(0:42 / 4.09Mb / )

Малабаев: Оштогу авиакырсыкты иликтөө бир топ суроолордун түйүнүн чечет

99
(жаңыланган 20:38 23.11.2015)
Министр учактын техникалык абалы талаптагыдай экенин, аба кемесин абдан тажрыйбалуу учкучтар башкарып келгенин, учурда кара куту чечмеленүүгө берилип, анын үстүндө жергиликтүү жана эл аралык адистер иштей турганын белгиледи.

Министр учактын техникалык абалы талаптагыдай экенин, аба кемесин абдан тажрыйбалуу учкучтар башкарып келгенин, учурда кара куту чечмеленүүгө берилип, анын үстүндө жергиликтүү жана эл аралык адистер иштей турганын белгиледи.

Ошто Боинг-737 учагы кабылган кырсыктын чоо-жайы тууралуу териштирүү аяктагандан кийин толук маалымат бериле турганын транспорт жана коммуникация министри Аргынбек Малабаев маалымат жыйында билдирди.

Жекшемби күнү Ош аэропортунда болгон кырсыкты учурда премьер-министр Темир Сариевдин буйругу менен түзүлгөн өкмөттүк комиссия иликтеп жатат. 

Комиссиянын төрагасы Малабаев кабарчылардын кырсыкка адам факторунун таасири тууралуу суроосуна териштирүүнүн жыйынтыгы менен жооп боло турганын белгиледи.

Министр мындан тышкары, учактын техникалык абалы талаптагыдай экенин, аба кемесин абдан тажрыйбалуу учкучтар башкарып келгенин, учурда кара куту чечмеленүүгө берилип, анын үстүндө жергиликтүү жана эл аралык адистер иштей турганын, муну менен бирге бардык жүргүнчүлөргө компенсация төлөнөрүн белгиледи.

99
Белгилер:
жыйын, комиссия, Учкуч, учак, Аргынбек Малабаев, Темир Сариев, Ош
Тема:
Оштогу Боинг 737 учагынын авариялык конуусу (13)

Түрк футболчусу автогол киргизип, Европа чемпионатынын тарыхында калды. Видео

541
Футбол боюнча Европа чемпионатынын эң алгачкы голу оюнчу өзүнүн дарбазасына топ киргизип алышы менен башталды. Мындай жагдай чемпионаттын тарыхында биринчи жолу катталды.

12-июнга караган түнү Рим шаарында Евро-2020 старт алып, оюнду Түркия менен Италиянын курама командалары ачып берди.

Беттештин 53-мүнөтүндө Түркиянын коргоочусу Мерих Демирал өз дарбазасына гол киргизип алып, эсеп санын ачып берди. Анын каршылашы тепкен топту башы менен тосом деген аракети оңунан чыкпай калган.

Демирал Европа чемпионатында автогол киргизген алгачкы футболчу катары тарыхта калды.

541
Белгилер:
автогол, Италия, Түркия, Европа чемпионаты, футбол
Тема боюнча
Футбол: Кыргызстан Мьянманын дарбазасына киргизген голдордун видеосу

Быйыл Кыргызстанда Россия күнү алгачкы ирет масштабдуу түрдө белгиленди. Видео

83
(жаңыланган 18:18 12.06.2021)
Бүгүн борбор калаада Россия күнү белгиленип, майрам элдик оюн-зоок программасы менен шаңдуу өткөрүлдү. Чыңгыз Айтматов атындагы Орус драма театрынын алдында "Русская душа" аталышындагы фестиваль уюштурулду.

Майрамдык иш-чаранын алкагында орус элдик ырларын жана бийлерин аткарган чыгармачыл топтордун концерти, оюндар, балдар жана чоңдор үчүн викториналар болуп, жеңүүчүлөргө эстеликке сыйлыктар берилди.

Ошондой эле орус тамактарынан даам татуу, Россия элинин кол өнөрчүлүк искусствосунун көргөзмөлөрү жана жарманкелер ачылган.

"Кыргызстан менен Россиянын тарыхы бир, достук мамилеси бекем өлкөлөр. Ошондуктан биз элдик оюн-зоок стилиндеги майрам уюштурууну чечтик. Бири-биризге руханий жактан көбүрөөк аралашуу дурус, андыктан биз Карамзиндин "Мамлекеттин коопсуздугу үчүн бир гана кара күч эмес, адеп-ахлак дагы керек" деген сөзүн слоган катары алдык. Бизди бириктирип турган жан дүйнө, салт-санаа тууралуу сүйлөшкүбүз келди", — деди фестивалдын уюштуруучусу Галина Кетова.

Кыргызстанда быйыл биринчи ирет Россия күнү масштабдуу түрдө белгиленип жатканы айтылат.

Эпидемиологиялык абалга байланыштуу бардык салтанат таза абада, Бишкек, Каракол, Кант, Кара-Балта шаарларында өттү.

83
Белгилер:
фестиваль, концерт, майрам, Россия күнү
Тема боюнча
Бишкекте Россия күнү белгиленип жатат. Сүрөттөр
"Русский мир" фестивалында көк бөрү мелдеши өтөт
Таласта төө буурчак заводу. Архив

Кыргызстан Түркияга Таласта төө буурчакты кайра иштеткен завод ачууну сунуштады

15
Айыл чарба министринин орун басары президент Садыр Жапаровдун Түркия Республикасына болгон расмий иш сапарынын алкагында жетишилген келишимдер жөнүндө айтып берген.

БИШКЕК, 13-июн. — Sputnik. Кыргызстан Түркияга Таласта төө буурчакты кайра иштеткен завод ачууну сунуштады. Бул тууралуу айыл, суу чарба жана аймактарды өнүктүрүү министринин орун басары Азамат Мукашевдин айтымына таянып президенттин маалымат кызматы билдирди.

Ага ылайык, Мукашев президент Садыр Жапаровдун Түркия Республикасына болгон расмий иш сапарынын алкагында жетишилген келишимдер жөнүндө айтып берген.

"Кыргыз тарап Түркияга Талас облусунда төө буурчакты кайра иштетүү боюнча заводдорду ачууну сунуштады. Мындан тышкары, жүгөрү жана картошканы кайра иштетүү, үрөн чарбасы менен асыл тукум мал чарбасы жаатында биргелешкен кызматташтыкты өнүктүрүү боюнча сунуштарын берди", — деген министрдин орун басары.

Түркияга болгон расмий иш сапарда кыргыз тарап тамчылатып сугаруу системасын түзүү жаатында инвестицияларды тартуу боюнча биргелешкен ишкана уюштурууну сунуштаганы кошумчаланды.

15
Белгилер:
завод, төө буурчак, Талас, айыл чарба, Түркия, Кыргызстан
Тема:
Садыр Жапаровдун Түркияга расмий сапары
Тема боюнча
Көргөндүн көзүн кубантып. Канайым Айгүл Жапарованын сапардагы сүрөттөрү
Акылбек Жапаров: Түркия менен соода жүгүртүү 1 млрд. долларга жеткирилет