Башкы прокурор Аида Салянованын отставкасы

Аида Салянова отставкага кетет экен деген маалымат 2014-жылдын аягында эле чыга баштаган. Бирок, президент Алмазбек Атамбаев жыл жыйынтыгы боюнча берген маалымат жыйынында башкы прокурор отставкага кетпестигин, ал болгону эмгек өргүүсүнө чыкканын айткан. Анткен менен, 20-январда Башкы прокурор ээлеген кызматынан кетүү боюнча арызын бергенин президенттин аппаратынан билдиришкен. 21-январда Жогорку Кеңештин жалпы жыйынында депутаттар Аида Салянованын арызын канааттандырды.