UFC мушкери Рафаэль Физиев. Архив

Эмоцияга алдырды. Валентина Шевченко Рафаэль Физиев тууралуу оюн айтты

3128
(жаңыланган 18:02 22.11.2021)
Физиев бир ай мурун Кыргызстандан кетери тууралуу билдирүү жасап, мындай кадамга барышына анын дин тутуу укугуна карата Кыргызстан муфтиятынын кийлигишүүсү себеп болгонун белгилеген. Бирок муфтият анын айткандарын негизсиз деген.

БИШКЕК, 22-ноя. — Sputnik. Кыргызстандык UFC мушкери Рафаэль Физиевдин Кыргызстандан кетип, өлкөнүн желегин мелдештерде көтөрүүдөн баш тартары тууралуу билдирүүсү боюнча Валентина Шевченко оюн айтты.

Шевченко Бишкектеги соода борборлордун биринде күйөрмандары менен кезигип, суроолоруна жооп берүүдө.

"Рафаэль жаш бала. Көп түйшүк тартып жатат десе болот. Күн сайын машыгат, балким, өзүн издеп жүрөт. UFC уюмунда күч сынашуу кыйын. Ар тараптан жоопкерчилик болгондо көп ойлоносуң. Айрым учурда жаштар ачууга алдырып жиберишет. Менимче, Рафаэль эмоцияга алдырып койду. Азыр ал, балким, өкүнүп жаткандыр", — деди кыргызстандык спортчу.

Ошондой Шевченко Физиев мекенден баш тарткан эмес деген пикирде экенин кошумчалады.

Эске салсак, Рафаэль Физиев бир ай мурун Кыргызстандан кетери тууралуу Instagram баракчасы аркылуу билдирүү жасап, мындай кадамга барышына анын дин тутуу укугуна карата Кыргызстан муфтиятынын кийлигишүүсү себеп болгонун белгилеген. Ал ошондой эле мындан ары Кыргызстандын желеги менен беттештерге чыгууну токтоторун айткан. Анткен менен муфтият мушкердин айтканын четке каккан болчу.

Кыргызстанда туулган 28 жаштагы Рафаэль Физиев UFC уюмунда беш таймаш өткөрүп, анын төртөөндө жеңген. Буга чейинки кармаштарында ал Кыргызстандын желегинин астында чыгып келген.

3128
Белгилер:
UFC, Валентина Шевченко
Тема боюнча
Шевченко: ар бир адам максат коюш керек, 60 жашта деле турмушка чыкса болот
Шевченко: Кыргызстанга келишимдин ЖК шайлоосуна байланышы жок
Валентина Шевченко Бишкектин кайсы жерине өзгөчө суктанарын айтты
Шевченко: эки жыл мурун алган дем-күч менен наамымды алты ирет коргодум. Видео
Кыргызстандык балбан Акжол Махмудов. Архив

Укмуш беттеш болот! Роман Власов Акжол Махмудов менен күрөшүү ниетин билдирди

50
(жаңыланган 10:36 07.12.2021)
Россиялык спортчу кыргыз балбаны өзүн мыкты экенин Токио Олимпиадасында көрсөтө алганын, аны менен беттешке даяр экенин билдирген.

БИШКЕК, 7-дек. — Sputnik. Грек-рим күрөшү боюнча эки жолку Олимпиада чемпиону россиялык спортчу Роман Власов кыргызстандык балбан Акжол Махмудов менен беттеши тууралуу суроолорго жооп берди. Анын маегин Gorilla Fighting Energy MMA өзүнүн Instagram баракчасына чыгарды.

Посмотреть эту публикацию в Instagram

Публикация от Gorilla Fighting Energy | MMA (@gorillafighting)

Власов кыргыз балбаны өзүнүн мыкты экенин Токио Олимпиадасында көрсөтө алган деп белгилеген.

"Акжол Махмудов менен беттеш тууралуу мага көптөр жазат. Ал чынында Олимпиаданын күмүш байгесин утуп, спортчу катары өзүнүн канчалык өсүп чыкканын көрсөтө алды. Күрөш сүйүүчүлөрү биздин килемдеги беттешибизге кызыгып жатат. Акжол менен катардагы мелдештерде кез келип калышыбыз мүмкүнбү, билбейм, же аны атайын уюштуруу керек. Эгерде келерки Олимпиада оюндарын (2024-жыл) күтсөк, анда кезикпей деле калышыбыз мүмкүн. Убакыт өтүп бара жатат. Мен ашып кетсе дагы 3-4 жыл күрөшө алам. Ал эми бул беттешти көпчүлүк күтүп жүрөт", — деген Власов.

Эскерте кетсек, эки спортчу тең грек-рим күрөшү боюнча эң күчтүү атаандаштык бар делген 77 килограмм салмактын балбандары.

31 жаштагы Роман Власов 2012-жылы Лондон жана 2016-жылы Рио олимпиада оюндарынын алтын байгесин уткан. Үч жолку дүйнө чемпиону.

Ал эми 22 жаштагы Акжол Махмудов Токио Олимпиадасынын, 2018-жылдагы Азия оюндарынын күмүш байгесинин ээси. 2018-жылдагы Азия чемпиону.

50
Белгилер:
Роман Власов, Акжол Махмудов, грек-рим күрөшү
Тема боюнча
Темир айым! Олимпиада чемпиону Роман Власов Айсулуу Тыныбековага суктанды
Токио Олимпиадасынын катышуучусу Бекдөөлөт Расулбеков. Архив

Бекдөөлөт Расулбеков баштаган оор атлетчилер дүйнө чемпионатында ат салышат

37
Мелдеш 7-декабрда башталып, 17-декабрда жыйынтыкталат. Кыргызстандык спортчулар учурда Өзбекстанда машыгуу сборунда жүрүшөт.

БИШКЕК, 7-дек. — Sputnik. Токио Олимпиадасынын катышуучусу Бекдөөлөт Расулбеков баштаган кыргызстандык спортчулар оор атлетика боюнча дүйнө чемпионатына катышат. Маалыматты өлкөнүн аталган спорт боюнча федерациясынын вице-президенти Уланбек Молдодосов тастыктады.

Мелдеш Өзбекстандын Ташкент шаарында 7-декабрда башталып, 17-декабрда жыйынтыкталат.

"Расулбеков 102 килограмм салмактагылар арасында А тайпасында финалдык бөлүктө таймашат. Ал 15-декабрда мелдешке чыгат. Мындан сырткары, Ишенбек Муратбек уулу менен Элзар Таиров В тайпада 67 килограмм салмакта ат салышат. Дагы эки лидер атлет Изат Артыков менен Эмил Молдодосовду да даярдаган болчубуз. Ал экөө машыгууда жаракат алып калганына байланыштуу мелдешке барбай калышты", — деген Молдодосов.

Ал ошондой эле учурда спортчулар Өзбекстанда машыгуу сборунда жүргөнүн кошумчалады.

37
Белгилер:
оор атлетика, дүйнө чемпионаты, Кыргызстан, Ташкент
Тема боюнча
Кыргызстандык парадзюдочулар Азия жана Океания ачык мелдешинде байге утушту
Депутат Асылбек Жээнбеков. Архив

Абакта отурган Жээнбеков менен Зулпукаровдун кандай байлыгы бар

0
(жаңыланган 11:21 07.12.2021)
Жээнбековдун турак жайынын аянты 1,5 миң чарчы метр, ал эми Зулпукаров 5 миллион сомдук автоунаага ээлик кылат.

БИШКЕК, 7-дек. — Sputnik. Мамлекеттик салык кызматы Жогорку Кеңештин депутаттарынын киреше-чыгашасы тууралуу тапшырган былтыркы декларациясын жарыялады. Анын ичинде Асылбек Жээнбеков менен Төрөбай Зулпукаров дагы бар.

Аталган эл өкүлдөрү үстүбүздөгү жылдын июнь айында "Кумтөр" долбоорун ишке ашырууда коррупцияга барган деген шек менен кармалып, учурда УКМКнын тергөө абагында.

Асылбек Жээнбеков

Экс-президенттин бир тууган иниси жана ЖКнын мурдагы төрагасы өткөн жылы 2 миллион 119,7 миң сом иштеп тапкан.

Ал төмөнкүдөй мал-мүлккө ээлик кылат:

  • Аянты 1,5 миң чарчы метрлик турак жай;
  • Аянты 3,5 чарчы метрди түзгөн толук бүтө элек курулуш объектиси;
  • Аянты 9,7 миң чарчы метрлик жогоруда белгиленгенден башка конструкция;
  • Ишенимдүү башкарууга өткөрүп берилген төрт чарба субъектиси: "Алтын-Көл" акционердик коому, Айдарова Г.К. жеке ишкердиги, "Бий-Мырза" деп аталган эки ЖЧК;
  • Жылкылары 1,25 миллион сомго бааланат;
  • Бодо малы — 1,1 миллион сом;
  • Майда жандыктары (кой, эчки) — 750 миң сом;
  • Акциясы — 210 миң сом;
  • Эмерек — 410 миң сом;
  • Тиричилик техникасы — 135 миң сом;
  • Сүрөт, аудио жана видеотехника — 170 миң сом;
  • Жогоруда белгиленгенден башка кыймылдуу мүлкү — 295 миң сом.

Асылбек Жээнбековдун жакын туугандары 2020-жылы 550 миң сом иштеп тапкан. Турак жай, айыл чарба багытындагы эмес жер тилке, башка конструкциялары бар экени жазылган, бирок аянты "0" деп турат. Ошондой эле аларга таандык Toyota Land Cruiser унаасы, 480 миң сомдук баалуу металлдар, 180 миң сомдук эмерек, 110 миң сомдук фото, аудио-видеотехника жана башка кыймылдуу мүлкү 120 миң сомго бааланган.

Төрөбай Зулпукаров

Депутат ЖК 6 созыва Торобай Зулпукаров от партии СДПК на заседании. Архивное фото
© Sputnik / Табылды Кадырбеков
Депутат Торобай Зулпукаров

Жогорку Кеңештин V чакырылышынын вице-спикери, учурдагы депутат былтыр 1,5 миллион сомдон ашыгыраак киреше чогулткан. Анын турак жайынын аянты 489,6 чарчы метрди түзөт. Үй алдындагы бакчасы жарым гектар, автоунаасы 5 миллион сом. Ал эми жакын туугандарынын автоунаасы 3,1 миллион сомго бааланат.

Кумтөр алтын кенин ишке киргизүүдө коррупцияга барган деген айып тагылып, бир нече учурдагы жана мурдагы чиновник, депутаттар кармалган. Кээ бирлери тергөө менен кызматташууга макул болгону үчүн сот тарабынан жүз миңдеген айып пул салынып абактан бошотулган. Ал эми экс-премьер-министрлер Жоомарт Оторбаев жана Темир Сариевдин баш коргоо чарасы сыртка чыкпоо шарты менен өзгөртүлдү. Жакында эле Жээнбеков менен Зулпукаровдун жана башка саясатчылардын абактагы мөөнөтү 30-январга чейин узартылды.

0
Белгилер:
Төрөбай Зулпукаров, Асылбек Жээнбеков, декларация, байлык, мүлк
Тема боюнча
Мал кармайт, үйү да, автоунаасы да жок. Талант Мамытовдун декларациясы