Дзюдо боюнча мелдеште спортчу. Архив

Кыргызстандык төрт дзюдочу БАЭдеги эл аралык мелдешке катышат

76
Балбандар Жаштар иши, дене тарбия жана спорт боюнча мамлекеттик агенттигине караштуу Спорттун олимпиадалык түрлөрү боюнча дирекциясы тарабынан турнирге жөнөтүлөт.

БИШКЕК, 23-ноя. — Sputnik. Дзюдо боюнча Кыргызстандын улуттук курама командасы Abu Dhabi Grand Slam эл аралык мелдешине катышат. Бул туурасында Жаштар иши, дене тарбия жана спорт боюнча мамлекеттик агенттиктин маалымат кызматы билдирди.

Мелдеш 24-28-ноябрь күндөрү Бириккен Араб Эмирлигинин Абу-Даби шаарында өтөт.

Аталган эл аралык ири турнирге улуттук команда төмөнкү курамда катышат:

  • Кубанычбек Айбек уулу (66 килограмм), спорт чебери;
  • Байбол Саламат уулу (66 килограмм), спорт чебери;
  • Эльтур Турдубаев (73 килограмм), спорт чебери;
  • Эрлан Шеров (90 килограмм), спорт чебери.

Кимоночон балбандарды башкы машыктыруучу Абдужалил Юнусов жетектеп барат.

Белгилей кетсек, курама команданын мүчөлөрү Жаштар иши, дене тарбия жана спорт боюнча мамлекеттик агенттикке караштуу Спорттун олимпиадалык түрлөрү боюнча дирекциясы тарабынан мелдешке жөнөтүлөт.

76
Белгилер:
Кыргызстан, дзюдо, эл аралык мелдеш, Бириккен Улуттар Уюму
Тема боюнча
Шевченко Нуньес менен үчүнчү кармашы тууралуу: ал менден өзү качып жаткандай
UFC чемпиону Пётр Янды уткан Нуржигит: колун кайрысам багынып берген
Тилек Машрапов ACA ММА лигасында тажикстандык мушкер менен таймашат
Дзюдочу. Архив

Кыргызстандык дзюдочу жаштар арасындагы Азия чемпионатында алтын байге утту

3
(жаңыланган 17:52 06.12.2021)
Кыргызстандык дзюдочулар жаштар арасындагы мелдеште бир алтын, эки күмүш байге алышкан. Федерация бул үчүн алардын жакындарына жана устаттарына ыраазычылык айтты.

БИШКЕК, 6-дек. — Sputnik. Кыргызстандык Анарбек Ишенбаев дзюдо боюнча жаштар арасында өткөн Азия жана Океания мелдешинде чемпион болуп, алтын медаль тагынды. Бул тууралуу өлкөнүн аталган спорт боюнча Улуттук федерациясынан билдиришти.

Мелдеш ушул күндөрү Ливандын Бейрут шаарында өтүп жатат.

90 килограмм салмакта ат салышкан кыргызстандык балбан чейрек финалдан тарта ат салышып, адегенде пакистандык спортчуну уткан. Жарым финалда казакстандык балбанды жеңген. Финалдык таймашта түштүк кореялык Ли Намхун менен кез келип мыктылыгын далилдеген.

Федерациядан кошумчалагандай, аталган мелдеште Ханболот Ырысбеков (60 килограмм) күмүш байге жана кыздар арасында Шахида Нармухамедова (78 килограмм) күмүш байгеге ээ болушту. Ал эми Муса Шабданбеков 60 килограмм салмактагы дзюдочулардын арасында коло медаль тагынган.

"Бүгүн бүтүндөй Кыргызстан силердин спорттук эрдигиңерди майрамдап жатат. Таза жана айыгышкан күрөштө силер жогорку чеберчиликти, бекем эркти жана күчтүүлүктү көрсөтө алдыңар", — деп айтылат билдирүүдө.

Федерация байгелүү орундарды ээлеген дзюдочулардын жакындарына жана машыктыруучуларына ыраазычылык айткан.

3
Белгилер:
дзюдо, жаштар, чемпионат, Кыргызстан
Тема боюнча
Кыргызстандык парадзюдочулар Азия жана Океания ачык мелдешинде байге утушту
Жеңил атлетика боюнча Кыргызстандын көп жолку чемпиону Нурсултан Кеңешбеков

Кеңешбеков: кыргызстандыктар марафондук жарышта Олимпиадада медаль ала алат

20
Жеңил атлетика боюнча Кыргызстандын көп жолку чемпиону Нурсултан Кеңешбеков келечекте ири марафондук жарыштарга катышуу ниети бар экендигин айтты.

Токио Олимпиадасы спорттук карьерамдагы эң чоң тажрыйба берген мелдеш болду. Мындай пикирин Нурсултан Кеңешбеков Sputnik Кыргызстан радиосунун эфиринде маек куруп жатып билдирди.

Кеңешбеков: кыргызстандыктар марафондук жарышта Олимпиадада медаль ала алат

Анын айтымында, кыргыз спортчулары жеңил атлетика боюнча марафондук жарышта Олимпиададан медаль алууга мүмкүнчүлүгү бар.

"Жеңил атлетика менен 2017-жылдан тарта алектене баштагам. Олимпиадага катышуу үчүн төрт жыл кызуу машыгып, жергиликтүү жана эл аралык мелдештерде күчүмдү сынап көрдүм. Олимпиадага жолдомо берүүчү турнир Алматы шаарында өтүп, 1 500 метрлик аралыкты рекорддук көрсөткүч менен жыйынтыктагам. Жалпы мелдештердеги чогулган упайлардын жыйынтыгы менен ири спорттук иш-чарага катыштым. Олимпиаданын деңгээли абдан жогору болгондуктан атаандаштык курч болду. Жеңил атлетиканын легендалары, дүйнө чемпиондору, Олимпиаданын жеңүүчүлөрүнүн арасында болуп, көп нерсе үйрөнө алдым. Бирок кыска жана орто аралыкка чуркоодо атаандаштык бийик болгону үчүн медаль утуу оор экен. Андыктан марафондук жарышта күчүмдү сынап көргүм келет", — деди Кеңешбеков.

Ошондой эле жөө күлүк Ысык-Көлдө заманбап машыгуу базасы курулса спортчулардын эл аралык мелдештерден ийгилик жаратуусуна шарт түзүлө тургандыгын кошумчалады.

20
Белгилер:
Нурсултан Кеңешбеков, жеңил атлетика, олимпиада
Тема боюнча
Сүйүнүчтүү кабар! Лыжачы Максим Гордеев кышкы Олимпиадага катышууга лицензия алды
Башкы прокурор Курманкул Зулушев. Архив

Кирешесинен чыгашасы көп. Баш прокурор Зулушевдин кандай мал-мүлкү бар

0
(жаңыланган 18:00 06.12.2021)
Баш прокурордун жакын туугандары былтыр 250 миң сом киреше тапса, чыгашасы 4,9 миллион сомго жеткен.

БИШКЕК, 6-дек. — Sputnik. Салык кызматы башкы прокурор Курманкул Зулушевдин мал-мүлкү тууралуу 2020-жылга карата тапшырган декларациясын жарыялады.

Документке ылайык, башкы прокурор бир жылда 750 722 сом иштеп тапкан, чыгашасы жазылган эмес. Ал Toyota (үлгүсү көрсөтүлгөн эмес) автоунаасына, 70 миң сомдук эмерек, 25 миң сомдук компьютер жана техникага ээлик кылат. Мындан сырткары, 250 миң сомго бааланган бодо малы, 700 миң сомдук жылкы, 1 650 000 сомдук таза кандуу аргымактары бар.

Ал эми жакын туугандары 2020-жылы 250 миң сом киреше чогулткан. Ошол эле учурда чыгашасы 4,9 миллион сомго жеткен. Алардын 119 чарчы метрлик турак жайы, аянты 8,1 гектар айыл чарба багытындагы жер тилкеси бар.

Белгилей кетсек, Курманкул Зулушев 2020-жылдын октябрь айына чейин Жогорку Кеңештин депутаты болуп иштеген.

0
Белгилер:
Курманкул Зулушев, мал, мүлк, декларация, Башкы прокурор, туугандар
Тема боюнча
Жер тилкеси 20дан ашып... Жээнбеков президент болгондон кийин канчалык байыган
Садыр Жапаров жана анын үй-бүлөсү кандай мал-мүлккө ээлик кылары жарыяланды