Мушкер кыздар кесипкөй бокстун IBO жана WBC түрү боюнча чемпиондук кур үчүн таймашкан. Төртүнчү раундда америкалык атлет атаандашын эстен тандыра соккон.

БИШКЕК, 15-ноя. — Sputnik. Америкалык боксчу Алисия Баумгарднер улуу британиялык атаандашы Терри Харперди адаттан тыш нокаутка кетирди. Беттештеги өзгөчө учурду DAZN Boxing Twitter баракчасына чыгарды. 

​Таймаш Британиянын Шеффилд шаарында өттү. Экинчи жарым жеңил салмактагы кармаштын байгесине Дүйнөлүк бокс кеңеши (WBC) жана Эл аралык бокс уюмунун (IBO) чемпиондук куру коюлган.

Баумгарднер төртүнчү раундда нокаут менен утту. Анын кубаттуу соккусунан кийин Харпер тик турган абалда эстен танган. Калыс дароо беттешти токтотуп, британиялык спортчуну рингдин бурчуна отургузган.

Баумгарднер жеңилбес мушкер бойдон калды. Муну менен ал онунчу атаандашын утту, бир жолу тең чыгуу болгон. Харпер үчүн бул карьерасындагы алгачкы жеңилүүсү болду. Буга чейин ал 11 таймашта уткан.

4255
Белгилер:
бокс, нокаут, сейрек
Тема боюнча
Мындай күндө боло бербейт! Тайбоксчу Кабутовдун атаандашын нокаут кылган видеосу
Чыканагы менен жыга коюп... UFC турнириндеги беттештердин видеосу
Көркөм гимнастика федерациясынын президенти Назира Айдарова

Айдарова: Бишкекте көркөм гимнастика боюнча биринчи фестиваль өтөт

246
Көркөм гимнастика федерациясынын президенти Назира Айдарова 9-декабрда Токтогул Сатылганов атындагы Кыргыз улуттук филармониясында "Мурас" аталышындагы биринчи көркөм гимнастика фестивалы өтөрүн айтты.

Иш-чара Кыргызстан менен Россиянын эриш-аркак жылынын алкагында уюштурулуп, контемпорари, ушу, цирк артисттери, хореографиялык окуу жайдын бийчилери, чирлидерлердин (спорттук иш-чаралардагы бийчи күйөрмандар) катышуусунда өтөт. Мындай маалыматты Назира Айдарова Sputnik Кыргызстан радиосунун эфиринде маек куруп жатып билдирди.

Айдарова: Бишкекте көркөм гимнастика боюнча биринчи фестиваль өтөт

Анын айтымында, фестивалга россиялык белгилүү гимнаст, дүйнө чемпиону Екатерина Селезнёва, аялдар күрөшү боюнча Токио Олимпиадасынын коло медалынын ээси Мээрим Жуманазарова да катышат.

"2017-жылы биздин гимнасттарды олимпиада чемпиону Алина Кабаева Москвада өткөн өзүнүн фестивалына чакырган. 15 кыз тандоодон өтүп, барып келишкен. Ушундан улам Бишкекте чоң программадагы көркөм гимнастика боюнча фестиваль уюштуруу демилгеси пайда болгон. Ушул жылдын 9-декабрында Токтогул Сатылганов атындагы Улуттук филармонияда россиялык Эльдар Сайфутдиновдун режиссёрлугу алдында өтөт. Иш-чара Кыргызстан менен Россиянын эриш-аркак жылынын алкагында уюштурулууда. Фестивалга жеке гана гимнасттар катышпастан контемпорари, ушу, цирк артисттери, хореографиялык окуу жайдын бийчилери, чирлидерлер да программаларын тартуулашат ", — деди Айдарова.

Ошондой эле жетекчи "Манас" эпосунун негизинде сахналаштырылган атайын программа даярдалып жаткандыгын кошумчалады.

246
Белгилер:
Назира Айдарова, көркөм гимнастика, фестиваль, мурас
Тема боюнча
Муз үстүндө чимирилип, абада айланган спортчулар. Японияда тартылган сүрөттөр
Бангладеште тогуз коргоол турнири

Бангладеште тогуз коргоол кулач жая баштады. Даккадагы мелдештен сүрөттөр

69
(жаңыланган 10:58 29.11.2021)
Кыргыздын улуттук интеллектуалдык оюну Бангладеште кенен тарап жатат. Бүгүнкү күндө бул оюнга көптөгөн дүйнө эли кызыгууда.

БИШКЕК, 29-ноя. — Sputnik. Бангладеште спорттун этникалык түрлөрү, анын ичинде кыргыздын улуттук тогуз коргоол оюну боюнча турнир өттү. Бул тууралуу International Jomasar Council уюмунун экс-вице-президенти, CKU Roermond менеджеринин жардамчысы жана Бангладеш этноспорт ассоциациясынын Нидерланддагы өкүлү Роза Мукамбетова билдирди.

  • Участницы турнира турнира по Тогуз коргоол в Бангладеше. 23 ноября 2021 года
    Бангладеште спорттун этникалык түрлөрү, анын ичинде кыргыздын улуттук тогуз коргоол оюну боюнча турнир өттү
    © Фото / пресс-служба Ethnosport Bangladesh Association
  • Участницы турнира турнира по Тогуз коргоол в Бангладеше. 23 ноября 2021 года
    Анын айтымында, кыргыздын салттуу тогуз коргоол оюну боюнча мелдеш 23-ноябрда Бангладештин борбору Дакка шаарында өткөн
    © Фото / пресс-служба Ethnosport Bangladesh Association
1 / 2
© Фото / пресс-служба Ethnosport Bangladesh Association
Бангладеште спорттун этникалык түрлөрү, анын ичинде кыргыздын улуттук тогуз коргоол оюну боюнча турнир өттү

Анын айтымында, кыргыздын салттуу тогуз коргоол оюну боюнча мелдеш 23-ноябрда Бангладештин борбору Дакка шаарында өткөн.

"Мелдешке 200 спортчу кыз катышкан. Малиха Масруор (Maliha Masroor) биринчи орунду ээлеп, турнирдин чемпиону болду. Экинчи орунду Шрабони Актер (Shrabony Akter), ал эми Рабея Махджабин Бристи (Rabeya Mahjabin Bristy) үчүнчү орунду камсыздашкан", — деген ал.

Жеңүүчүлөрдү сыйлоо аземине өлкөнүн Тогуз коргоол ассоциациясынын негиздөөчүсү жана Эл аралык этноспорт ассоциациясынын башкы катчысы Мухаммад Аль Мамун (Md. Al Mamun) катышты. Ал кыргыздын улуттук оюнун Чолпон-Атада өткөн Дүйнөлүк көчмөндөр оюндарынан көргөндөн тарта өз өлкөсүндө мелдештерди уюштура баштаган. Түркиянын Бангладештеги элчиси Мустафа Осман Туран мелдештин расмий коногу болду", — деген Мукамбетова.

Ал белгилегендей, кыргыздын улуттук интеллектуалдык оюну Бангладеште кенен жайылып жатат. Бүгүнкү күндө бул оюнга көптөгөн дүйнө эли кызыгууда.

69
Белгилер:
тогуз коргоол, Кыргызстан, улуттук оюндар, Бангладеш, кыздар, мелдеш
Тема боюнча
Кулжаев: Кыргызстанда регбиге кызыккандар көбөйүүдө
Көчөдө бараткан аял. Архив

Шейшембиге карата аба ырайы

0
30-ноябрь, шейшембиге, караган түнү жаан-чачын күтүлбөйт. Шамалдын багыты өзгөрүлүп, ылдамдыгы секундасына 1-6 метрге жетет.

БИШКЕК, 29-ноя. — Sputnik. 30-ноябрда республика боюнча күн ачык болот. Мындай маалыматты Кыргызгидромет таратты.

Абанын температурасы Чүй облусунда +9...+14, Таласта +8...+13, Ош, Жалал-Абад жана Баткен облустарында +10...+15, Ысык-Көл өрөөнүндө +2...+7, Нарын аймагында -2...+3 градуска чейин көтөрүлөт.

Борбор калаада күндүн табы +12...+14, Ош шаарында +13...+15 градуска чейин жете турганы айтылды.

0
Белгилер:
аба ырайы, Кыргызстан
Тема боюнча
Дүйнө тынчсызданган "омикрон" штаммынын белгилери, кайдан чыкканы айтылды