UFC уюмунун чемпиону, кыргызстандык Валентина Шевченко

Шевченко Нуньес менен үчүнчү кармашы тууралуу: ал менден өзү качып жаткандай

387
(жаңыланган 14:56 22.11.2021)
Кыргызстандык мушкер Шевченко буга чейин Нуньес менен эки ирет беттешке чыгып, экөөндө тең упай айырмачылыгы менен жеңилип калган.

БИШКЕК, 22-ноя. — Sputnik. UFC уюмунун чемпиону, кыргызстандык Валентина Шевченко анын эзелки атаандашы бразилиялык Аманда Нуньес кайрадан беттешүүдөн качып жатканын билдирди. Бул тууралуу мушкер Бишкекте өтүп жаткан маалымат жыйында айтты.

Журналист спортчунун алдыдагы пландары жана Нуньес менен качан кармашарын сурады. Ошондой эле бразилиялык мушкер учурда табында эместигин да белгилеген.

"Алдыда дагы беттештерге даярданып, наамымды коргосом дейм. Ар бир мелдешимди жөн гана өткөрбөстөн, чеберчилигимди, мыктылыгымды көрсөткүм келет. Мен ал (Аманда Нуньес) жакшы же начар формада болот деп күтпөшүм керек. Биздин экинчи беттешибизде ал мыкты формада болчу, ал кармашты уткам. Мен аны беттешүүдөн качып жатат деп ойлойм. Ар убак беттешүүгө даярмын деп айтып келем. Тагыраагы, UFC кайсы убакта кааласа даярмын", — деди Шевченко.

Кыргызстандык мушкер Шевченко буга чейин Нуньес менен эки ирет беттешке чыгып, экөөндө тең упай айырмачылыгы менен жеңилип калган.

Алгачкы жолу UFC 196 мелдешинде бразилиялык спортчуга калыстардын бирдей чечими менен жеңиш ыйгарылса, UFC 215 таймашында калыстардын көбү Нуньеске упай беришкен.

Кийин кыргызстандык мушкер эң жеңил салмак категориясына өтүп, чемпион болгон. Ошондон бери "Нуньес менен аягына чыкпай калган окуя" тууралуу айтып келет.

387
Белгилер:
UFC, Валентина Шевченко, Аманда Нуньес, беттешүү, кармаш
Тема боюнча
Дана Уайт: Шевченко удаасы менен эки супер беттеш өткөрүшү мүмкүн
Кыргызстандын өзүнүн ММА спорту бар. Шевченко UFC уюмундагы ийгилиги тууралуу. Видео
UFC Нуньес чемпион болуп турган дивизионду жабат
Шевченко: ар бир адам максат коюш керек, 60 жашта деле турмушка чыкса болот
Жиу-житсу күрөшү боюнча кадеттер машыгуу учурунда

Бишкекте алгачкы ирет жиу-житсу күрөшүнөн кадеттердин чемпионаты өтөт

13
Мындай мелдеш Кыргызстанда биринчи жолу өткөрүлүүдө. Жаш балбандардын таймашы Бишкектеги Kyrgyzstan TOP TEAM бразилиялык жиу-житсу академиясында болот.

БИШКЕК, 1-дек. — Sputnik. 18-19-декабрда жиу-житсу күрөшү боюнча кадеттер (окуучулар) арасында Бишкек шаарынын ачык чемпионаты өтөт. Бул тууралуу Кыргызстандагы Жиу-житсу федерациясынын башкы катчысы Айжан Кадырбекова Sputnik Кыргызстанга билдирди.

Анын айтымында, мындай мелдеш алгачкы ирет өткөрүлүп жатат.

"Турнирди биздин федерация уюштуруп өткөрөт. Ага кадеттер, мектеп окуучулары гана катышат. Аймактардан, Ысык-Көл, Жалал-Абад облустарынан жаш балбандардын келери күтүлүүдө. Азырынча канча спортчу катышары белгисиз. Бирок мелдеш республика боюнча күчүн сынагысы келген бардык жаш спортчуларга эшигин ачат", — деген Кадырбекова.

Жаш балбандардын таймашы Бишкектеги Kyrgyzstan TOP TEAM бразилиялык жиу-житсу академиясында өтөт.

13
Белгилер:
Кыргызстан, Бишкек, мелдеш, чемпионат, жиу житсу
Тема боюнча
Айдарова: Бишкекте көркөм гимнастика боюнча биринчи фестиваль өтөт
Маткеримов: Бишкектеги Эл аралык дзюдо академиясы 500 адамды батырат

Валентина Шевченко, жаңырган "кара жорго" жана көлдөгү машыгуу. Видео

776
(жаңыланган 16:00 30.11.2021)
UFC чемпиону Валентина Шевченконун Ысык-Көлдүн жээгинде өзү да машыгып, андан сырткары кыргызстандык спортчу кыздар менен өнөктөш катары иштеп жаткан видеосу тарады.

Видеолорду Шевченко Instagram баракчасына жарыялап, Ысык-Көл ага дем-күч берерин жазган. Мушкердин тер төгө спорт менен алектенип жаткан видеосу Ысык-Көлдөгү пансионаттардын биринин жээгинде тартылган. Кадрдан анын насаатчысы Павел Федотов экөөнүн пристанда машыгып жатканын көрүүгө болот.

"Мен Ысык-Көлдө машыкканды аябай сагындым. Бул мага күч бере турган жер", ― деп жазган спортчу өзүнүн Instagram баракчасына.

Шевченко видео ноябрь айында тартылганын белгилеп, жазган. Кыргызстандык мушкердин видеосу кыска убакыттын ичинде бир нече миң жолу көрүлгөн. Катталуучулар Кыргызстандын даңкын чыгарганы үчүн ага ыраазычылык билдирген пикирлерди калтырышкан.

Ал эми чемпиондун спортчу кыз менен өнөктөш катары машыгып жаткан экинчи видоосу да ошол эле пристандан тартылган.

Валентина Шевченко 21-ноябрда өлкөгө келген. Бишкекте ал маалымат жыйынын жана күйөрмандары менен жолугушуу өткөргөн. Садыр Жапаров мушкер кызды кабыл алып, 1 миллион сомдук сертификат тапшырган. 

776
Белгилер:
Валентина Шевченко, машыгуу, Ысык-Көл
Тема боюнча
Шевченко менен Холли Берринин "мушташы". Кинонун бет ачарынын видеосу
Эмоцияга алдырды. Валентина Шевченко Рафаэль Физиев тууралуу оюн айтты
Шевченко Нуньес менен үчүнчү кармашы тууралуу: ал менден өзү качып жаткандай
Медициналык кызматкер жана COVID-19 менен бейтап ооруканада

Коронавирустун 53 жаңы учуру катталып, үч адам көз жумду. Статистика

0
(жаңыланган 09:51 01.12.2021)
Өлкөдөгү ооруканаларда медициналык жардам алып жаткан 378 кишинин ичинен 30унун абалы өтө оор деп бааланды.

БИШКЕК, 1-дек. — Sputnik. Өткөн суткада Кыргызстанда 53 адамдан коронавирус табылып, 102 бейтап айыкты. Бул тууралуу Саламаттык сактоо министрлигинин маалымат кызматы кабарлады.

Жуктургандар:

  • Бишкек шаары – 18;
  • Чүй облусу – 10;
  • Ош облусу – 3;
  • Ысык-Көл облусу – 7;
  • Жалал-Абад облусу – 7;
  • Баткен облусу – 8.

Өлкөдө илдет илештиргендердин жалпы саны 183 404кө жетти. Анын ичинен 178 332 адам дартты жеңген.

Тилекке каршы, бир суткада Чүй облусунда үч адам коронавирустун курмандыгы болгон. Алардын вакцина албаганы айтылды. Муну менен жалпысынан 2 749 киши оорудан каза болду.

Азыркы тапта стационарда 378 бейтап, ал эми амбулатордук шартта 466 киши дарыланып жатат. Ооруканада медициналык жардам алып жаткандардын ичинен 30унун абалы өтө оор.

0
Белгилер:
Кыргызстан, коронавирус, статистика, бейтап, оору
Тема:
Кыргызстандагы коронавирус
Тема боюнча
Жугуштуу илдеттер ооруканасы COVID жуктургандарды кайра кабыл алмай болду
Кыргызстанга кирүүдө 1-декабрдан тарта ПЧР-тест талап кылынат