(1:02 / 6.86Mb / )

Тяньаньмэнь аянтында Атамбаев башка президенттер менен чогуу парадга күбө болду

204
(жаңыланган 11:34 04.09.2015)
КРдин президенти Алмазбек Атамбаев Кытайдын Японияга каршы согушунун 70 жылдык жеңиши жана Экинчи дүйнөлүк согуштун аяктаганынын урматына арналган парадга катышты.

Кыргыз офицерлери Кытайдын Японияга каршы согушунун 70 жылдык жеңиши жана Экинчи дүйнөлүк согуштун аяктаганынын урматына Пекин шаарында аскердик парадында
© Пресс-служба президента КР / Султан Досалиев
Парадга он миңден ашуун аскер кызматкер, жөө жоокерлер, аскердик техникалар жана авиациянын колонналары катышты. Кытай тарап парадда 500 техника жана 200 учакты көрсөттү.

Кыргызстандын президентинен сырткары, парадда башка чет элдик лидерлер, аскер кызматкерлери катышты. 74 адамдан турган Кыргызстандын Улуттук гвардиясынын Ардак кароолу да парадда басты.

Атамбаев Кытайга иш сапар менен 1-сентябрда учуп кеткен. Анын алкагында Кытайдын төрагасы Си Цзиньпин менен жолугуп, сүйлөшүүдө 2015-2016-жылдарга карата Кыргызстан менен Кытайдын кызматташуу программасы кабыл алынды.

204
Белгилер:
аскердик парад, Жеңиштин 70 жылдыгы, Алмазбек Атамбаев, Кытай
Тема боюнча
Пекиндеги аскер парады Жеңиштин 70 жылдыгына арналды
Атамбаев Кытайга парад көрүп жана КРге жол салуу боюнча сүйлөшүү үчүн учуп кетти
КР жоокерлери Пекиндеги чоң аянтта Жеңиштин 70 жылдыгына карата параддан өтөт

Чын эле суу жокпу? Чүйдөгү дарыялардын башынан тартылган видео

421
(жаңыланган 10:26 16.06.2021)
Чүй облусундагы суу тартыштыгы дыйкандарды убайымга салды. Алардын эгин талаалары куурап, бир жылдык түшүмдөн кол жууп калуу кооптуулугу бар. Бийлик өкүлдөрү тоолордо күн жылыбай, мөңгүлөрдүн эрибей жатканы көйгөйдүн бирден-бир себеби экенин айтууда.

Айыл, суу чарба жана аймактарды өнүктүрүү министрлиги Чүй облусуна пресс-тур уюштуруп, дарыяларды жана суу сактагычтарды көрсөтүп келди. Сары-Өзөндүн дыйкандары буга чейин бир нече ирет митингге чыгып өкмөттөн суу тартыштыгын чечүүнү талап кылышкан. Ошол эле учурда "сууну дарыянын башынан буруп Казакстанга сатып жатат" деген шектенүүсүн билдиришкен.

Пресс-тур учурунда журналисттерге Аламүдүн, Ала-Арча, Кегети, Ысык-Ата дарыялары жана андагы суу сактагычтардагы, бөлүштүрүүчү жайлардагы азыркы кырдаал тааныштырылды.

Бардык жерде суу былтыркыга салыштырмалуу кеминде үч эсеге азайганы белгилүү болду.

Чүй жана Ысык-Ата райондорунун дыйкандары үмүт артып отурган Кегети дарыясындагы суунун көлөмү алты эсеге чейин түшүп кеткен.

Суу ресурстары агенттигинин Ысык-Ата райондук башкармалыгынын жетекчиси Эрлан Өмүралиев сууну башка жакка сатмак тургай өз айылдарына жеткирүү кыйын болуп жатканын айтат.

"Биз капчыгайдан агып чыккан дарыянын башында турабыз, ушул жерден эки районго бөлүнөт. Муну башка жакка буруп кете албайбыз, болгон суу ушул. Мындан 5000 гектарга жер сугарылчу. Норма боюнча суу секундасына 7 куб метр келиши керек, азыр 1 куб метр эле агып жатат", — деди Өмүралиев.

Ал эми Суу ресурстары агенттигинин Аламүдүн райондук башкармалыгынын жетекчиси Максатбек Бозов абанын температурасы 20 градуска көтөрүлсө гана мөңгүлөр эрип суу келерин билдирди.

"Эгер Аламүдүн дарыясынын суу топтоочу жерине жай мезгилинде секундасына 9 куб метр суу агып кирип турса, дыйкандарга кенен жетмек. Бирок азыр 2,4 куб метрге чейин түшүп кетти. Мурунку жумада жакшы эле келип жаткан, күн салкындагандан кийин мөңгүлөр эрибей суу кайра азая түштү. Эки күн мурда тоолорго кар жааптыр. Негизи эле быйыл суу тартыш, кышта тоолорго кар аз түшүп, жамгыр да жаабай жатат", — деди Бозов.

Башкы суу бөлүштүрүүчү жайдан Аламүдүндүн Байтик айыл өкмөтүнөн келген дыйкандарды дагы кезиктирдик. Алар суу аз болсо да ырааттуу бөлүштүрүүнү талап кылып келишкен. Кайырма айылынын тургуну Алмамбет Усупов 2,5 гектар жерге беде сээп, 1 гектарына малина, алма тиккен. Ал эгер 15 күнгө чейин ага суу берилбесе, бир жылдык мээнети текке кетерине тынчсызданууда.

Суу ресурстары агенттигинин директору Алмазбек Сокеев 1-июлдан кийин күн жылып, мөңгүлөр эрисе суу көбөйөт деп үмүт артууда. Тез арада талаптагы сууну табуу мүмкүн эмес. Ал эми жакында жер алдынан сууну соордуруп чыгаруу системасына киришерин жана кийинки жылы сууну үнөмдүү пайдалануу багытында бир нече долбоор ишке ашырыларын белгиледи.

Дыйкандар мындай суу тартыштыгы тарыхта биринчи ирет болгонун айтууда. Ал арада жем-чөптүн баасы былтыркыдан эки эсе жогорулады. Эгер азыр сугарылбаса, эгин куурап, жем-чөп дагы кымбаттайт деген божомол бар.

Сары-Өзөндөгү суу тартыштыгы жаралганына байланыштуу министрлер кабинетинин төрагасы Улукбек Марипов Суу ресурстары агенттигинин директору Алмазбек Сокеевге сөгүш берди. Журналистке берген маегинде эми ал агенттиктин Чүй облусундагы башкармалыгынын жетекчисине да сөгүш жарыялай турганын айтты.

421
Белгилер:
тартыштык, дыйкан, дарыя, Чүй облусу, Ысык-Ата району, Аламүдүн району, суу
Тема боюнча
Бийлик өкүлдөрү суу эмнеге кескин азайып кеткенин түшүндүрдү
Суу жок. Чөптүн жана дан өсүмдүктөрүнүн баасы азыркыдан да көтөрүлүшү мүмкүн

Зым карагайдын башына чыгып кеткен аюунун видеосу

117
Электр кубаты тартылган карагайлардын башына чыгып кеткен аюуларды түшүрүү адистерге бир топ эле кыйынчылыкты жаратат.

Мындай "саякат" жырткычтар үчүн кайгылуу аякташы мүмкүн, себеби аларды катуу чыңалуудагы электр тогу урбайт деп эч ким кепилдик бере албайт. Зым карагайларга чыгып кеткен аюу туурасында "National Geographic Россия" сайтына маалымат чыкты.

Мындай учурда жаныбар түркүктөн түшүп келе жатканда кабелдерге чалынып же алар бутуна оролуп калуу ыктымалдыгы да бар. Буга окшогон көрүнүш АКШнын Аризона штатында болгон. Бир айда аюу карагайдын башына эки ирет чыгып кетип, айланасындагылар адистерге кайрылышкан.

​Майдын башында AZGFD Tucson деп аталган жаратылышты коргоо уюмунун өкүлдөрү куткаруу операциясы болгонун айтып беришкен.

​Көп өтпөй ошол эле жаныбарга энергетиктер экинчи ирет жардамга келген. Аны куткаруу үчүн электр тогун атайын өчүрүшүп, жогору чыгып, аюуну таяк менен түрткүлөп кубалап түшүрүүгө аргасыз болушкан.

Эки учурда тең ал "саякатчы" карагайдын башынан аман-эсен жерге "кайтып келген". Ошол тегеректе жайгашкан калктуу жайлардын жашоочулары аюу түшкүчө, тагыраагы, 15 мүнөттөй электр кубатысыз калышкан.

117
Белгилер:
зым карагай, аюу, Аризона штаты, АКШ
Тема боюнча
Ак аюулар чумкуп, ырахаттанып, дронго жүткүнүп. Чукоткадан тартылган видео
Бишкек шаарынын мурунку биринчи вице-мэри Алмаз Бакетаев. Архив

Бишкекте шаар жетекчисинин орун басарлары алмашты

0
Бишкек мэриясында калаа жетекчисинин эки орун басары алмашты. Буга чейинки биринчи вице-мэр Алмаз Бакетаев башка кызматка которулгандыгына байланыштуу иштен бошотулду.

БИШКЕК, 16-июн. — Sputnik. Бишкек мэриясында кадрдык өзгөрүүлөр болуп, биринчи вице-мэр Алмаз Бакетаев башка кызматка которулгандыгына байланыштуу иштен бошотулду. Бул тууралуу муниципалитеттен маалымат кызматынан билдиришти.

Анын ордуна буга чейин тиричилик-коммуналдык чарба боюнча вице-мэр болуп келген Жамалбек Ырсалиев дайындалды.

Ал эми шаар башчысынын экономикалык жана финансылык маселелер боюнча орун басары болуп Максатбек Сазыкулов келди. Буга чейин ал Россия-кыргыз өнүктүрүү фондунда Уюштуруучулукту өнүктүрүү департаментин жетектеген.

0
Белгилер:
вице-мэр, Жамалбек Ырсалиев, Алмаз Бакетаев, Бишкек мэриясы, Бишкек
Тема боюнча
Уланбек Калманбетов Архитектура, курулуш агенттигин жетектемей болду