Самара Абдымалик кызы самбо боюнча дүйнө чемпионатынан коло байге утту

Самара Абдымалик кызы самбо боюнча дүйнө чемпионатынан коло байге утту

52
(жаңыланган 11:27 16.11.2021)
Кыргызстандык спортчу кыз 50 килограмм салмакта ат салышкан. Байге фондунда коло медаль уткандарга эки миң доллар акчалай сыйлык берилет.

БИШКЕК, 16-ноя. — Sputnik. Кыргызстандык самбо күрөшүнүн чебери Самара Абдымалик кызы Ташкентте өткөн дүйнө чемпионатында коло медаль утту. Мелдештин экинчи күндөгү жыйынтыгын Самбо эл аралык федерациясы расмий сайтына чыгарды.

Кыргызстандык спортчу кыз 50 килограмм салмакта ат салышып, үчүнчү орунду алган.

Бул салмакта беларустук Анфиса Капаева чемпион болуп алтын медаль тагынды. Ал эми өзбекстандык Сабина Давлатова күмүш байге утту. Дагы бир коло байгени россиялык Мария Молчанова жеңди.

Маалыматка ылайык, дүйнө чемпионатынын байге фонду 231 000  долларды  түзөт. Биринчи орунга 4 000 доллар, күмүш байгеге 3 000 доллар, ал эми коло байге уткан спортчуларга 2 000 доллар акчалай сыйлык каралган.

52
Белгилер:
КР самбо федерациясы, самбо, дүйнө чемпионаты
Тема боюнча
Сүйүнчү! Айпери Медет кызы U23 дүйнө чемпионатынан алтын утту
Муз үстүндө чимирилип, абада айланган спортчулар. Японияда тартылган сүрөттөр
Жеңил атлетика боюнча Кыргызстандын көп жолку чемпиону Нурсултан Кеңешбеков

Кеңешбеков: кыргызстандыктар марафондук жарышта Олимпиадада медаль ала алат

16
Жеңил атлетика боюнча Кыргызстандын көп жолку чемпиону Нурсултан Кеңешбеков келечекте ири марафондук жарыштарга катышуу ниети бар экендигин айтты.

Токио Олимпиадасы спорттук карьерамдагы эң чоң тажрыйба берген мелдеш болду. Мындай пикирин Нурсултан Кеңешбеков Sputnik Кыргызстан радиосунун эфиринде маек куруп жатып билдирди.

Кеңешбеков: кыргызстандыктар марафондук жарышта Олимпиадада медаль ала алат

Анын айтымында, кыргыз спортчулары жеңил атлетика боюнча марафондук жарышта Олимпиададан медаль алууга мүмкүнчүлүгү бар.

"Жеңил атлетика менен 2017-жылдан тарта алектене баштагам. Олимпиадага катышуу үчүн төрт жыл кызуу машыгып, жергиликтүү жана эл аралык мелдештерде күчүмдү сынап көрдүм. Олимпиадага жолдомо берүүчү турнир Алматы шаарында өтүп, 1 500 метрлик аралыкты рекорддук көрсөткүч менен жыйынтыктагам. Жалпы мелдештердеги чогулган упайлардын жыйынтыгы менен ири спорттук иш-чарага катыштым. Олимпиаданын деңгээли абдан жогору болгондуктан атаандаштык курч болду. Жеңил атлетиканын легендалары, дүйнө чемпиондору, Олимпиаданын жеңүүчүлөрүнүн арасында болуп, көп нерсе үйрөнө алдым. Бирок кыска жана орто аралыкка чуркоодо атаандаштык бийик болгону үчүн медаль утуу оор экен. Андыктан марафондук жарышта күчүмдү сынап көргүм келет", — деди Кеңешбеков.

Ошондой эле жөө күлүк Ысык-Көлдө заманбап машыгуу базасы курулса спортчулардын эл аралык мелдештерден ийгилик жаратуусуна шарт түзүлө тургандыгын кошумчалады.

16
Белгилер:
Нурсултан Кеңешбеков, жеңил атлетика, олимпиада
Тема боюнча
Сүйүнүчтүү кабар! Лыжачы Максим Гордеев кышкы Олимпиадага катышууга лицензия алды

UFC турнири: Физиевдин өзгөчө ыкмасы жана башка мушкерлердин видеосу

196
Жозе Алдо Роб Фонтаны жеңди, Рафаэль Физиев Брэд Ридделлди кулата койду, Жалгас Жумагулов UFC алкагындагы беттеште биринчи ирет жеңилүү ызасын тартты. Бүгүнкү турнирдеги эсте каларлык видеолорду тартуулайбыз.

Декабрдын төртүнөн бешине караган түнү UFC Вегас 44 турнири болду. Башкы таймашта мурдагы UFC чемпиону, жарым жеңил салмактагы Жозе Алдо рейтингде төртүнчү сапта турган Роб Фонтту жеңип алды. Мушкерлер жеңил салмактагы категорияда беттешкен. Алдо калыстардын чечиминин негизинде артыкчылыкка ээ болду.

Анын алдында рейтингдин 14-номериндеги, жеңил салмактагы Физиев атаандашы Брэд Ридделлди жыга тээп, өзгөчө мушташ көрсөтүп жеңген. Калыс таймашты токтоткон. Алар Физиевди чебер ыкмаларын көрсөттү деп белгилешкен.

Булардан сырткары казакстандык Жалгас Жумагулов чыгып, атаандашы Манель Кейпке биринчи раундда утулуп калды.

196
Белгилер:
Лас-Вегас, UFC, Рафаэль Физиев, атаандаштык, жеңиш
Тема боюнча
Эмоцияга алдырды. Валентина Шевченко Рафаэль Физиев тууралуу оюн айтты
АКШда каршылашын сулата тепкен мушкер өзүнүн бутун сындырып алды. Видео
Рафаэль Физиевдин айланып келип атаандашын жыга тепкен видеосу
Кыргызстандын экс-президенти Сооронбай Жээнбеков. Архив

Жер тилкеси 20дан ашып... Жээнбеков президент болгондон кийин канчалык байыган

16
(жаңыланган 17:08 06.12.2021)
Жээнбеков жана анын жакын туугандары 30дан ашуун жер тилкесине ээлик кылат. Ал президент болгондон кийин жерлери беш эсе кеңейген.

БИШКЕК, 6-дек. — Sputnik. Мамлекеттик салык кызматы экс-президент Сооронбай Жээнбековдун киреше-чыгашасы тууралуу 2020-жылга карата тапшырган декларациясын чыгарды.

Белгилей кетсек, Жээнбеков былтыр октябрь окуяларынан кийин президенттик кызматтан кеткен.

Декларацияга ылайык, өткөн жылы Жээнбеков 944 138 сом киреше тапкан. Бирок "чыгашасы" деген графа толтурулган эмес. Мындан сырткары, ага 160 чарчы метрлик турак жай жана МТЗ-80 үлгүсүндөгү трактор таандык.

Экс-президент 23 жер тилкесине ээлик кылат:

  • айыл чарба багытында — 0,45 гектар;
  • айыл чарба багытында — 15,05 га;
  • айыл чарба багытында — 5,55 га;
  • айыл чарба багытында — 0,96 га;
  • айыл чарба багытында — 1,08 га;
  • айыл чарба багытында — 0,67 га;
  • айыл чарба багытында — 7,43 га;
  • айыл чарба багытында — 1,06 га;
  • айыл чарба багытында — 4,25 га;
  • айыл чарба багытында — 4,24 га;
  • айыл чарба багытында — 1,12 га;
  • айыл чарба багытында — 0,70 га;
  • айыл чарба багытында — 0,64 га;
  • айыл чарба багытында — 0,64 га;
  • айыл чарба багытында — 0,64 га;
  • айыл чарба багытында — 0,16 га;
  • айыл чарба багытында — 0,64 га;
  • айыл чарба багытында — 0,32 га;
  • айыл чарба багытында — 0,32 га;
  • айыл чарба багытында — 0,64 га;
  • айыл чарба багытында — 0,64 га.
  • Үй алдындагы бакча — 0,04 га;
  • Үй алдындагы бакча — 0,06 га.

Документте Жээнбековдун жакын туугандары былтыр 6,5 миллион сом киреше тапканы көрсөтүлгөн. Алар 64 чарчы метрлик батирге, Lexus-470 үлгүсүндөгү автоунаага, 12 миллион сомдук бодо малга, 850 миң сомдук жылкыга ээлик кылат. Мындан сырткары, эки өндүрүштүк имараты жана 11 жер тилкеси бир.

Алар төмөнкүлөр:

  • Аянты 1 гектарды түзгөн өндүрүштүк имарат;
  • Аянты 1 гектарды түзгөн өндүрүштүк имарат.

Жер тилкелери:

  • айыл чарба багытында — 3 га;
  • айыл чарба багытында — 5 га;
  • айыл чарба багытында — 2 га;
  • айыл чарба багытында — 2 га;
  • айыл чарба багытында — 1 га;
  • айыл чарба багытында — 1 га;
  • айыл чарба багытында — 4 га;
  • айыл чарба багытында — 4 га;
  • айыл чарба багытында — 0,6 га;
  • айыл чарба багытында — 2 га;
  • айыл чарба багытында — 0,6 га.

Эске салсак, Жээнбеков 2017-жылга карата тапшырган декларациясында эки үйдүн (бирөө дача) жана айыл чарбага ылайыкталган төрт жер тилкенин, ошондой эле МТЗ-80 үлгүсүндөгү трактордун ээси экени жазылган.

Ал эми жакын туугандарынын бир батири, айыл чарбасына ылайыкташкан эки жер тилкеси жана Lexus үлгүсүндөгү автоунаасы болгон.

Сооронбай Жээнбеков 2016-жылдын апрель айында премьер-министр кызматына дайындалып, 2017-жылдын октябрь айында президент болуп шайланган. Былтыр октябрь айында элдик толкундоодон кийин тактыны бошотуп кеткен.

16
Белгилер:
Сооронбай Жээнбеков, байлык, президент, жер тилкеси, декларация
Тема боюнча
Сооронбай Жээнбеков менен анын туугандарынын байлыгы жарыяланды
Садыр Жапаров жана анын үй-бүлөсү кандай мал-мүлккө ээлик кылары жарыяланды