(1:05 / 6.46Mb / )

Болочок офицерлер Эгемендик күнүнө карата мамлекеттик гимнди аткарышты

135
(жаңыланган 12:21 31.08.2015)
Куралдуу күчтөрдүн СССР Баатыры, генерал-лейтенант Калыйнур Үсөнбеков атындагы Аскер институтунун курсанттары Кыргыз Республикасынын гимнин аткарышты.

Институттун жеке курам менен иштөө боюнча жетекчисинин орун басары Мусажан Урустемовдун айтымында, гимнди жалпы аткаруунун тарбиялык мааниси күч.

"Бул келечектеги офицерлерге кайрат-дем берип, атуулдук сезимин арттырат. Эгемендик күнүндө биз бардык кыргызстандыктарга өнүгүү жана ачык асман каалайбыз", — деди Урустемов.

Гимнди 200дөн ашуун курсант аткарган. Аталган иш-чараны кафедра башчысы полковник Нурбек Рыскулов, жеке курам менен иштөө боюнча жетекчинин орун басары, ага лейтенаттар Максат Тукуев жана Темирмалик Хасановдор уюштурганы белгилүү болду.

Эгемендик күнүн кайда, кантип майрамдаса болорун Sputnik инфографикасында көрө аласыздар>>  

КРдин Көз карандысыздык күнүнө арналган майрамдык салтанаттар
КРдин Көз карандысыздык күнүнө арналган майрамдык салтанаттар

135
Белгилер:
курсант, гимн, Кыргызстандын эгемендүүлүк күнү, Калыйнур Үсөнбеков атындагы Аскердик институту, Бишкек
Тема:
Кыргызстандын көз карандысыздык күнү (30)
Тема боюнча
Араб мамлекеттеринин падышалары Кыргызстанды Эгемендик күнү менен куттукташты
Ошто эгемендүүлүк күнү менен элди өкмөт башчысы Темир Сариев куттуктайт

Димаштын сагынычы... Ырчы пандемиядан кийин кезектеги шедеврин тартуулады. Видео

239
(жаңыланган 21:06 05.12.2020)
Казакстандын дүйнөгө таанымал ырчысы Димаш Кудайберген коронавирус пандемиясынан берки топ жарган ырын жарыкка чыгарды.

"Я скучаю по тебе" аттуу жаңы ырын Москвадагы "Жаңы жылдык көгүлтүр оттун" видео жаздыруусунда аткарган. Анын автору композиторлор Игорь Крутой менен Игорь Николаев.

ЖМКлар Димаш туура тогуз айдан соң сахнага кайтканын жазышты. Анын чыгармасын бир күндө эле 45 миңден ашуун киши укккан.

239
Белгилер:
чыгарма, ыр, Димаш Кудайберген, Казакстан
Тема боюнча
Эркектей болуп ырда! Димаш бала кезинде шылдыңга кабылганын айтып берди

Токтоо тартып, окуяга сүңгүп кирип... Үмөттүн манас айткан видеосу

80
(жаңыланган 19:24 05.12.2020)
Жумурай журтка таанымал жаш манасчы Үмөт Дөөлөтов Sputnik агенттигине Семетейдин Таласка келип Бакайга жолуккан жеринен үзүндү айтып берди.

Үмөт бул өнөр менен эл алдына 3,5 жашында чыгып, Кыргызстандагы эң кенже манасчы атка конгон. Айрым илимпоздор аны 7 жашында кичинекей гений деп аташкан. Ал эми 9 жашында "Маданияттын мыкты кызматкери" төш белгиси тапшырылган.

Ал редакцияга берген маегинде акыркы кезде эмне менен алектенип жүргөнүн, жаштардай интернетке көп кирбей турганын, режиссёр болсо Саякбай манасчы тууралуу тасма тартарын айтып, кичирээк чакта эсте калган учурлары жөнүндө кеп кылды. Кененирээк Sputnik даярдаган интервьюдан окуй аласыз

80
Белгилер:
Талас, Семетей, өнөр, манасчы, Манас, Үмөт Болот уулу
Тема боюнча
Саякбай манасчы жандай көргөн "Карачологу" менен. Таберик сүрөт
Табият кырсыгынан тарта манасчы Дөөлөт жана дрондор шоусуна чейин. Апта ирмеми
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

0
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

0
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен