Кыргызды улут катары тааныткан үч нерсе — "Манас", ак калпак жана кыргыз деп соккон жүрөк

Жазылуу
Өлкө коопсуздугун сактоодо "Манас" эпосунун, кыргыздын салт-санааларынын орду зор экенин премьер-министр Темир Сариев улуу манасчы Саякбай Каралаевдин айкелинин ачылыш салтанатында билдирди.

Иш-чарада сүйлөп жатып өкмөт башчы бүгүн белгиленип жаткан "Манас" эпосунун күнү жана Саякбай Каралаевдин айкелинин ачылышы менен куттуктады.

"Бүгүн кыргызды кыргыз кылып, эчен кылым сактап келген, жөн гана көркөм чыгарма эмес, көчмөн турмуштун энцклопедиясына айланган, көнөрбөс рухий мурас, гениалдуу "Манас" эпосунун күнү. Кыргызда "Башканы коюп Манасты айт" деген жакшы сөз бар. Мына бүгүн башка маселени коюп, биздин элдин эң башкы урааны, баа жеткис байлыгы болгон Манасты айтчу күн. Көкүрөгүн "Манаска" байытып, көөдөнүнө кыргыз деген улуу сезимди уютчу күн", — деди Сариев.

Свякбай Каралаев - Sputnik Кыргызстан
Кыргыз Гомери Каралаевдин маарекеси эл аралык деңгээлде белгиленди
Премьер-министр Саякбай манасчы менен "Манас" эпосун бири-биринен бөлүп кароого болбой турганын белгилеп, маданий олжону чайпалтпай сактап, бизге өткөзүп берген манасчылардын талантына, талыкпас мээнетине баа берүү керектигин билдирди.

"Манас" эпосунун күнү Кыргызстанда 2013-жылы "Манас", "Семетей", "Сейтек" үчилтиги адамзаттын материалдык эмес маданий мурасы боюнча ЮНЕСКОнун тизмесине киргенден тартып белгиленип келет.

Жаңылыктар түрмөгү
0