(1:13 / 7.37Mb / )

Гимн менен айгайлаган сүрөөн кыргызстандык күйөрмандар оюн учурунда

763
(жаңыланган 13:51 10.10.2015)
Дүйнө чемпионатынын тандоо турунун алкагында өткөн Кыргызстан менен Тажикстан командаларынын беттешүүсү тең эсеп менен аяктады. Стадионго 17 миң 600 адам чогулган. Жергиликтүү команданын күйөрмандары оюн бүткүчө кыргыз футболчуларын сүрөөнгө алып турушту.

Оюн Дөлөн Өмүрзаков атындагы стадиондо өттү. Борбордук Азиядагы илгертен бери атаандаш болуп келген командалардын беттешүүсү 2:2 эсеби менен аяктады.

Кыргызстандык команда үчүн тажик дарбазасына топту сегизинчи мүнөттө Бахтияр Дүйшөбеков киргизди. Дагы бир голдун ээси экинчи таймга кошумча берилген убакыттын акыркы мүнөтүндө Антон Землянухин болду.

Ал эми тажик командасынан Жахонгир Жалилов менен Фарход Восиев 65- мүнөттө жана 71-мүнөттө гол топ киргизип өзгөчөлөн алышты.

"В" тайпасындагы параллелдин оюнда Иорданиянын командасы австралиялыктарды 2:0 эсеби менен утуп, 10 упай менен биринчиликке чыкты. Төрт оюндун жыйынтыгында Австралия командасы тогуз упай менен экинчи орунда. Кыргызстандын курама командасы беш упай менен үчүнчүлүгүн сактап келе жатат. Андан кийин эки упай топтогон Тажикстан менен куржунуна бир упай салган Бангладеш тизменин акырында.

Кыргызстандын командасы 13-октябрь күнү Бангладештин футболчулары менен беттешет.

763
Белгилер:
Кыргызстан, Бишкек, Тажикстан, футбол боюнча дүйнө чемпионаты, футбол, чемпионат, стадион, оюн, упай, беттешүү
Тема:
Кыргызстан менен Тажикстандын беттеши (27)
Тема боюнча
Кыргызстан — Тажикстан беттешүүсүндө тартип бузуулар катталган жок
Кыргызстан менен Тажикстандын командалары тең чыкты

Мыкты экен! Бийлик ойлоп табуучулардын "үйүн" ачты. Видео

155
Бүгүн, 27-октябрда, Бишкекте Кыргызстандын алгачкы мамлекеттик инновациялык борборунун расмий ачылышы болду. Анда жаңы жабдыктарды ойлоп таап, идеясын ишке ашыргысы келгендер үчүн тийиштүү шарттар түзүлгөн.

Борбор Кыргызпатенттин алдында түзүлүп, ачылыш аземге министрлер кабинетинин төрагасы Акылбек Жапаров катышты.

"Ушуну менен токтоп калбастан инновациялык инфратүзүмдү аймактарга дагы жайылтышыбыз керек. 2024-жылга чейин Кыргызстандын бардык облустарында дал ушундай инновациялык борборлорду ачууну сунуштайм жана бул тапшырманы аткаруу Кыргызпатенттин жамаатынын колунан келерине терең ишенем", — деди төрага.

Инновациялык борбордун директорунун милдетин аткаруучу Касиет Качаганова төмөнкүлөрдү билдирди.

"Инновациялык борбор беш аянтчадан турат. Биринчиси — китепкана, экинчиси — балдар лабораториясы, үчүнчүсү — конференц-зал, төртүнчүсү — өндүрүш лабораториясы, бешинчиси — коворкинг-борбору. Башкача айтканда, биз инновациялык экосистеманын бардык блокторун камтыган аянтчабыз. Китепканадан сиздер билим, теория алсаңыздар, балдар лабораториясынан бир нерсени ойлоп табууга үйрөнөсүздөр. Коворкингден идеяларды иштеп чыгып, өндүрүш лабораториясынан өзүңүздүн продукцияңызды чыгарасыз. Ал эми конференц-залдан жыйынтыгын презентациялайсыз", — деди Качаганова.

Ал эми FabLab индустриалдык инновация бөлүмүнүн кызматкери Айдар Алымбековдун айтымында, борбордо ойлоп табуучулардын ойлоп тапкан нерсесинин алгачкы үлгүсүн жасоого жардам берилет.

"Бизде санариптик программа менен башкарылган фрезердик станок, лазердик гравер, 3D-принтерлер, электрондук-тигүүчү машина, 3D-сканерлер бар. Fablab бөлүмүнүн максаты — ойлоп табуучулар менен стартаперлерге ойлоп тапкан нерсесинин алгачкы үлгүсүн жасоого жардам берүү. Бул жердеги аппаратура жыгачты, металлды кескенге, жаңы жабдыктардын деталдарын жасоого ылайыкташкан. Бардыгы сизден, сиздин идеяңыздан көз каранды", — деди ал.

Бийлик бул борбор бизнес менен ойлоп табуучулардын диалогу үчүн аянтча болуп берерине ишенүүдө. Бул аянтчаны түзүүгө 35 миллион сом сарпталып, Грузия менен Түштүк Кореянын тажрыйбасы колдонулган. "Кыргызпатент" борбордун эшиги бардык каалоочулар үчүн ачык деп убадалады.

155
Белгилер:
Кыргызстан, Кыргызпатент, ойлоп табуу, Мамлекеттик инновациялык борбор
Тема боюнча
Окуучулар үчүн! Ойлоп табуучулук боюнча кыргызча окуу куралы жарык көрдү

Чоң бакалардын мушташканын көрдүңүз беле? Айыгышкан кармаштын видеосу

121
(жаңыланган 18:31 27.10.2021)
Африка мамлекеттерин биз көрүп-билгенден да чоң бакалар мекендейт. Алардын көлөмү 24,5 сантиметр, ал эми салмагы 1,4 килограммга чейин жетет.

Дал ушул жаныбарлардын аёосуз кармашынын видеосу BBC басылмасынын Youtube-каналына жарыяланды.

National Geographic басылмасы жазгандай, мындай чоң бакалар жылан, чычкан, чымчыктарга аңчылык кылышат. Күндүз алар сууда жашынып жатышат же жээкте болушат дагы аңчылыкка түндө чыгат. Чоң бакалардын үнү ачуу болот. Айрыкча көбөйүү учурунда ургаачы бакаларды тартуу үчүн үндөрүн өктөм чыгарып калышат. Ургаачы бакаларга ээлик кылуу үчүн кыйкырып койгон жетиштүү эмес. Алар атаандаштары менен кармашып, аларды жеңген соң гана ээ болушат.

121
Белгилер:
бака, кармаш, видео, жаныбарлар
Тема боюнча
Жырткычтай эмес... Балык кармап жеп, үйүрү менен жүргөн ягуарлардын видеосу
Асма керебетке чыга албай убара болгон аюулардын күлкүлүү видеосу
Колунда телефону бар маскачан кыз. Архив

Дарыгер: Бишкектеги унаа сүзүп кеткендердин 80%ы телефон карап бараткандар

0
(жаңыланган 10:52 28.10.2021)
Дарыгер айдоочулардын да, жөө адамдардын да колунан телефон түшпөй калганын белгилеген. Өлкөдө күнүнө жол кырсыгынан эки адам көз жумары айтылды.

БИШКЕК, 28-окт. — Sputnik. Бишкекте автоунаа сүзүп кетип жабыркаган же каза болгон жөө адамдардын 80 пайызы телефон карап баратып кырсыкка кабылат. Бул тууралуу Травматологиялык жана ортопедиялык илим изилдөө борборунун Тез жардам кызматы бөлүмүнүн травматологу Бекназар Жунусов Sputnik Кыргызстан агенттигинин маалымат борборунда өткөн тегерек столдо билдирген.

Посмотреть эту публикацию в Instagram

Публикация от Sputnik Кыргызстан (@sputnik.kg)

"Биздин эң көйгөйлүү маселе бул — мобилдик телефон, кулакчындар. 70-80 пайызы телефон менен кулакчынга алаксып жол кырсыгына кабылууда. Бала жолдон өтүп баратканда биринчи автоунаа токтойт. Айдоочу караса баланын колунда телефон, анан кулакчын. Ошол маалда экинчи автоунаа келет дагы аны сүзүп кетет", — деди Жунусов.

Дарыгер ошол эле учурда айдоочулардын көбү дагы автоунаа башкарып бара жатып телефон колдонорун белгилеген.

"Буга чейин инспекторлор айып салчу, азыр андай жок. Айдоочу телефонду каалагандай колдонот. Баарын өзүбүз жасап жатабыз. Бүт баарынын колунан телефон түшпөйт. Басып баратса деле, автоунаада болсо да, жолдон өтөрдө деле колдорунда смартфон", — деген ал.

Тегерек столдо күнүнө Кыргызстанда эки адам жол кырсыгынан каза болору айтылган.

0
Белгилер:
Кыргызстан, жол кырсык, телефон, дарыгер
Тема боюнча
Айып пул төлөбөгөн айдоочуларга жаңы жаза сунушталууда
Кайгуул милициясынын кызматкерлери канча айлык алат? Жооп