(1:47 / 10.98Mb / )

Ала-Тоо аянтында Брежнева, Билан, Лепс жана башка жылдыздар майрам тартуулашты

1666
(жаңыланган 14:42 01.09.2015)
Кыргызстан эгемендүүлүгүнүн 24 жылдыгын белгиледи. Өлкөнүн башкы аянтында шаардыктар жана калаа меймандары үчүн Франциянын Ottawan тобу жана россиялык жылдыздар Вера Брежнева, Лепс, Дима билан, "Сплин" жана "Город 312" топтору ырдашты.

Концерт 19.00дө башталып түнкү саат бирге чейин болду. Он мүнөткө созулган майрамдык салют иш-чаранын эң орчундуу ирмеми болуп калды.

Тубаса шал оорусу менен жабыркаган 17 жаштагы Данилf Лиходаев сахнанын жанында отуруп концертке күбө болду. Кыялы орундалып сүйүктүү ырчысы Григорий Лепс менен жолугуп, андан кол тамгасы коюлган компакт-диск белекке алды. 

Sputnik агенттиги Даниланын ырчы менен жолугуу туурасындагы тилегин жарыялагандан кийин Бишкек мэри Кубанычбек Кулматов ага өзгөчө орун бөлүп берүүнү тапшырган

Бардык кечки иш-чаралар россиялык "Фабрика-Арт" компаниясы тарабынан уюштурулса, эстрада жылдыздарынын акысыy жана концерттин техникалык жабдылышын "Газпромнефть-Азия" ишканасы мойнуна алган.

Күндүз палоо фестивалы, Ак Кула ат майданында салбурун, ат чабыш, көк бөрү сыяктуу бир катар майрамдык иш-чаралар өттү.

Эгемен Кыргызстандын курбалдашы Үсөн Каримов да 24кө толуп, өзүнүн түгөйү менен көп жакшылыктарды максат кылып келет.

Дүйнөнүн булуң-бурчунда жашап, окуп, иштеп жаткан мекендештерибиз менен келечектеги офицерлер мамлекеттик гимни аткарып, кыргызстандыктарды куттукташты.

1991-жылдын 31-августунда Жогорку Кеңештин сессиясы мамлекеттик көз карандысыздык тууралуу декларация кабыл алып, Кыргызстандын эгемендүү демократиялык мамлекет экенин жар салган. 1993-жылдын 5-майында кабыл алынган Баш мыйзам жаңы эгемендүү мамлекеттин түзүлүшүн мыйзам чегинде бекиткен.

Мамлекеттик майрам 24 жылдан бери масштабдуу түрдө майрамдалып келет.

1666
Белгилер:
концерт, Ала-Тоо аянты, Кыргызстандын эгемендүүлүк күнү, Город 312, Дима Билан, Григорий Лепс, Вера Брежнева, Сплин, Бишкек
Тема:
Кыргызстандын көз карандысыздык күнү (30)
Тема боюнча
Эгемендүүлүк күнү: Ала-Тоодогу көңүл жаркыткан майрамдык маанайдан ирмемдер
Болочок офицерлер Эгемендик күнүнө карата мамлекеттик гимнди аткарышты

Тынчтыкка карай... Россия Тоолуу Карабахка кандай жардам берип жатат

176
Өзүн-өзү эркин деп жарыялаган Тоолуу Карабах республикасынын жашоочулары согуштан кийин акырындык менен үйлөрүнө кайта баштады. Аларга россиялык тынчтык орнотуучулар менен ӨКМ куткаруучулары жардам берүүдө.

Аскер инженерлери согуш учурунда талкаланган аймакта байланыш каражаттары менен инфраструктураны калыбына келтирүүгө жардам берүүдө. Ошондой эле жол кыймылы калыбына келип, борбор калаада коомдук транспорт каттай баштады.

Адистер мурда согуш талаасы болгон аймактын ар бир метринен жарылуучу заттарды издеп, учурда 2 гектар аймак менен 3 чакырым жолду тыкыр карап чыгышты. Көптөгөн жарандык жана социалдык объектилер текшерилди.

176
Белгилер:
жашоо, эл, тынчтык, Тоолуу Карабах, Россия
Тема:
Тоолуу Карабахтагы жаңжал
Тема боюнча
Кадам сайын жарылбасын! Карабахтагы миналарды зыянсыздандыруу аракеттери
Карабахтагы сириялык туркомандар: согушууга барышканбы же жайгашуугабы?

Майк Тайсон менен Рой Жонстун көз караштар таймашынын видеосу

675
(жаңыланган 14:39 28.11.2020)
Беттеш сегиз раундга, анын бир бөлүгү эки мүнөткө ылайыкташкан. Мушкерлер шлем кийишпейт, 12 унций салмактагы машыгууда кийилүүчү мээлей менен беттешет.

Кесипкөй бокстун дөө-шаалары Майк Тайсон менен Рой Жонс кенжеси беттеш алдында таразага түшүп, көз караштар таймашын өткөрдү. Тайсон атаандашынан 5 килограммга оор болгонун Р-Спорт маалымат булагы жазып чыкты.

Беттеш 28-ноябрда АКШнын Калифорния шаарында өтөт. Жума күнү өткөн таразага түшүү аземинде америкалык Майк Тайсон 220,4 фунт (99,97 килограмм), ал эми анын атаандашы Россиянын жарандыгын алган Рой Жонстун салмагы 210 фунт (95,25 килограмм) чыккан.

Кайрымдуулук беттеш буга чейин 12-сентябрда Калифорнияда болору айтылып, Тайсондун командасынын спорттук иш-чарадан түшүүчү кирешени арттыруу максатында айткан өтүнүчү менен уюштуруучулар аны кийинкиге жылдырышкан.

Беттеш сегиз раундга ылайыкташкан. Ар бир бөлүк эки мүнөткө белгиленген. Алар шлем кийишпейт, 12 унций салмактагы машыгууда кийилүүчү мээлей менен беттешет.

Таймаштагы эсепти Дүйнөлүк бокс кеңешинин (WBC) өкүлдөрү жүргүзөт. ЖМКларда айтылган маалыматтарга ылайык, бул беттештен Майк Тайсон 10 миллион доллар гонорар алат, ал эми кенже Рой Жонс үч миллион доллардын тегерегинде пайда табат.

Sputnik Кыргызстан ата мекендик көрүнүктүү бокс чеберлери, машыктыруучулардын бул беттешке болгон болжолдорун билип көргөн.

675
Белгилер:
беттешүү, бокс, Рой Жонс, Майк Тайсон
Тема боюнча
Тайсон Жонсту тез утпаса иш чатак болот. КР боксчуларынын беттешке божомолу
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

0
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

0
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш