Dota 2 дисциплинасы боюнча ата мекендик Hydra командасыны

Чет өлкөдө ойногон киберспортчулар эми ата мекендик команданын атынан чыгышат

55
(жаңыланган 12:41 25.11.2021)
Команда жакында Dota Pro Circuit турниринин тандоо туруна катышат. Андан өткөндөр 2022-жылы боло турган масштабдуу The International турнирине катыша алат.

БИШКЕК, 25-ноя. — Sputnik. Dota 2 дисциплинасы боюнча чет өлкөдө ойногон кыргызстандык киберспортчулар эми ата мекендик Hydra командасынын атынан чыгып жатышат.

Уюмдан билдиришкендей, Кыргызстандын командасы The International 2022 турнирине даярдык көрүп жатат.

Киберспорттук уюмдун курамы ноябрдын башында бекитилип, ага беш оюнчу кирген. Алар:

  • Бакыт "W_Zayac" Эмилжанов (капитан);
  • Кыял "dream" Тайиров;
  • Руслан "Askold" Темиралиев;
  • Евгений "Blizzy" Ри;
  • Мирлан "Muka" Кожомбаев.

Белгилей кетсек, тырмакчада алардын оюндагы каймана ысымдары көрсөтүлгөн.

Эмилжанов менен Ри буга чейин кореялык NoLifers5, кийин украиналык NaVI командаларында ойношкон. Эмилжанов акыркы кездерде россиялык Virtus Pro жана Hellraisers командаларынын атынан чыгып жүргөн.

Ри Hydra командасына өтө элек кезде казакстандык Gambit Esports үчүн ойноп келген. Тайиров дагы ошол жакта болгон. Кожомбаев жана Темиралиев Россия менен Украинанын атынан чыгып жүрүшкөн.

Оюнчулар ноябрдын соңунда Dota Pro Circuit турниринин тандоо этабына катышат. Андан өткөндөр 2022-жылы боло турган масштабдуу The International турнирине катыша алат. Таймаш онлайн өтүп, байге фонду 280 миң долларды түзөт.

Команда турнирге тажрыйбалуу машыктыруучунун көзөмөлүндө даярдык көрөт.

Hydra — Кыргызстандагы биринчи киберспорттук уюм. Анын DOTA 2, CS:GO жана PUBG MOBILE деген үч командасы бар.

55
Белгилер:
Кыргызстан, киберспорт, Dota 2
Тема боюнча
Бишкекте киберспорттук мелдеш өтөт. Жеңүүчүлөр дүйнө чемпионатына катышат
Футбол боюнча Кыргызстандын улуттук командасынын коргоочусу Айзар Акматов. Архивдик сүрөт

Футболчу Айзар Акматов карьерасын Бангладеште улантмай болду

12
(жаңыланган 11:36 07.12.2021)
Футболчу улуттук команданын сабында ойноп, 2022-жылы өтүүчү дүйнө чемпионатына тандоо этабындагы оюнда дарбазачы болгон.

БИШКЕК, 7-дек. — Sputnik. Футбол боюнча Кыргызстандын улуттук командасынын коргоочусу Айзар Акматов карьерасын Бангладеште улантмай болду. Бул тууралуу оюнчунун мурдагы командасы, Бишкектин "Дордой" клубунун маалымат кызматы билдирди.

23 жаштагы коргоочу Бангладештин "Шейх Руссел" клубуна өтөт.

Акматов "Дордой" клубунун тарбиялануучусу болуп саналат. Ал команда менен 64 расмий беттеште ойноп, эки гол киргизген.

Футболчу Кыргызстандын улуттук командасынын курамында 2022-жылдагы Дүйнө чемпионатына тандоо турунда Монголия менен беттеште дарбазачы болгону менен да белгилүү. Оюн борборлоштурулган форматта Японияда өткөн. Анда команданын үч дарбазачысы тең COVID илдетине шектелип, беттешке чыгуусуна тыюу салынган. Ал матчта Кыргызстан 1:0 эсебинде утулган. Токиодогу үч беттештин жыйынтыгы менен улуттук команда кийинки этапка чыга албай калган. Эми 2023-жылы өтүүчү Азия кубогу мелдешине жолдомо алуу үчүн таймашын улантат.

Айзар Акматов "Шейх Русселде" 34-номерде ойнойт.

Эске салсак, аталган клубда өткөн сезондо улуттук команданын дагы бир футболчусу, жарым коргоочу Бахтияр Дүйшөбеков ойногон.

12
Белгилер:
Кыргызстан, Бангладеш, футбол, трансфер, Айзар Акматов
Тема боюнча
Кыргызстандык футболчу Шукуров "Неманда" ноябрдагы мыкты оюнчу болду
Футболчу Гүлжигит Алыкуловдун "баасы" бир миллион еврого чыкты
Кыргызстандык балбан Акжол Махмудов. Архив

Укмуш беттеш болот! Роман Власов Акжол Махмудов менен күрөшүү ниетин билдирди

87
(жаңыланган 10:36 07.12.2021)
Россиялык спортчу кыргыз балбаны өзүн мыкты экенин Токио Олимпиадасында көрсөтө алганын, аны менен беттешке даяр экенин билдирген.

БИШКЕК, 7-дек. — Sputnik. Грек-рим күрөшү боюнча эки жолку Олимпиада чемпиону россиялык спортчу Роман Власов кыргызстандык балбан Акжол Махмудов менен беттеши тууралуу суроолорго жооп берди. Анын маегин Gorilla Fighting Energy MMA өзүнүн Instagram баракчасына чыгарды.

Посмотреть эту публикацию в Instagram

Публикация от Gorilla Fighting Energy | MMA (@gorillafighting)

Власов кыргыз балбаны өзүнүн мыкты экенин Токио Олимпиадасында көрсөтө алган деп белгилеген.

"Акжол Махмудов менен беттеш тууралуу мага көптөр жазат. Ал чынында Олимпиаданын күмүш байгесин утуп, спортчу катары өзүнүн канчалык өсүп чыкканын көрсөтө алды. Күрөш сүйүүчүлөрү биздин килемдеги беттешибизге кызыгып жатат. Акжол менен катардагы мелдештерде кез келип калышыбыз мүмкүнбү, билбейм, же аны атайын уюштуруу керек. Эгерде келерки Олимпиада оюндарын (2024-жыл) күтсөк, анда кезикпей деле калышыбыз мүмкүн. Убакыт өтүп бара жатат. Мен ашып кетсе дагы 3-4 жыл күрөшө алам. Ал эми бул беттешти көпчүлүк күтүп жүрөт", — деген Власов.

Эскерте кетсек, эки спортчу тең грек-рим күрөшү боюнча эң күчтүү атаандаштык бар делген 77 килограмм салмактын балбандары.

31 жаштагы Роман Власов 2012-жылы Лондон жана 2016-жылы Рио олимпиада оюндарынын алтын байгесин уткан. Үч жолку дүйнө чемпиону.

Ал эми 22 жаштагы Акжол Махмудов Токио Олимпиадасынын, 2018-жылдагы Азия оюндарынын күмүш байгесинин ээси. 2018-жылдагы Азия чемпиону.

87
Белгилер:
Роман Власов, Акжол Махмудов, грек-рим күрөшү
Тема боюнча
Темир айым! Олимпиада чемпиону Роман Власов Айсулуу Тыныбековага суктанды
Кытай грантынын эсебинен жол боюнча үч ири долбоору

Бишкек мэриясы Кытай грантынын эсебинен жол боюнча ири долбоор сунуштады

8
(жаңыланган 12:12 07.12.2021)
Келерки жылы Кытайдын жардамы менен Бишкектеги жолдорду куруу жана оңдоо боюнча кезектеги фазаны ишке ашыруу пландалып жатат.

БИШКЕК, 7-дек. — Sputnik. Бишкек мэриясы Кытай грантынын эсебинен жол боюнча үч ири долбоорду ишке ашырууну сунуштады.

Мэр города Бишкек Айбек Джунушалиев ознакомился с проектами, которые находятся на рассмотрении для третьей фазы дорожного проекта за счет гранта КНР. 07 декабря 2021 года
© пресс-служба мэрии города Бишкек Улукбек Шамбетов
Бишкек мэриясы Кытай грантынын эсебинен жол боюнча үч ири долбоорду ишке ашырууну сунуштады

Муниципалитеттин маалымат кызматы 2022-жылы "Бишкек шаарынын ички жол тармактарын өнүктүрүү" долбоорунун үчүнчү фазасын баштоо пландалып жатканын эске салды.

Мэрия сунуштаган долбоорлор:

  • Лев Толстой — Фучик — Садырбаев (Бах) көчөлөрүнүн кесилишинде эки деңгээлдүү автотранспорттук жол курулуп, Фучик көчөсү узартылат. Ошондой эле Бахтын Лев Толстойдон Гагаринге чейинки бөлүгү оңдолот;
  • Лев Толстой менен Жаш гвардия проспектисиндеги транспорттук түйүн проспектиден Матыев көчөсүнө чейин узартылат. Ошондой эле Чапаев көчөсүнө Ала-Арча дарыясы аркылуу өткөн көпүрө курулат;
  • Темир жол аркылуу Сүйүнбаев жана Төрөкул Айтматов көчөлөрүнө Лев Толстойго чыккан жол үстүндөгү көпүрөлөрдү куруу;
  • Кийин Кара-Дарыя көчөсүнүн Лев Толстойдон Медеровго чейинки бөлүгүн узартууга мүмкүнчүлүк жаралары айтылды.

Учурда долбоор алдындагы иштер жана алдын ала эсептөөлөр жүргүзүлүүдө.

8
Белгилер:
Бишкек, Кытай, грант, жол оңдоо, куруу, көпүрө, мэрия, долбоор, план
Тема боюнча
Бишкектин 23 жерине жол чырак коюлду. Даректери
Бишкек мэриясы жаңы жылдык кечеден баш тартып, акчасын кайрымдуулукка жумшайт
Мэрия: быйыл Жаңы жылдын түнүндө салют атылбайт