Кыргызстандык футболчу Гүлжигит Алыкулов. Архив

Кыргыз балам! "Кайраттын" экс-насаатчысы Гүлжигит Алыкуловду куттуктады

857
(жаңыланган 12:56 25.11.2021)
Устат футболчуга арнаган постуна Гүлжигит экөөнүн голду майрамдап турган эмоциялуу сүрөтүн койгон. Бул өзүнчө урмат-сый катары бааланууда.

БИШКЕК, 25-ноя. — Sputnik. "Кайрат" футбол клубунун мурдагы машыктыруучусу Алексей Шпилевский кыргызстандык футболчу Гүлжигит Алыкуловду туулган күнү менен куттуктап, "менин сүйкүмдүү кыргыз балам" деп атады. Казакстандык команданын экс-насаатчысы куттуктоо сөзүн өзүнүн Instagram баракчасынын stories бөлүмүнө жазды. 

Устат постуна Гүлжигит экөөнүн голду майрамдап турган эмоциялуу сүрөтүн койгон.

"Сүйкүмдүү кыргыз балакайым. Мен сени туулган күнүң менен чын дилимден куттуктайм! Сага бекем ден соолук. Сүйүктүү оюнуңда чыдамкайлык жана кумарлануу. Кыса кучактайм. Сенин А.Н.Шпилевскийиң", — деген ал.

Бул устаттын шакиртине көрсөткөн өзүнчө урмат-сыйы катары бааланууда.

Шпилевский менен Алыкулов 2000-жылы "Кайрат" клубун 16 жылдык ийгиликсиз оюндардан соң өлкөнүн чемпиондук тагына чыгарган.

Эскерте кетсек, бүгүн, 25-ноябрда, Кыргызстандын футбол боюнча курама командасынын жарым коргоочусу Гүлжигит Алкыкулов туулган күнүн белгилеп жатат.

Оюнчуну туулган күнү менен Кыргызстандын Футболдук союзу да куттуктап, чың ден соолук жана ийгилик каалаган.

Посмотреть эту публикацию в Instagram

Публикация от The Kyrgyz Football Union (@kfu_kg)

Футболчу 2000-жылдын 25-октябрында Жалал-Абад облусунун Токтогул районунда туулган.

Гүлжигит Алыкулов 2019-жылдан бери Казакстандын "Кайрат" клубунда ойноп келет. Буга чейин ал Беларустун "Неман" командасынын намысын коргогон. 2019-жылы "Кыргызстандын мыкты футболчусу" наамына татыган.

857
Белгилер:
Гүлжигит Алыкулов, футболчу, туулган күн, куттуктоо, Алексей Шпилевский
Тема боюнча
АФК президенти менен кыргыз футболун өнүктүрүү талкууланды
Темир айым! Олимпиада чемпиону Роман Власов Айсулуу Тыныбековага суктанды
Футбол боюнча Кыргызстандын улуттук командасынын коргоочусу Айзар Акматов. Архивдик сүрөт

Футболчу Айзар Акматов карьерасын Бангладеште улантмай болду

13
(жаңыланган 11:36 07.12.2021)
Футболчу улуттук команданын сабында ойноп, 2022-жылы өтүүчү дүйнө чемпионатына тандоо этабындагы оюнда дарбазачы болгон.

БИШКЕК, 7-дек. — Sputnik. Футбол боюнча Кыргызстандын улуттук командасынын коргоочусу Айзар Акматов карьерасын Бангладеште улантмай болду. Бул тууралуу оюнчунун мурдагы командасы, Бишкектин "Дордой" клубунун маалымат кызматы билдирди.

23 жаштагы коргоочу Бангладештин "Шейх Руссел" клубуна өтөт.

Акматов "Дордой" клубунун тарбиялануучусу болуп саналат. Ал команда менен 64 расмий беттеште ойноп, эки гол киргизген.

Футболчу Кыргызстандын улуттук командасынын курамында 2022-жылдагы Дүйнө чемпионатына тандоо турунда Монголия менен беттеште дарбазачы болгону менен да белгилүү. Оюн борборлоштурулган форматта Японияда өткөн. Анда команданын үч дарбазачысы тең COVID илдетине шектелип, беттешке чыгуусуна тыюу салынган. Ал матчта Кыргызстан 1:0 эсебинде утулган. Токиодогу үч беттештин жыйынтыгы менен улуттук команда кийинки этапка чыга албай калган. Эми 2023-жылы өтүүчү Азия кубогу мелдешине жолдомо алуу үчүн таймашын улантат.

Айзар Акматов "Шейх Русселде" 34-номерде ойнойт.

Эске салсак, аталган клубда өткөн сезондо улуттук команданын дагы бир футболчусу, жарым коргоочу Бахтияр Дүйшөбеков ойногон.

13
Белгилер:
Кыргызстан, Бангладеш, футбол, трансфер, Айзар Акматов
Тема боюнча
Кыргызстандык футболчу Шукуров "Неманда" ноябрдагы мыкты оюнчу болду
Футболчу Гүлжигит Алыкуловдун "баасы" бир миллион еврого чыкты
Кыргызстандык балбан Акжол Махмудов. Архив

Укмуш беттеш болот! Роман Власов Акжол Махмудов менен күрөшүү ниетин билдирди

95
(жаңыланган 10:36 07.12.2021)
Россиялык спортчу кыргыз балбаны өзүн мыкты экенин Токио Олимпиадасында көрсөтө алганын, аны менен беттешке даяр экенин билдирген.

БИШКЕК, 7-дек. — Sputnik. Грек-рим күрөшү боюнча эки жолку Олимпиада чемпиону россиялык спортчу Роман Власов кыргызстандык балбан Акжол Махмудов менен беттеши тууралуу суроолорго жооп берди. Анын маегин Gorilla Fighting Energy MMA өзүнүн Instagram баракчасына чыгарды.

Посмотреть эту публикацию в Instagram

Публикация от Gorilla Fighting Energy | MMA (@gorillafighting)

Власов кыргыз балбаны өзүнүн мыкты экенин Токио Олимпиадасында көрсөтө алган деп белгилеген.

"Акжол Махмудов менен беттеш тууралуу мага көптөр жазат. Ал чынында Олимпиаданын күмүш байгесин утуп, спортчу катары өзүнүн канчалык өсүп чыкканын көрсөтө алды. Күрөш сүйүүчүлөрү биздин килемдеги беттешибизге кызыгып жатат. Акжол менен катардагы мелдештерде кез келип калышыбыз мүмкүнбү, билбейм, же аны атайын уюштуруу керек. Эгерде келерки Олимпиада оюндарын (2024-жыл) күтсөк, анда кезикпей деле калышыбыз мүмкүн. Убакыт өтүп бара жатат. Мен ашып кетсе дагы 3-4 жыл күрөшө алам. Ал эми бул беттешти көпчүлүк күтүп жүрөт", — деген Власов.

Эскерте кетсек, эки спортчу тең грек-рим күрөшү боюнча эң күчтүү атаандаштык бар делген 77 килограмм салмактын балбандары.

31 жаштагы Роман Власов 2012-жылы Лондон жана 2016-жылы Рио олимпиада оюндарынын алтын байгесин уткан. Үч жолку дүйнө чемпиону.

Ал эми 22 жаштагы Акжол Махмудов Токио Олимпиадасынын, 2018-жылдагы Азия оюндарынын күмүш байгесинин ээси. 2018-жылдагы Азия чемпиону.

95
Белгилер:
Роман Власов, Акжол Махмудов, грек-рим күрөшү
Тема боюнча
Темир айым! Олимпиада чемпиону Роман Власов Айсулуу Тыныбековага суктанды
Кытай грантынын эсебинен жол боюнча үч ири долбоору

Бишкек мэриясы Кытай грантынын эсебинен жол боюнча ири долбоор сунуштады

27
(жаңыланган 12:12 07.12.2021)
Келерки жылы Кытайдын жардамы менен Бишкектеги жолдорду куруу жана оңдоо боюнча кезектеги фазаны ишке ашыруу пландалып жатат.

БИШКЕК, 7-дек. — Sputnik. Бишкек мэриясы Кытай грантынын эсебинен жол боюнча үч ири долбоорду ишке ашырууну сунуштады.

Мэр города Бишкек Айбек Джунушалиев ознакомился с проектами, которые находятся на рассмотрении для третьей фазы дорожного проекта за счет гранта КНР. 07 декабря 2021 года
© пресс-служба мэрии города Бишкек Улукбек Шамбетов
Бишкек мэриясы Кытай грантынын эсебинен жол боюнча үч ири долбоорду ишке ашырууну сунуштады

Муниципалитеттин маалымат кызматы 2022-жылы "Бишкек шаарынын ички жол тармактарын өнүктүрүү" долбоорунун үчүнчү фазасын баштоо пландалып жатканын эске салды.

Мэрия сунуштаган долбоорлор:

  • Лев Толстой — Фучик — Садырбаев (Бах) көчөлөрүнүн кесилишинде эки деңгээлдүү автотранспорттук жол курулуп, Фучик көчөсү узартылат. Ошондой эле Бахтын Лев Толстойдон Гагаринге чейинки бөлүгү оңдолот;
  • Лев Толстой менен Жаш гвардия проспектисиндеги транспорттук түйүн проспектиден Матыев көчөсүнө чейин узартылат. Ошондой эле Чапаев көчөсүнө Ала-Арча дарыясы аркылуу өткөн көпүрө курулат;
  • Темир жол аркылуу Сүйүнбаев жана Төрөкул Айтматов көчөлөрүнө Лев Толстойго чыккан жол үстүндөгү көпүрөлөрдү куруу;
  • Кийин Кара-Дарыя көчөсүнүн Лев Толстойдон Медеровго чейинки бөлүгүн узартууга мүмкүнчүлүк жаралары айтылды.

Учурда долбоор алдындагы иштер жана алдын ала эсептөөлөр жүргүзүлүүдө.

27
Белгилер:
Бишкек, Кытай, грант, жол оңдоо, куруу, көпүрө, мэрия, долбоор, план
Тема боюнча
Бишкектин 23 жерине жол чырак коюлду. Даректери
Бишкек мэриясы жаңы жылдык кечеден баш тартып, акчасын кайрымдуулукка жумшайт
Мэрия: быйыл Жаңы жылдын түнүндө салют атылбайт