(1:17 / 7.76Mb / )

Түрмөдөн качып чыккан Азамат Мусуралиев жок кылынган жерден тартылган кадрлар

3303
(жаңыланган 19:24 20.10.2015)
50-түрмөдөн качып чыккан кылмышкердин бири Азамат Мусуралиев шейшемби күнү Сокулук районундагы мал сарайдын биринде жашырынып жаткан жеринен жок кылынды. Ошол эле аймактан милиция дагы бир качкын — Алтынбек Итибаевди издөөдө.

Мусуралиев Сокулук районунун Ыраакы Шорго айылындагы мал сарайдын биринде атып өлтүрүлдү. Кармоо учурунда укук коргоо органдарына каршылык көрсөткөндүктөн, милиция кызматкерлери ага 11 жолу ок аткан.

ИИМдин алдын ала маалыматы боюнча, ушул эле аймакта качкын кылмышкерлердин дагы бири Алтынбек Итибаев изделүүдө. Ал буга чейин депутат Санжар Кадыралиевди өлтүргөн деген айып менен эркинен ажыратылган. Милиция азыр аймакты тинтип жүрөт.

Өткөн аптанын башында 50-түрмөдөн тогуз кылмышкер качып чыккан. Токтотууга аракет кылган үч ЖАМК кызматкерин өлтүрүп, дагы бирин оор жарадар кылышкан. Ал беш күндөн кийин эсине келбей ооруканада каза болду.

Атайы операция учурунда качкындары бешөө кармалып, төртөө из суутуп кетүүгө үлгүргөн. 16-октябрда издөө иш-аракеттеринен улам Бишкектин чет-жакасындагы "Дордой-1" жаңы конушунан кылмышкерлердин бири Данияр Кадыралиев жок кылынган.

Кылмышкерлердин жүргөн жери тууралуу маалымат үчүн ИИМ бир миллион, ал эми УКМК 300 миң сом сыйлык берүүнү убада кылган.

Качып жүргөн калган эки кылмышкерди издөө активдүү жүрүп жатат.

3303
Белгилер:
кылмышкер, издөө, милиция, Азамат Мусуралиев, Сокулук
Тема:
№50 түрмөдөн качкан кылмышкерлер (125)
Тема боюнча
Түрмөдөн качып кармалган кылмышкердин бири каза болду
Милиция түрмөдөн качкандардын дагы бирөөнү Сокулук районунан издеп жатат

Венгрия Россиядан 2 миллион доза "Спутник V" вакцинасын алып жатат. Видео

31
(жаңыланган 16:21 23.01.2021)
"Спутник V" вакцинасы Венгрияга жеткириле баштайт. Бул тууралуу Россия менен түзүлгөн келишим боюнча эки өлкөнүн тышкы иштер министрлери маалымат берди.

Сергей Лавров жана Питер Сийярто Будапешт 2 миллион дозада препарат ала турганын билдиришти. Венгрия россиялык вакцинаны өз аймагында колдонууга уруксат берген Евробиримдиктин алгачкы өлкөсү болуп жатат. Бул акыркы өлкө болбошу мүмкүн.

Коронавирус боюнча кырдаал Европада оор бойдон калууда. Ал жакта кызыл зона режими киргизилүүдө.

31
Белгилер:
Евробиримдик, вакцина, Венгрия, Россия, Спутник V
Тема:
"Спутник V" вакцинасы
Тема боюнча
Венгрия Европа өлкөлөрүнүн ичинен алгачкы болуп "Спутник V" вакцинасын каттады
"Спутник V" вакцинасы 2-8 градус жылуулукта сактала тургандай жасалды
Кыргызстан Россиядан 500 миң доза "Спутник V" вакцинасын сурады

Эртең кармашат! UFC Макгрегордун укмуштуу нокауттарын бир видеого сыйдырды

172
UFC уюму эки башка салмак категориясындагы экс-чемпион, ирландиялык атактуу мушкер Конор Макгрегордун октагондогу эң мыкты нокауттарын топтоду.

Макгрегор UFC уюмунда 2013-жылдан тарта күч сынаша баштаган. Алгачкы беттешинде эле америкалык Маркус Бримеджди нокаутка кетирген. Конор акыркы ирет АКШлык Дональд Серроне менен кармашып, аны да сулата чапкан.

Белгилей кетсек, Макгрегордун уюмдагы 22 жеңишинин 19у нокаут менен аяктаган. Конорду башка мушкерлер төрт жолу уткан, бирок бирөөсү да нокаут менен жеңишин майрамдаган эмес.

Видеодо 2014-жылы Дастин Порьенин нокаутка кеткен видеосу бар. Эртең, 24-январда, мушкерлер кайрадан октагондо кезиккени турат.

Абу-Дабидеги "Мушкерлер аралы" спорттук жайындагы турнир Бишкек убактысы боюнча саат 9:00дөн өтүп башталат.

172
Белгилер:
видео, нокаут, беттешүү, Конор Макгрегор, UFC
Тема боюнча
UFC Макгрегор менен Порьенин беттешине карата проморолик жарыялады
Жыргап күлүп, кучакташып... Макгрегор менен Порьенин көз караштар таймашы
Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

Кыргыз тарап Россияга "Спутник V" вакцинасын өлкө аймагында өндүрүүнү сунуштады

0
(жаңыланган 22:31 23.01.2021)
КРдин Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

БИШКЕК, 23-янв. — Sputnik. Кыргызстан Россияга коронавируска каршы "Спутник V" вакцинасын өлкө аймагында өндүрүүнү сунуш кылды. Бул тууралуу РФтеги элчилик кабарлады.

Кечээ Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

"Сүйлөшүүлөрдүн жүрүшүндө Сагынбаев коронавирустан коргогон "Спутник V" вакцинасын Кыргызстандын аймагында өндүрүүнү уюштуруу мүмкүнчүлүгүн караштырууну сунуштады", — деп айтылат маалыматта.

Мындан тышкары, жеңил өнөр жай ишканаларын өнүктүрүүдө жана өлкөдө өндүрүлгөн чийки заттарды экспорттоодо кызматташтыкты чыңдоо маселелери талкууланган. Тараптар жакынкы жылдары "өнөр жай картасын" иштеп чыгуу келишимине кол коюшкан.

Россия тарап өнөр жай тармагында инвестициялык долбоорлорду ишке ашыруу үчүн Россия-Кыргыз өнүктүрүү фондунун жеңилдетилген насыяларын пайдаланууну сунуштаган.

Мындан сырткары, Россиянын өнөр жай жана соода министри кыргыз тарапты апрель айында Өзбекстанда өтө турган "ИННОПРОМ" эл аралык көргөзмөсүнө катышууга чакырган.

0
Белгилер:
жолугушуу, сунуш, өндүрүүчү, вакцина, коронавирус, Спутник V, Россия, Кыргызстан
Тема:
"Спутник V" вакцинасы
Тема боюнча
"ЭпиВакКоронадан" эмне күтүүгө болот? COVID-19га каршы вакцина тууралуу кеп
Венгрия Россиядан 2 миллион доза "Спутник V" вакцинасын алып жатат. Видео