Орхан Инандынын Бишкекте жоголушу

"Сапат" эл аралык билим берүү мекемесинин президенти Орхан Инанды Бишкекте 1-июнда жоголгон. Анын эшиги ачык бойдон калган автоунаасы Малдыбаев көчөсүнөн табылган. Бул маалыматтан кийин президент Садыр Жапаров аны издөө боюнча УКМК менен ИИМге кошумча күч тартууну тапшырган.
Инанды Кыргызстанда 1995-жылдан бери иштейт. 2012-жылдан тарта ал Кыргызстандын ардактуу жараны. Билим берүүгө кошкон салымы үчүн бир нече наам, медалдар менен сыйланган.