Бишкек шаарынын мэри Айбек Жунушалиев пара пауэрлифтинг боюнча дүйнө чемпионатына катыша турган спортчулар менен жолукту

Пара пауэрлифтинг боюнча дүйнө чемпионатына бара турган спортчулардын тизмеси

40
(жаңыланган 15:12 22.11.2021)
Чемпионат 25-ноябрдан 6-декабрга чейин Грузиянын Тбилиси шаарында өтөт. Кыргызстандын атынан алты спортчу, эки машыктыруучу барат.

БИШКЕК, 22-ноя. — Sputnik. Бишкек шаарынын мэри Айбек Жунушалиев пара пауэрлифтинг боюнча дүйнө чемпионатына катыша турган спортчулар менен жолукканын муниципалитет билдирди.

Чемпионат 25-ноябрдан 6-декабрга чейин Тбилиси (Грузия) шаарында өтөт. 

Мэр Бишкека Айбек Джунушалиев встретился с участниками Чемпионата мира по пара пауэрлифтингу.
© пресс-служба мэрии города Бишкек Улукбек Шамбетов
Бишкек шаарынын мэри Айбек Жунушалиев пара пауэрлифтинг боюнча дүйнө чемпионатына катыша турган спортчулар менен жолукту

Калаа башчысы спортчуларга ийгилик каалап, чакан белектерин тапшырган.

Эл аралык таймашка бара тургандардын тизмеси:

  • Эсен Калиев – Кыргызстандын эмгек сиңирген спорт чебери, Лондондо жана Рио-де-Жанейродо өткөн Паралимпиадалык оюндарга катышып, бешинчи орунду ээлеген. 2018-жылы дүйнө чемпиону болгон. Дүйнө кубогунун көп жолку ээси;
  • Жыргалбек Оросбаев – эл аралык класстагы спорт чебери, Рио-де-Жанейродо өткөн паралимпиадага катышып, алтынчы орунду ээлеген. Уландар арасында дүйнө рекордчусу, дүйнө кубогунун көп жолку ээси;
  • Азизбек Замирбек уулу – Кыргызстандын спорт чебери, жаштар арасындагы дүйнө чемпионатынын коло медаль ээси (2019), чоңдор арасындагы дүйнө кубогунун коло медаль ээси (2021), Тбилисиде, кийин Дубайда өткөн уландар арасындагы дүйнө кубогунда биринчи орунду алган (2021).
  • Азизбек Нарбаев – Дубайда өткөн уландар арасындагы дүйнө кубогунда биринчи орунду алган (2021);
  • Темирлан Руслан уулу - Дубайда өткөн уландар арасындагы дүйнө кубогунда биринчи орунду алган (2021);
  • Миргүл Болоталиева – Дубайда өткөн юниорлор арасындагы дүйнө кубогунун катышуучусу;
  • Аднан Жабраилов – Кыргызстандын эмгек сиңирген машыктыруучусу, дене тарбия жана спорт боюнча эмгек сиңирген кызматкер, СССРдин спорт чебери;
  • Шейшенкул Бакиров – Кыргызстандын эмгек сиңирген машыктыруучусу, дене тарбия жана спорт боюнча эмгек сиңирген кызматкер, СССРдин спорт чебери.
40
Белгилер:
Кыргызстан, Бишкек, спорт, паралимпиада, мэр, белек
Тема боюнча
UFC чемпиону Пётр Янды уткан Нуржигит: колун кайрысам багынып берген

АКШда каршылашын сулата тепкен мушкер өзүнүн бутун сындырып алды. Видео

132
Америкалык ММА мушкери Дилан Кискила эсте каларлык нокаут менен атаандашын утуп алды. Бирок жеңиш оңойчулук менен келбей бутун сындырып алган.

Окуя Фарго шаарындагы Captain"s Fight Club турниринде болгон. Видео уюштуруучулардын Facebook баракчасына чыккан.

Кадрлардан көрүнүп тургандай, Кискила атаандашы Кая Дюкени буту менен башка тээп нокаутка кетирип, андан кийин чогуу кулап түшкөн. Кийин спортчу бутун сындырып алганы белгилүү болгон. 

Беттештен кийин спортчу уюштуруучулар менен байланышып, жаракат алганын тастыктаган.

Конор Макгрегор Дастин Порье менен UFC турниринде ушундай жаракат алганы белгиленет. Ирландиялык атлет бутун кызыл ашыктын үстүнөн сындырып алган.

132
Белгилер:
АКШ, мушкер, нокаут, бут, жаракат, видео
Тема боюнча
Үмүт үзүлгөндө утуп... UFC жеңишке кеч жеткендердин видеосун топтоду
Чыканагы менен жыга коюп... UFC турнириндеги беттештердин видеосу
Бильярд оюну. Архив

Кыргызстанда 2022-жылы бильярд боюнча дүйнө биринчилиги өтөт

54
Турнир келерки жылдын 25-мартынан 2-апрелине чейин деп белгиленүүдө. Анда өспүрүмдөр, жаштар жана чоңдор арасында да мелдеш өтөт.

БИШКЕК, 26-ноя. — Sputnik. Кыргызстанда 2022-жылы бильярд боюнча дүйнө чемпионаты өтөт. Бул туурасында өлкөнүн бильярд федерациясынын президенти Каныбек Сагынбаев Sputnik Кыргызстан маалымат агенттигине билдирди.

Анын айтымында, мелдеш келерки жылдын 25-мартынан 2-апрелине чейин деп белгиленүүдө.

"Бул боюнча Эл аралык бильярд конфедерациясы менен макулдашылды. Адегенде өспүрүмдөр жана жаштар арасында "эркин пирамида" түрү боюнча мелдеш өтөт. Ал бүткөн соң эркектер жана кыз-келиндер (чоңдор) арасында "динамикалык пирамида" боюнча мелдеш болот", — деген Сагынбаев.

Дүйнө биринчилиги Бишкек шаарындагы "Газпром" ден соолукту чыңдоо борборунда болот.

Эске салсак, муну менен аталган спорт боюнча дүйнө чемпионаты Кыргызстанда бешинчи ирет өтөт. Буга чейин 2012-жылы (Бишкек шаары), 2014-жылы (Ысык-Көл, Рух-Ордо), 2016-жылы (Бишкек, Газпром) жана 2019-жылы (Ысык-Көл, Газпром) дүйнө биринчиликтери уюштурулган.

54
Белгилер:
Каныбек Сагынбаев, бильярд, Кыргызстан, дүйнө чемпионаты
Тема боюнча
Кыргызстан 2022-жылы хоккей боюнча дүйнө чемпионатын өткөрөт
Тыныбекова менен Жуманазарова атаандаш. Өлкөдө мыкты спортчулар аныкталууда
COVID-19 тест лабораториясынын кызматкери. Архив

Адис: COVID-19дун жаңы штаммы СПИД болгон адамда пайда болушу мүмкүн

0
(жаңыланган 11:03 27.11.2021)
Түштүк Африкадагы Ботсвана өлкөсүндө коронавирустун B.1.1.529 аттуу жаңы штаммы катталып, Дүйнөлүк саламаттык сактоо уюму жума күнү чукул жыйын өткөргөн.

БИШКЕК, 27-ноя. — Sputnik. Азырынча аталышы жок, бирок B.1.1.529 деп белгиленип жаткан коронавирустун жаңы түрү алгач СПИД менен ооруган адамдын организминде пайда болушу мүмкүн. Бул тууралуу россиялык иммунолог Николай Крючков "Ридус" басылмасына билдирди.

Эске салсак, Түштүк Африкадагы Ботсвана өлкөсүндө коронавирустун B.1.1.529 аттуу жаңы штаммы катталгандыгына байланыштуу Дүйнөлүк саламаттык сактоо уюму жума күнү чукул жыйын өткөргөн.

Коронавирустун жаңы түрү аныкталганына байланыштуу Улуу Британия менен Израилде Түштүк Африкага каттамдар токтотулган.

"Жаңы вариант тууралуу азырынча көп нерсе белгисиз. Бирок окумуштуулар бул мутация ВИЧ-инфекциясын жуктурган адамдын организминде болгон деп божомолдоп жатышат. Болгондо дагы оорусу күчөп кеткен адамда. Жаңы штамм пайда болгон Түштүк Африкада СПИД илдетине чалдыккан адамдар көп болгондуктан, бул туура божомол деп ишенип жатабыз", — деди дарыгер.

Адис вирус өтө жугуштуу экенин айтып, ал вакцинага дагы туруштук бериши мүмкүн деп божомолдоодо.

"Бул вирус 32 жолу мутация болгон. Демек, өтө жугуштуу. Штаммдын бир бөлүгү "дельта", дагы бир бөлүгү "беттадан" турат. Курамында жаңы бөлүкчөлөр дагы бар", — деди Крючков.

Адис бул штамм дагы дүйнөгө тарап кетиши толук мүмкүн экенин кошумчалады.

0
Белгилер:
Дүйнө, коронавирус, жаңы штамм
Тема:
Дүйнөгө жайылган коронавирус
Тема боюнча
Адис COVID-19га каршы вакцинанын таасири канча убакытка жетип жатканын айтты
Россия: COVID-19га каршы өспүрүмдөр вакцинаcын колдонууга уруксат берилди