(3:18 / 19.69Mb / )

Кубанычтан жана сүйүнүүдөн чыккан көз жаш балдардын кыялдары орундатылды

155
"Жаңы жылдык кыял" долбоорунун алкагында кайрымдуулук аукциону өтүп, кыргызстандык дизайнерлердин колго жасаган балатылары сатылды. Чогулган каражат оор шартта жашаган балдарга белек алууга жумшалды.

Sputnik Кыргызстан агенттигинин материалдарынын каармандары болгон балдардын кыялы жаңы жыл алдында орундатылды.

Белектер Ысык-Көлдө сууга чөгүп аткан кызды куткарам деп каза болгон Памир Исмаевдин балдарына, согушкер Алтынбек Итибаевди кармоо учурунда каза болгон Төлөбек Исмаиловдун балдарына, шаардагы коомдук транспортто кондуктор болуп иштеп, жети небересин жалгыз багып жаткан Карачач Касымованын небереси белектерди алышты.

Ошондой эле, Беловодское айылындагы мүрзөдө кароолчу болуп иштеген Михаил Замариндин балдары, Токмоктогу каналда чөгүп бараткан кызды куткарам деп каза болгон милиционер Тынчтык Абдрахмановдун балдарына тапшырылды.

Буга чейин Sputnik Кыргызстан Эл аралык маалымат агенттиги жана радиосу "Жаңы жылдык кыял" долбоорунун алкагында "Мен Кыргызстанды жакшы көрөм" жаштар кыймылы, BishkekPark компаниясы жана Бишкектик дизайнерлердин жардамы менен аукцион өткөргөн. 

Аукциондон түшкөн каражаттын баары Sputnik Кыргызстан маалымат агенттигинин быйылкы каарманы болгон аз камсыз үй-бүлөлөрдүн балдарына жардам берүү үчүн жумшалды. 

Sputnik (sputniknews.com) — ондогон өлкөлөрдө мультимедиялык маалыматтык хабдарга ээ маалымат агенттиги жана радио. Sputnik өзүнө сайттарды, аналогдук жана санарип радиоберүү, социалдык тармактарда баракчаларды камтыйт. Sputnik өз окурмандарына маалыматтарды күнү-түнү англис, араб, испан жана кытай тилдеринде сунуштайт.

155
Белгилер:
кыял, белек, аукцион, балдар, Жаңы жыл
Тема боюнча
Кыргызстандык дизайнерлердин жасаган өзгөчө балатылары
Пикирлер