(1:03 / 6.48Mb / )

Атамбаев: эң негизгиси, өз жолубузду таап алдык

66
(жаңыланган 09:38 08.04.2015)
Президент Алмазбек Атамбаев 2015-жылдын 7-апрелинде Бишкек шаарынын "Ала-Тоо" борбордук аянтында өткөрүлгөн Апрель элдик революциясынын беш жылдыгына арналган расмий иш-чарага катышты.

Мамлекет башчысы 7-апрель кайгылуу, бирок маанилүү күн болгондугун, ал унутулбай тургандыгын айтты. Андан сырткары, алдыдагы шайлоолор ийгиликтүү болоруна ишенерин билдирди. 

"Беш жыл мурда, 2010-жылдын 7-апрелинде өлкөбүздүн тарыхындагы эң кайгылуу, бирок ошол эле убакта эң маанилүү окуялардын бири болгон. Мен ишенем, канча мезгил өтсө да бул окуя унутулбайт. Элибизде "көч бара-бара түзөлөт" деген сөз бар. Эң негизгиси, өз жолубузду таап алдык. Ошол жолду элибизге 7-апрель ачып берди. Элибиз быйыл мыкты парламентти, эки жарым жылдан кийин мыкты жаңы президентти шайлайт деп ишенем. Бир эле нерсени, 7-апрелди, апрель шейиттерин унутпасак", — деди Атамбаев.

2002-жылы Аксы окуяларында жана 2010-жылдын Апрель окуяларында Бишкек шаарынын «Ала-Тоо» аянтында элдин эркиндиги үчүн курман болгондордун жаркын элесине арналып тургузулган монументке президент Атамбаев, экс-президент Роза Отунбаева, Жогорку Кеңештин төрагасы Асылбек Жээнбеков, премьер-министр Жоомарт Оторбаев жана Жогорку соттун төрайымы Феруза Жамашева гүлчамбар коюшту.

66
Белгилер:
Алмазбек Атамбаев, Апрель окуялары
Тема:
Апрель окуялары. Беш жылдан кийин (11)
Тема боюнча
Митингге чыккандар Ак үйдү алууга аракет кылууда. Архивдик кадрлар
Максим Бакиевдин үйүндө чыккан өрт. Архивдик кадр

Аябай бактылуу болуп турам! Акаевдин сурактан чыккандан кийинки маеги видеодо

217
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

217
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!

Аскар Акаев УКМКдан чыкты. Видео

785
(жаңыланган 20:09 02.08.2021)
2-августта КРдин мурдагы президенти Аскар Акаев Бишкекке учуп келген. Аны Улуттук коопсуздук боюнча мамлекеттик комитетке алып келишкен.

"Кумтөр" долбоорунун иши боюнча Кыргызстандын тунгуч президенти Аскар Акаевге коррупция беренеси менен издөө жарыяланган.

Тагыраагы, ушул жылдын 8-июлунда УКМКнын төрагасы Камчыбек Ташиев "Кумтөр" долбоорун ишке ашыруудагы коррупциялык фактылар боюнча изделип жаткандардын арасында Акаевдин дагы бар экенин айткан.

785
Белгилер:
Аскар Акаев, Кыргызстан, УКМК, Кумтөр, сурак
Тема боюнча
Аскар Акаев Кыргызстанга келди: азыр эмне болуп жатат. Тексттик баяндама
Акаев учактан түшүп келе жаткан сүрөт. "Манас" аэропортундагы бүгүнкү ирмем
Сотрудники полиции на улице Москвы.

Россияда кыргызстандыктар массалык түрдө текшерилип жатабы? Расмий жооп

0
(жаңыланган 13:48 03.08.2021)
Буга чейин Россиянын Москва шаарында 180дей мигрант мушташкан. Бул боюнча жалпысынан 102 адам кармалса, анын 71и кыргызстандыктар болгон.

БИШКЕК, 3-авг. – Sputnik. Кыргызстандын Россиядагы элчилиги социалдык тармактардагы "кыргызстандыктарды РФте массалык түрдө текшерип жатышат" деген билдирүүлөр боюнча түшүндүрмө берди.

"Учурда Россиянын компетенттүү органдары "Кузьминки" метросунда болгон окуяга катыштыгы болушу мүмкүн делген чет элдиктерди издөөсүн улантууда. Россиянын укук коргоо органдарынын бул аракеттери өлкө аймагында тартипти орнотуу жана коопсуздукту камсыздоого багытталган", — дешти элчиликтен.

Ошондой эле дипломатиялык өкүлчүлүк 15-июндагы Россия президентинин коронавирус инфекциясынын жайылып кетишин алдын алуу боюнча жарлыгына ылайык, чет элдиктерди же жарандыгы жок адамдарды текшерүү иштери дагы болуп жатканын кошумчалады. Маалыматка караганда, бул текшерүүлөрдүн жыйынтыгында жаранды өлкөдөн чыгарып салуу жолу каралган эмес.

Буга чейин Россиядагы телеканалдардын бири Москвада 180дей мигранттын мушташын көрсөткөн. Анда 11-июлда Химкиде тажик мигранттары эки кыргызстандыкты бычактаганы айтылган. Мындан улам тирешүү башталып, шаардагы "Кузьминки" метростанциясында массалык мушташ чыккан. Урушта жалпысынан 102 адам кармалса, анын 71и кыргызстандык болгон.

0
Белгилер:
Кыргызстан, Россия, жаран, текшерүү, элчилик