(1:33 / 9.81Mb / )

Көөрүк. Өчүрүлгөн көмүр. Зардалыдагы Токтоназар аксакалдын устаканасы

311
(жаңыланган 09:41 03.09.2015)
Баткен окуясы башталып, эл көчө жөнөгөн Кыргызстандын эң алыскы аймагы болгон Зардалыда азыр жашоо кайра өз нугуна келип, кадимки калыбында.

Мастерская ГП Кыял
© Sputnik / Табылды Кадырбеков
Баткендин Зардалы айылындагы темир уста Токтоназар Исаевди жакын-тегеректеги жашагандардын чоңунан баласына чейин таанышат. Аксакал өзү жашаган айылдын эле эмес, коңшу айылдагылардын мокогон балта, теше, кетмендерин курчутуп, таканын түрүн жасайт. Айтор, майда-чүйдөсүнөн тарта ири темир буюмдарга чейин оңдоп берип, элдин сообуна калат.

Токтоназар атанын устачылык менен алектенгенине 40 жылга жакындап калыптыр. Турмуш-тиричиликке керектүү темир буюмдардын бир тобун завод, цехи жок эле өз колу менен жасап коёт экен.

"Элдин темир шаймандарын колдон келишинче сынган, жарылган жерлерин жамап, каңдап, оңдоп берем",— деди Токтоназар аксакал.

Уста аймактын эли унаа катары көп колдончу ат менен эшектин такасынан тарта анын мыгына чейин өзү жасарын айтып берди. Эң кызыгы, темирди эритиш үчүн пайдаланылган көмүрдү да өз колу менен өчүрүп алат экен.

"Ат менен эшекке жасап койгон такаларды, керек болгон адамдар алып кетишет. Ал эми темирди кызытыш үчүн жыгач көмүрдү пайдаланам. Таш көмүр деген бизде жок", — деди ал.

Ал бизге таканын колго кантип жасап аларын көрсөтүп да берди.

Санки — обязательный атрибут зимы.
© Sputnik / Табылды Кадырбеков
Аксакал устаканасында азыркы кыргыз усталары сейрек колдонуучу, дээрлик унутулуп бара жаткан көөрүктү колдонот экен. Ал эми небереси көөрүкчүнүн милдетин аткарып жатканын көрдүк.

Көөрүк — усталардын көмүрдү үйлөтө турган, эки туюк териден, ача жыгачтан, түтүк темирден турган аспап. Ал көмүрдүн чогун үйлөп отко жан киргизет. Темирди ийип жасаш үчүн аны кызытыш керек. Бул өңүттөн алганда көөрүк мурдагы замандарда темир усталардын негизги жардамчы буюму болгон. Көөрүктү уста эмес, экинчи адам атайын кылдан эшилген жиптин жардамы менен улам тартып, үйлөтүп турат. Аны кыргызда көөрүкчү деп атап коюшат.

311
Белгилер:
мык, така, темир уста, көөрүк, зардалы, Токтоназар Исаев, Баткен

Бишкек мэри Азиз Суракматовдун маалымат жыйыны. Видео

125
(жаңыланган 14:35 20.10.2020)
Суракматов борбор калааны жетектөөгө мындан эки жыл мурун, 2018-жылы, киришип Албек Ибраимовдун ордуна келген.

Бишкек мэри болуп эки жылдан бери иштеп келе жаткан Азиз Суракматовдун кызматтан кете турганы тууралуу маалымат бүгүн тарады. 

Мэрия шаар башчысы маалымат жыйын өткөрө турганын кабарлаган. 

Sputnik жыйынды түз алып берүүдө

125
Белгилер:
отставка, кызмат, мэр, Бишкек мэриясы, Азиз Суракматов
Тема боюнча
Бишкек мэри Суракматовдун иштен кетери айтылды

Ала-Букадагы алтын кен ишканасында өрт чыкты. Видео

298
(жаңыланган 14:28 19.10.2020)
Жеринде куткаруучулардын эки тобу иштеп жатат. Милициянын алдын ала маалыматы боюнча, өрт ширетүү иштеринен келип чыккан.

Жалал-Абаддын Ала-Бука районундагы алтын кен ишканасынын имаратында өрт чыкты. Бул тууралуу ӨКМдин маалымат кызматы кабарлады.

Окуянын видеосун социалдык тармактын колдонуучулары жүктөп жатат.

Тилсиз жоону өчүрүүгө саат 10:22де бир өрт куткаруу бөлүмү, 10:35те экинчиси тартылган.

Ал эми Жалал-Абад облустук милициясынын билдиришинче, саат 10:15тер чамасында Ала-Бука районунун Иштамберди аймагында иштеп жаткан Full Gold Mining (Фул Голд Майнинг) ишканасында өрт чыккандыгы боюнча маалымат келип түшкөн.

Учурда 30дан ашуун кызматкер куткаруучулар менен биргеликте өрттү өчүрүү менен алек.

"Алдын ала маалымат боюнча, өрт ширетүү иштеринен келип чыккан. Цианид же химиялык зат күйүп жатат деген божомол чындыкка дал келбейт. ӨКМдин өрт боюнча чыгарган жыйынтыгы менен гана калган жагдайлар белгилүү болот", — деп айтылат маалыматта.

Бишкектин чок ортосунда кийим саткан дүкөн өрттөнүп кетти. Видео

ӨКМ алтын-кен ишканасына таандык имараттан чыккан өрт саат 12:30да чектөөгө алынганын билдирди. Учурда өрттү толук өчүрүү иш-чаралары улантылууда.

298
Белгилер:
өрт, алтын кени, ӨКМ, Жалал-Абад облусу
Тема боюнча
Кадамжайдагы үйдөн өрт чыгып, бир киши каза тапты
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

112
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

112
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы