КФС президенти Медербек Сыдыков АФК президенти шейх Салман бин Ибрагим аль-Халифа менен жолукту, Манама шаары (Бахрейн)

АФК президенти менен кыргыз футболун өнүктүрүү талкууланды

92
(жаңыланган 14:30 17.11.2021)
Эки жетекчи алдыдагы долбоорлорду талкуулап, мындан аркы кызматташуунун келечегине токтолушту. Жолугушуу АФК президентинин мекенинде өткөн.

БИШКЕК, 17-ноя. — Sputnik. Кечээ, 16-ноябрда, Бахрейндин борбору Манама шаарында Кыргыз футболдук союзунун президенти Медербек Сыдыков Азия футбол конфедерациясынын (АФК) президенти шейх Салман бин Ибрагим аль-Халифа менен жолукту. Бул тууралуу КФСтин маалымат кызматы билдирди.

Жолугушууда Сыдыков Кыргызстанда футболду өнүктүрүү боюнча алдыга коюлган максаттары жана пландары менен бөлүшкөн. Тараптар учурда футбол Кыргызстанда гана эмес, Борбор Азия чөлкөмүндө да, бүткүл Азия континентинде өнүгүүсү үчүн алакаларды түзүү боюнча иштөө маанилүү экенин белгилешти.

Тараптар ошондой эле келечектеги долбоорлорду талкуулап, мындан аркы кызматташуунун келечегине токтолушту.

92
Белгилер:
Кыргыз футбол союзу, Медербек Сыдыков, АФК, президент, шейх, жолугушуу
Тема боюнча
Кыргызстандын футбол командасы Бахрейнге жеңилип калды
Медербек Сыдыков Кыргыз футболдук союзунун президенти болуп шайланды. Өмүр баяны

АКШда каршылашын сулата тепкен мушкер өзүнүн бутун сындырып алды. Видео

131
Америкалык ММА мушкери Дилан Кискила эсте каларлык нокаут менен атаандашын утуп алды. Бирок жеңиш оңойчулук менен келбей бутун сындырып алган.

Окуя Фарго шаарындагы Captain"s Fight Club турниринде болгон. Видео уюштуруучулардын Facebook баракчасына чыккан.

Кадрлардан көрүнүп тургандай, Кискила атаандашы Кая Дюкени буту менен башка тээп нокаутка кетирип, андан кийин чогуу кулап түшкөн. Кийин спортчу бутун сындырып алганы белгилүү болгон. 

Беттештен кийин спортчу уюштуруучулар менен байланышып, жаракат алганын тастыктаган.

Конор Макгрегор Дастин Порье менен UFC турниринде ушундай жаракат алганы белгиленет. Ирландиялык атлет бутун кызыл ашыктын үстүнөн сындырып алган.

131
Белгилер:
АКШ, мушкер, нокаут, бут, жаракат, видео
Тема боюнча
Үмүт үзүлгөндө утуп... UFC жеңишке кеч жеткендердин видеосун топтоду
Чыканагы менен жыга коюп... UFC турнириндеги беттештердин видеосу
Бильярд оюну. Архив

Кыргызстанда 2022-жылы бильярд боюнча дүйнө биринчилиги өтөт

54
Турнир келерки жылдын 25-мартынан 2-апрелине чейин деп белгиленүүдө. Анда өспүрүмдөр, жаштар жана чоңдор арасында да мелдеш өтөт.

БИШКЕК, 26-ноя. — Sputnik. Кыргызстанда 2022-жылы бильярд боюнча дүйнө чемпионаты өтөт. Бул туурасында өлкөнүн бильярд федерациясынын президенти Каныбек Сагынбаев Sputnik Кыргызстан маалымат агенттигине билдирди.

Анын айтымында, мелдеш келерки жылдын 25-мартынан 2-апрелине чейин деп белгиленүүдө.

"Бул боюнча Эл аралык бильярд конфедерациясы менен макулдашылды. Адегенде өспүрүмдөр жана жаштар арасында "эркин пирамида" түрү боюнча мелдеш өтөт. Ал бүткөн соң эркектер жана кыз-келиндер (чоңдор) арасында "динамикалык пирамида" боюнча мелдеш болот", — деген Сагынбаев.

Дүйнө биринчилиги Бишкек шаарындагы "Газпром" ден соолукту чыңдоо борборунда болот.

Эске салсак, муну менен аталган спорт боюнча дүйнө чемпионаты Кыргызстанда бешинчи ирет өтөт. Буга чейин 2012-жылы (Бишкек шаары), 2014-жылы (Ысык-Көл, Рух-Ордо), 2016-жылы (Бишкек, Газпром) жана 2019-жылы (Ысык-Көл, Газпром) дүйнө биринчиликтери уюштурулган.

54
Белгилер:
Каныбек Сагынбаев, бильярд, Кыргызстан, дүйнө чемпионаты
Тема боюнча
Кыргызстан 2022-жылы хоккей боюнча дүйнө чемпионатын өткөрөт
Тыныбекова менен Жуманазарова атаандаш. Өлкөдө мыкты спортчулар аныкталууда
Алтын куймалары. Архив

Улуттук банктын алтын запасы бир айда 1,6 млрд. сомго азайды

0
Бул жылы Улуттук банктын алтын активинин наркы бир топ өзгөргөн. Маселен, майдын башынан июль айынын башына чейин ал үч эсеге азайган.

БИШКЕК, 27-ноя.— Sputnik. Кыргызстандын алтын-валюта кору октябрь айында 1 миллиард 577 сомго кыскарды. Бул тууралуу Улуттук банктын ачык маалыматтарында айтылат.

Бул жылы Улуттук банктын алтын активинин наркы бир топ өзгөргөн. Маселен, майдын башынан июль айынын башына чейин ал үч эсеге азайган. Тагыраагы, 99 миллиард сомдон 36, 4 миллиард сомго түшкөн. Кийинчерээк алтындын кору бир аз (37, 9 миллиард сомго) кымбаттаган. Сентябрда кайра 29 миллиард 74,4 миллион сомго чейин түшүп кеткен.

1-октябрга карата анын баасы 49 миллиард 905,7 миллион сомго өскөнү айтылды. Бирок ноябрда кайра 48 миллиард 328,7 миллион сомго төмөндөгөн.

Алтын-валюта запасы (эл аралык валюта резерви) Улуттук банктын сомдун курсун туруктуу көзөмөлдөп туруусуна мүмкүнчүлүк берет. Ал ондогон валюталардан турат: CDR (Атайын карыз алуу укугу – Эл аралык валюта фондунун (ЭВФ) жасалма резерви жана төлөө каражаттары) жана алтын.

0
Белгилер:
Кыргызстан, Улуттук банк, алтын
Тема боюнча
Евразия өнүктүрүү банкы Кыргызстанда инфляция качан басаңдай турганын айтты
Кыргызстанда доллардын курсу жакынкы жылдары кандай өзгөрөт? ЕАӨБдүн божомолу