Инспектордун куралынан ок жеген айдоочунун өлүмү

27-август күнү кечинде 32 жаштагы Чыңгыз Абдыраев аттуу жаран Кайгуул кызматынын инспекторунун куралынан каза тапкан. Милиция айдоочу мушташ чыгарып, инспектордун куралын алууга аракет кылганын айтууда. Ал эми маркумдун жакындары ал айтыша кеткен үчүн гана милиция кызматкери ок чыгарды деп жатат. Аталган факт боюнча КР Жазык кодексинин 321-беренесине ("Бийликтен аша чаап колдонуу") ылайык кылмыш иши козголуп, шектүү катары кенже инспектор тергөө абагына киргизилди.