(2:54 / 18.03Mb / )

Бир сааттык "коопсуз шаар" бюджет канча сомдон куру жалак калып жатканын видео көрсөттү

287
(жаңыланган 17:42 10.12.2015)
"Коопсуз шаар" долбоору бир гана саат иштегенде мамлекеттик бюджетке 46 миң сом түшмөк.

Sputnik агенттиги Бишкек шаарынын Чүй жана Манас проспектилеринин кесилишинен "Бир сааттык коопсуз шаар" эксперименти маалында 46 жол эрежесин бузууну каттаган.

Видеодон байкалгандай экинчи тилкеден бурулган 44 учур жана кызыл жарыктан өтүп кеткен эки учур байкалган.

Бишкек шаардык ИИББдин Жол кайгуул кызматынын жетекчиси Зумрад Жанабаева билдиргендей, бүгүнкү күнү экинчи тилкеден бурулганы үчүн 1000 сом айып салынат. Кызыл жарыкка токтобой өтүп кеткен айдоочуга да миң сом айып каралган.

Андыктан эгер "Коопсуз шаар" долбоору бир гана саат иштегенде мамлекеттик бюджетке жок дегенде 46 миң сом түшмөк. Ошол эле учурда линиядан өтүп токтогондор эске алынган эмес.

Эксперимент саат 16.00дөн 17.00гө чейин тартылган. Бул убакыт машиналар эң көп болгон учур деп саналбайт. Жол кайгуул кызматынын билдиришинче, шаарда машина эң көп болгон учур саат 17.00дөн баштап кечки сегизге чейин уланат.

Буга чейин маалымдалгандай "Коопсуз шаар" долбоору мамлекеттик жана жеке өнөктөштүктүн алкаганда үч жыл ичинде Бишкек жана Ош шаарларында, Бишкек – Каракол жана Бишкек – "Манас" аэропорту жолдорунда ишке ашмак. Видеобайкоо бир гана көчөлөрдө эмес, парктарда жана эс алуу жайларына да орнотулмак.

Мобилдүү байкагычтар күзөттө турган автоунааларда орнотулат. Ал эми стационардык комплекстер жол боюна атайын орноткучтарга коюлат. Андан алынган маалыматтардын негизинде жол эрежесин бузган автоунаага автоматтык түрдө айып салынып, анын көчүрмөсү автоунаанын ээсине жөнөтүлөт.

287
Белгилер:
камера, айып пул, Жол кайгуул кызматы, Зумрад Жанабаева, Бишкек
Тема:
Sputnik жүргүзгөн социалдык эксперименттер (22)
Тема боюнча
Депутаттар: "Коопсуз шаар" долбоору боюнча өкмөт менен ИИМдин пикири бир болуш керек

Жол тазалоочу техника жетпейт. Бишкек Ош трассасынын кышка даярдыгы текшерилди

31
(жаңыланган 11:59 02.12.2020)
Комиссия "Сосновка" постунан "Арал" постуна чейинки ашууларды тейлеген мамлекеттик кызматтардын кышка даярдыгын карап чыккан.

Бишкек — Ош жолунун кышка даярдыгы текшерилди. Бул тууралуу ӨКМдин маалымат кызматы кабарлады.

Ага ылайык, өзгөчө кырдаалдар министринин тапшырмасы менен атайын комиссия түзүлгөн. Алар Чүй облусунун Жайыл районундагы "Сосновка" постунан Жалал-Абад облусунун Токтогул районундагы "Арал" постуна чейинки ашууларды тейлеген мамлекеттик кызматтардын кышка даярдыгын карап чыгышкан.

"Текшерүүнүн негизинде бир топ көйгөйлүү маселелер бар экени аныкталган. Алсак, жол тазалоочу, кум чачуучу атайын техника жетишсиз болуп, жолго кум кол менен чачылып жаткан. Айрым жүк ташуучу унаалар кышка даярдыгы жок ашууларда калып калган. Комиссия тамак-аш берилүүчү жана жылына турган пунктулардын да даярдыгын көргөн. Жыйынтыгында "Арал" постундагы жылынуучу пункт кышка толук даяр эместиги аныкталган", — деп айтылат маалыматта.

ӨКМ айдоочуларга кайрылып, алыс жолго, тоолуу аймактарга чыгарда аба ырайына көңүл бурууну суранды. Ошондой эле зарылчылык жок болсо, шашылыш билдирүү берилгенде жолго чыкпай турууну сунуштаган.

31
Белгилер:
Бишкек – Ош жолу, комиссия, текшерүү, ашуу, жол, унаа, Бишкек, ӨКМ
Тема боюнча
Кыргызстандагы бардык жолчуларга күнү-түнү иштөө милдети жүктөлдү

Өзбекстандагы футболдук беттеш массалык мушташ менен аяктады. Видео

169
(жаңыланган 09:54 02.12.2020)
Беттеш бүткөндөн кийин жеңилген команданын футболчусу калысты бир тепкен. Бул чыр заматта ырбап, мушташка көрүүчүлөр да кошулуп кеткени айтылды.

Өзбекстандын экинчи дивизионундагы ферганалык "Нефтчи" жана жайсаңдык "Турон" командаларынын футболдук беттеши массалык мушташ менен коштолду. Бул тууралуу Р-Спорт жазды.

Беттеште "Турон" 1:0 эсебинде утуп, өлкөнүн жогорку лигасына жолдомо алган. Оюндун соңунда жеңилген "Нефтчи" командасынын бир футболчусу белгисиз себептерден улам калысты көкүрөккө тепкен. Бул чыр заматта ырбап, көрүүчүлөр да оюн талаасына чыгып, мушташ массалык түргө айланган.

Бул окуя боюнча "Нефтчи" командасы да, Өзбекстандын футбол ассоциациясы да азырынча эч кандай билдирүү тарата электиги белгиленет.

169
Белгилер:
мушташ, футбол, Өзбекстан
Тема боюнча
Көтөрүп чапты. Валерий Кичиндин оюн учурунда мушташа кеткен видеосу
Тепкен тобу улам дарбазанын кырына тийип... Айласы кеткен футболчунун видеосу
Манастын эстелиги. Архивдик сүрөт

Таластагы "Манас Ордо" комплексинде бир сутка бою манас айтылат

0
(жаңыланган 12:31 02.12.2020)
Майрамдык салтанатты өткөрүүгө республикалык бюджеттен акча сарпталбайт. Азем демөөрчүлөрдүн жана меценаттардын колдоосу менен өткөрүлөт.

БИШКЕК, 2-дек. — Sputnik. 4-декабрдагы "Манас күнүнө" карата Талас облусундагы "Манас Ордо" комплексинде бир сутка бою манас айтылат. Бул тууралуу Маданият, маалымат жана туризм министрлигинен кабарлашты.

Иш-чара Кыргызстандын бардык аймагынан келген жаш жана белгилүү манасчылардын катышуусу менен өтөт. Манас айтуу 4-декабрь күнү саат 11:00дө башталып, 5-декабрь күнү 11:00дө токтотулат.

Майрамдык салтанатты өткөрүүгө республикалык бюджеттен акча сарпталбайт. Азем демөөрчүлөрдүн жана меценаттардын колдоосу менен уюштурулат.

Ачылыш аземи атайын театрлаштырылган программа менен коштолуп, "Маданият. Тарых. Тил" каналы аркылуу түз эфирден көрсөтүлөт.

0
Белгилер:
"Манас Ордо" комплекси, Манас айтуу, Талас
Тема боюнча
Адистер манасчы Дөөлөт Сыдыковдун феноменин изилдөө үчүн канынан анализ алды
Күүлөнгөн манасчы, күткөн эл. Гиннес китебине кирүүгө ташталган кадамдын сүрөттөрү