КР сулуусу "Кыргыз бийин" катыра бийлеп, "Miss World—2015" сынагынын мыктыларына кирди
(жаңыланган 13:41 15.12.2015)
Хайнань аралындагы (Кытай) Санья шаарында өтүп жаткан "Miss World—2015" сулуулук конкурсунда Таттыбүбү Самидин кызы "Таланттар шоусу" конкурсунун жыйынтыгында дүйнөнүн чар табарынан келген 117 сулуунун ичинен топ-15ке киргенин айтып берди.Ал Beauty Crown Grand Theatre имаратынын чоң залында "Кыргыз бий" музыкасына катыра бийлеп бергенин белгиледи.
"Мени көрүүчүлөр алкап турушту. Кийин бизге Кыргызстан эң мыкты ондукка киргенин маалымдашып, финалдык конкурска катыша турганыбызды айтышты", — деди ал.
Былтыркы "Miss World—2014" сулуулук конкурсунда 121 кыз күч сынашкна. Таажыны Түштүк Африкадан келген Ролин Страусс алып кеткен.
Макгрегор нокаут болгондо. UFC мелдешинин бүйүр кызыткан видеолору
(жаңыланган 13:01 25.01.2021)
Кечээ Абу-Дабиде UFC 257 мелдеши жыйынтыкталды. Ал промоушендин 2021-жылдагы алгачкы чоң окуяларынан болду.Бир учурда эки дивизиондун чемпиону болгон Конор Макгрегор менен Дастин Порьенин реванш беттеши мелдештин эң башкы кармашы болду. Жеңил салмакта Майкл Ченлер менен Дэн Хукердин кармашы да көрүүчүлөргө өзүнчө кызык тартуулады.
Порье беттештин экинчи раундунда атаандашы Макгрегорду нокаутка сулатып, мөөнөтүнөн мурда утту. Бул ирландиялык мушкердин ММА спортундагы карьерасында биринчи бүк түшүүсү болду.
Турнирде Bellator уюмунун экс-чемпиону Майкл Чендлердин бет ачар таймашы ийгиликтүү аяктады. Ал экинчи башкы беттеш деп саналган кармашта Дэн Хукерди биринчи эле раундда нокаутка кетирип утуп алды.
©
Sputnik / Виталий Тимкив
Россиялык мушкер Арман Царукян америкалык Мэтт Фревол менен таймашып, калыстардын бир добуштан берген чечими менен утуп алды.
Баштапкы карддын алкагында октагонго дагы бир россиялык атлет Мовсар Евлоев чыгып, америкалык Ник Ленц менен кармашты. Үч раунддун жыйынтыгында калыстардын чечими менен жеңүүчү деп табылды.
Кудум мышыктай! Май үчүн бактын чокусуна чыккан түлкүнүн видеосу
"National Geographic Россия" басылмасы жазгандай, окуя Крымда болгон. Анда фотограф, блогерлердин үй-бүлөсү короосундагы бакка чымчыктар үчүн чочконун майынан бир тилим илип коюшкан. Бирок тамакты чымчыктарга "аш" кылбай түлкү жеп кеткен. Блогерлердин айтымында, мындай учур биринчи ирет кайталанбагандыктан, алар атайын камера коюп, түлкүнүн майды алып кеткен учурун видеого түшүрүп калышкан.
Анда көрүнүп тургандай, жырткыч бутактардын ичке экенине карабай башына чейин чыккан. Биринчи аракетинде көздөгөн тамагын ала алган эмес. Бирок экинчи ирет бактын башына кайра чыгып, акыры майды алып кеткен.
Белгилер: