Хоккей боюнча Кыргызстандын курама командасы. Архив

Кыргызстан 2022-жылы хоккей боюнча дүйнө чемпионатын өткөрөт

859
(жаңыланган 15:55 25.11.2021)
Чемпионат учурунда Эл аралык хоккей федерациясынын кеңешинин үчүнчү отуруму да Кыргызстанда өтө тургандыгы айтылды.

БИШКЕК, 25-ноя. — Sputnik. Кыргызстанда 2022-жылы хоккей боюнча дүйнө чемпионаты өтөт. Бул туурасында Эл аралык хоккей федерациясынын вице-президенти Айваз Оморканов маданият, маалымат, спорт жана жаштар саясаты министри Азамат Жаманкулов менен болгон жолугушууда айтканын министрликтин маалымат кызматы билдирди.

Айваз Оморканов 2022-жылы март айында Кыргызстандын тарыхында алгачкы жолу хоккей боюнча дүйнө чемпионаты өтө тургандыгын маалымдады. Ал, мындан сырткары, чемпионат учурунда Эл аралык хоккей федерациясынын кеңешинин үчүнчү отуруму Кыргызстанда өтө тургандыгын билдирди. Ага белгилүү француз хоккейчиси Люк Тардиф сындуу хоккей оюнчулары келерин белгиледи.

КФС президенти Медербек Сыдыков АФК президенти шейх Салман бин Ибрагим аль-Халифа менен жолукту, Манама шаары (Бахрейн)
© Фото / пресс-служба Кыргызского футбольного союза
Өз кезегинде министр Кыргызстанда өтө турган чемпионаттын масштабдуулугун жана өлкөнүн мүмкүнчүлүгүн эске алуу менен аны жогорку деңгээлде уюштуруу боюнча иштерди колго ала тургандыгын белгиледи.

Мындан сырткары, Кыргызстанда хоккейди өнүктүрүү боюнча Эл аралык хоккей федерациясы менен иш алып барууга кызыкдар экендигин маалымдап, спорт коомчулугунун долбоорлорун ар тараптан колдой тургандыгын белгиледи.

Эске салсак, буга чейин Кыргызстандын Хоккей федерациясынын президенти Анвар Оморканов Sputnik Кыргызстан радиосунун эфиринде маек куруп жатып 2022-жылдын март айында Бишкекте хоккей боюнча IV дивизиондогу дүйнө чемпионаты өтөрүн айткан.

859
Белгилер:
Азамат Жаманкулов, Айваз Оморканов, хоккей, дүйнө чемпионаты, жолугушуу, Анвар Ормоканов
Тема боюнча
Оморканов: жер маселеси чечилсе хоккей аренасы курулат
Франциялык ПСЖ футбол клубу жана Аргентинанын чабуулчусу Лионель Месси жетинчи ирет Алтын топ сыйлыгын алды

Рекорд! Лионель Месси жетинчи ирет "Алтын топ" сыйлыгына татыды

12
(жаңыланган 10:12 30.11.2021)
Акыркы 10 жылда футболдо Мессиге негизги атаандаш катары саналып келген Криштиану Роналду бул ирет алдыңкы бештикке да кирген эмес.

БИШКЕК, 30-ноя. — Sputnik. Франциялык ПСЖ футбол клубу жана Аргентинанын чабуулчусу Лионель Месси жетинчи ирет "Алтын топ" сыйлыгын алды.

Бул - футбол тарыхындагы рекорддук көрсөткүч. Буга чейин бир да оюнчу футболдогу эң престиждүү сыйлыкка жети жолу татыган эмес.

Европадагы эң мыкты футболчуга берилүүчү "Алтын топту" тапшыруу аземи Париждеги "Шатле" театрында өттү. Добуш берүүнүн жыйынтыгы менен экинчи орунду "Бавария" клубунун польшалык оюнчусу Роберт Левандовский ээледи. "Челси" жана Италия курама командасынын футболчусу Жоржиньо үчүнчүгө илинди.

Акыркы 10 жылда Мессиге негизги атаандаш катары саналып келген Криштиану Роналду бул ирет алдыңкы бештикке да кирген эмес.

Месси акыркы сезондо Испаниянын "Барселона" командасынын сабында жана Аргентина курамасы менен 47 оюнга чыгып, 38 гол киргизген. Июль айында Америка кубогу мелдешинде чемпион болгон. Бул анын улуттук команда менен уткан экинчи ири мелдеши. 2008-жылы футболчу олимпиада чемпиону болгон.

Жайында Месси каталондук клубдан кетип, франциялык ПСЖ командасынын сабына кошулган.

Аргентиналык оюнчу "Алтын топ" сыйлыгын буга чейин 2009, 2010, 2011, 2012, 2015, 2019-жылдары алган. 2020-жылы пандемияга байланыштуу айрым өлкөлөрдө чемпионаттар аягына чейин ойнолбогондуктан, бул абройлуу сыйлык берилбей калган эле.

Месси бул жарышта сыйлыкка төрт ирет удаасы менен татыган, эң көбү - алты жана жети жолу уткан уникалдуу рекорддору менен өзгөчөлөнөт.

"Алтын топ" сыйлыгы 1956-жылы France Football журналы тарабынан Европанын эң мыкты футболчусуна берилүүчү сыйлык катары негизделген (спорттук журналисттердин пикиринин негизинде).

2010-жылы ФИФА менен France Football "Алтын топ" жана "ФИФАнын жылдын мыкты оюнчусу" сыйлыктары бириктирилип бериле баштаган. Мында жеңүүчү клубдардын капитандары жана улуттук командалардын машыктыруучуларынын добуш берүүсү менен аныкталган.

2016-жылдын сентябрь айында France Football аталган сыйлыкты өз алдынча бере баштаганын жар салган болчу.

12
Белгилер:
Лионель Месси, Алтын топ, сыйлык, футбол
Тема боюнча
Месси Пеледен ашып өтүп Түштүк Америка континентинин бомбардири болду
Мессинин буту сынып кала жаздады... Оюндагы опурталдуу учурдун видеосу
Көркөм гимнастика федерациясынын президенти Назира Айдарова

Айдарова: Бишкекте көркөм гимнастика боюнча биринчи фестиваль өтөт

272
Көркөм гимнастика федерациясынын президенти Назира Айдарова 9-декабрда Токтогул Сатылганов атындагы Кыргыз улуттук филармониясында "Мурас" аталышындагы биринчи көркөм гимнастика фестивалы өтөрүн айтты.

Иш-чара Кыргызстан менен Россиянын эриш-аркак жылынын алкагында уюштурулуп, контемпорари, ушу, цирк артисттери, хореографиялык окуу жайдын бийчилери, чирлидерлердин (спорттук иш-чаралардагы бийчи күйөрмандар) катышуусунда өтөт. Мындай маалыматты Назира Айдарова Sputnik Кыргызстан радиосунун эфиринде маек куруп жатып билдирди.

Айдарова: Бишкекте көркөм гимнастика боюнча биринчи фестиваль өтөт

Анын айтымында, фестивалга россиялык белгилүү гимнаст, дүйнө чемпиону Екатерина Селезнёва, аялдар күрөшү боюнча Токио Олимпиадасынын коло медалынын ээси Мээрим Жуманазарова да катышат.

"2017-жылы биздин гимнасттарды олимпиада чемпиону Алина Кабаева Москвада өткөн өзүнүн фестивалына чакырган. 15 кыз тандоодон өтүп, барып келишкен. Ушундан улам Бишкекте чоң программадагы көркөм гимнастика боюнча фестиваль уюштуруу демилгеси пайда болгон. Ушул жылдын 9-декабрында Токтогул Сатылганов атындагы Улуттук филармонияда россиялык Эльдар Сайфутдиновдун режиссёрлугу алдында өтөт. Иш-чара Кыргызстан менен Россиянын эриш-аркак жылынын алкагында уюштурулууда. Фестивалга жеке гана гимнасттар катышпастан контемпорари, ушу, цирк артисттери, хореографиялык окуу жайдын бийчилери, чирлидерлер да программаларын тартуулашат ", — деди Айдарова.

Ошондой эле жетекчи "Манас" эпосунун негизинде сахналаштырылган атайын программа даярдалып жаткандыгын кошумчалады.

272
Белгилер:
Назира Айдарова, көркөм гимнастика, фестиваль, мурас
Тема боюнча
Муз үстүндө чимирилип, абада айланган спортчулар. Японияда тартылган сүрөттөр