Адам өмүрүн алган Аксыдагы сел

2021-жылдын 12-июлунда кечке маал Аксы районунун Ак-Жол жана Жаңы-Жол айыл аймактарын бириктирген жайлоодон түшкөн сел сегиз адамды алып кетти. Алардын алтоо жаш балдар. Жолборсту (Ак-Жол) айылынын Алты-Айры жайлоосунда агызып кеткен турак жайдагы жети киши бир үй-бүлө мүчөлөрү болгон. Таштак айылында (Жаңы-Жол) суу жээгинде ойноп жүргөн беш жаштагы баланы да агызып кеткен.