Кыргызстан жардам берүү боюнча АКШ менен түзүлгөн макулдашууну жокко чыгарды

Премьер-министр Темир Сариев дүйшөмбү күнү АКШ менен 1993-жылдын 19-майында Вашингтондо кол коюлган жардам берүү боюнча макулдашууну жокко чыгарган токтомго кол койгон.

Макулдашууга ылайык, Кыргызстанга киргизилген же андан чыгарылган бардык менчик түрүн салык жана башка төлөмдөрдөн бошотууу жана КР аймагында кызмат кылган АКШнын жарандык жана аскер персоналына өзгөчө статус ыйгарылып келген.  Кыргыз өкмөтүнүн мындай кадамга барышына АКШнын мамлекеттик департаменти Кыргызстанда оор кылмыш үчүн айыпталган Азимжан Аскаровго "Адам укугун коргоочу" наамын бериши себеп болгон.