Чүй облусунда атайын кызмат согушкерди кармады

Sputnik маалымат агенттигине 2-октябрда Кара-Жыгач айылында (мурдагы аты – "Ала-Тоо" совхозу) ок атылгандыгы туурасында маалымат келип түшкөн. Ал эми агенттик жергиликтүү эл менен байланышканда алар атылган октун үндөрүн угушкандыгын, укук коргоо органдарынын кызматкерлери жүргөндүгүн айтышкан. Бир нече сааттан кийин Улуттук коопсуздук кызматы эл аралык террористтик топтун мүчөсү делген киши кармалгандыгын кабарлаган. Ал Кыргызстан аймагында бир нече жардырууларды пландагандыгын мойнуна алган.