(1:20 / 8.39Mb / )

Берлинге чейин барып согушкан 90 жаштагы Анвар ата өзүнөн бир жаш улуу үйдө жашайт

192
(жаңыланган 14:03 20.11.2015)
Улуу Ата Мекендик согуштун ардагери таластык Анвар Курамаев Россиянын Кыргызстандагы элчиси Адрей Крутьконун колунан III даражадагы Даңк орденин алды.

Быйыл ардагер өзүнүн 90 жылдыгын белгиледи. Анвар Курамаев аскерге 1943-жылы чакырылып, 2-Белорус фронтунун 116-танкалык бригадасынын курамында пулеметчу болгон. Берлинди алууга катышып, Рейхстагдын жанынан жаракат алган. Көрсөткөн каармандыгы үчүн 1945-жылдагы буйрук менен III даражадагы Даңк орденине көрсөтүлгөн.

Анвар Курамаев Берлин шаарында фашисттик Германиянын аскерлерине карата кандай согушканын мындайча айтып берди. 

"Көчө согушу деп коет, Берлиндин ичинде немис менен орустун солдаттары аралашып кеткен эле. Мен бир канча немистерди артынан кууп барып, "азыр атам, өлөсүңөр" десем болбой, кылчактап кете берди. Оң жагымда жашынып аткан офицер мага колу менен "тигил жакты кара" деп көрсөтүп калды. Үстүн жаап койгон замбиректин оозу көрүнүп турган экен. Артка карай келе жатканымда сегиздей немис алдыман чыкты. Аларды пулемет менен аттым", — дейт ал.

Дагы берилегенде капталынан танка чыкканын айтып, анын бензин багына гранатаны ыргытып, жардырганын айтты.

Андан кийин алды жагынан жарылуу болуп, сыныктары тийген. Катуу жарадар болгондуктан алты ай госпиталда жаткан. Ал Улуу Жеңишке төрт күн калганда 5-майда жаракат алган. Көп убакыт дарыланып калгандыктан анын Берлин шаарындагы согушка катышып, эрдик жасаганы унутулуп калганын айтат. Госпиталдан Кызыл Жылдыз жана Эрдик үчүн ордендерин уурдатып жибергенин кошумчалады.

90 жаштагы Анвар ата буга чейинки өлкөнүн президенттерине да эмгеги өткөн орденди алуу боюнча бир нече жолу кайрылганын айтат. Курманбек Бакиев өлкөнү башкарып турганда аны иликтеп таап тапшырарын айткан. Кийин өткөөл мезгил учурунда мамлекет башчысы болгон Роза Отунбаевага кирип сураштырайын десе, башкалар анын иши көп экенин айткандан улам кайрылган эмес. Азыркы өлкө башчысы Алмазбек Атамбаевге да кирип жагдайын түшүндүрөйүн десе, кол алдындагылар түрдүү шылтоолорду айтуу менен босогодон эле узатып коюшкан.

90 жаштага ардагер жардамга муктаж

Анвар Курамаевдин кемпири Саара Курамаеванын айтымында, алар жашап жаткан үй 1926-жылы салынган экен. Учурда дубалдар урап-түшүү коркунучу алдында турат. Андыктан аларга мамлекет тарабынан жардам болсо турмуш-тиричилиги жеңилдерин айтат. Себеби, дубалдары жарылган үй суук болуп, кышында жакшы жылыбайт. Алар бардык жакка жардам сурап кайрылганын айтат. Бирок, жарытылуу деле жардам болгон эмес. Саара апанын айтымында, анын үч уулу жана бир кызы бар.

Ноябрь айынын ортосунда Кыргызстандагы Росскызматташуунун өкүлчүлүгүндө Россиянын элчиси Андрей Крутько 70 жылдан бери ээсин таппай келген Даңк медалын Анвар Курамаевге тапшырды. Ал өз сөзүндө бул сыйлыкты Россиянын президенти Владимир Путиндин тапшырмасы менен тапшырып жатканын айтып, элчилик тарабынан да тийиштүү жардамдар берилерин белгиледи.

192
Белгилер:
"Даңк" медалы, Улуу Ата Мекендик согуш, Анвар Курамаев, Андрей Крутько, Талас
Тема боюнча
Арчалыда согуш ардагерлерине замбиректен эстелик орнотулду
"Ардагерде" дарылануудан тышкары, пенсионерлер сүйлөшүп, маектеше турган жай ачылат

Тактаны чачырата тепти. Асман менен баскан балдардын кызыктуу видеосу

130
(жаңыланган 20:29 20.06.2021)
АКШ менен Түштүк Кореянын тхэквондочуларынан куралган топ популярдуу болгон America"s Got Talent сынагынын көрүүчүлөрү менен калыстарын абдан таасирлентти.

Алардын суктанткан номери YouTube каналга жүктөлгөн. 

Аталган балдар-кыздар Олимпиадага чакырылып, бирок коронавирустун айынан болгон өзгөрүүлөрдөн улам ага катыша албай калганы айтылган. Дүйнөлүк деңгээлдеги иш-чарага катыша албай калган спортчулар азыркы сынакка катышып көрүүнү чечкен.

"Бизди Олимпиадага чакырышкан, бирок пандемиядан улам оюнду өткөрүү мөөнөтү жылып кетип, ага катышууга мүмкүнчүлүк болбой калды", — деген топтун лидери.

Эки өлкөнүн таланттуу, шамдагай спортчуларынын бул шоу-номери көргөн адамды кайдыгер калтырбайт. Алардын бир нече метр бийиктикке секирип баратып, жолунан кездешкен такталарды бир нече бөлүккө чачырата тепкенин көрүүгө болот.

Андан сырткары балдар-кыздар кызыктуу бийлерди, акробаттык чеберчиликтерин көрсөткөн.

Спортчулардын талантына таасирленген калыстар тобунун мүчөсү, теле алып баруучу Терри Крюс дароо эле финалга жолдомо берген алтын баскычты басып, залды да, тхэквондочуларды да бактылуу кылган.

America's Got Talent — теледолбоору ар кыл таланттарды өзүнө чакырган кызыктуу шоу. Анын байге фонду миллион доллар.

130
Тема боюнча
Укмуш номер болуптур! Атайдын бий тобу Кытайдагы сынакта финалга чыкты. Видео

Сүзүп бара жатып уктаган акуланын видеосу

130
(жаңыланган 17:30 20.06.2021)
Ак акула кыймылын токтотпой, ылдамдыгын өтө да жайлатпай, сууда сүзгөн тейде уктап бара жатат. Жырткыч балыктын мындай видеосу интернет аймагында сейрек кездешет.

"National Geographic Россия" сайтынын маалыматына караганда, ак акула бир нече чакырым жолду басып өткөндөн кийин уктап, бирок сүзгөнүн токтоткон эмес.

Суунун алдындагы дүйнөнү изилдеген адистер ургаачы акуланын сүзүп бара жатып эле "тук этип" алганын Кариб аралдарынын аймагынан камерага тартып алышкан.

Видео Discovery каналына Shark Week программасынын алкагында жасалган.

"Балык уктап жатканда да сүзгөнүн токтоткон эмес. Эгерде бир азга эле токтосо, суу анын бакалоорунан өтпөй, дем ала албай калмак", — деп жазылган маалыматта.

Акула уктап бара жатканда саатына 23 чакырым ылдамдык менен сүзгөн. ScienceAlert кадимкидей эле токтоп, бир орунда турган акулалар бар экендигин, бирок бул түрү андайларга кирбей тургандыгын жазган.

Ак акула жер бетинде жырткыч балыктардын эң чоңу. Эркектеринин узундугу болжол менен 4,6-4,8 метрге жетет. Алар орточо эсептегенде 27 жылга чейин жашайт. Аталган жаныбарлар жок болуп бара жаткандардын катарына кирет. Учурда биздин планетада алардын 3500гө гана жакыны калганы айтылып келет.

130
Белгилер:
уйку, жырткыч, акула
Тема боюнча
Окуусун таштап кино тартууга качкан студент. Актёр Чоро Думанаев жөнүндө 6 факты
Бишкектеги Чыңгыз Айтматов көчөсүндө жайгашкан көп кабаттуу үйлөр. Архивдик сүрөт

Дүйшөмбүгө карата аба ырайы

0
(жаңыланган 21:04 20.06.2021)
21-июнга караган түнү республиканын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Талас облустарында жана өлкөнүн дыйканчылык аймактарында күн ачык болот.

БИШКЕК, 20-июн. — Sputnik. Дүйшөмбүдө тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы ыктымал. Өрөөндөрдө жана дыйканчылык аймактарда жаан-чачын болбойт. Бул тууралуу Кыргызгидромет маалымдады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +31...+36, Ысык-Көлдө +19...+24, Нарын аймагында +18...+23 градус болору айтылды.

Термометрдин көрсөткүчү Бишкекте +29...+31, Ош калаасында +33...+35, ал эми Чолпон-Ата шаарында +20…+22 градуска чейин жетет.

0
Белгилер:
аба ырайы, Кыргызстан, июнь
Тема боюнча
Маал-маалы менен өткүн өтүп турат. Бир жумага карата аба ырайы