(2:28 / 14.94Mb / )

Битломания күнүнө карата The Beatles тобунун ырын кыргызча аткарышты

281
(жаңыланган 15:50 16.01.2016)
16-январды музыка сүйүүчүлөр "Битлз" тобунун эл аралык күнү деп белгилеп келишет. Дал ушул күнү 1957-жылы Ливерпулда The Cavern клубунун ачылышы болгон. Ал жерде легендарлуу топ тушоосун кескен.

Бишкектин The Rolls Band тобу The Beatles тобунун эл аралык күнүнө карата And I love her ырын кыргызча аткарып беришти.

Кыргызстандык музыканттар "Студио 247" кафесинде ырдашты.

1957-жылы 16-январда Ливерпулдун Мэтью-стрит 10 дарегинде The Cavern ачылып, Жон Леннон, Пол Маккартни жана Жордж Харрисондун тушоосу кесилген. Учурда Мэтью-стрит "Битлз" тобунун күйөрмандары үчүн ыйык жер болуп саналат. Бул жерге Жон Леннондун айкели коюлуп, атактуу топко арналып дүкөн ачылган.

The Beatles тобу 1960-жылы негизделип, анын катарына Жон Леннон, Пол Маккартни, Жордж Харрисон жана Ринго Старр кирген. Атактуу топтун 1963-1970-жылдары 13 расмий студиялык альбому чыгып, анда жалпысынан 211 ыр жазылган.

"And I Love Her" ырын Маккартни менен Леннон жазган. Бул ыр Маккартнинин ошол убактыгы сүйүктүүсү актриса Жейн Эшерге арналган. Аталган чыгарма Billboard музыкалык хит-парадында биринчиликти бир нече жолу бербей турган.

Кыргызстандын The Rolls Band тобунун курамында Улан Оморов (вокал), Эрсултан Алыкулов (вокал, бас-гитара), Данияр Жуманазаров (вокал, гитара), Дмитрий Соседов (урма аспап). Топ 2010-жылы түзүлгөн. 2012-жылы The Beatles Bishkek фестивалынын жеңүүчүсү аталган.

281
Белгилер:
ырчы, "And I Love Her" ыры, The Beatles, The Rolls Band, Жон Леннон
Тема боюнча
Белоруссиялык ырчы "Кыргыз жери" ырын кыргызча созуп берди
Кыргызча катыра сүйлөгөн чет элдиктер

Байгеге карышкыр да коюлду. Дача СУдагы бүйүр кызыткан аламан улактын видеосу

1408
(жаңыланган 21:46 06.03.2021)
Бишкектин четиндеги Дача СУ айылында чоң аламан улак оюну болду. Ага болжол менен миңге чукул улакчы катышып, салмагы 70 килограмм болгон торпокту тартышты. Ош, Жалал-Абад, Баткен облусунан дагы атайын ышкыбоздор келишкен.

Аламан улакты Сейдали Келдиев үч уулуна бата алуу үчүн өткөрдү. Ал өзү да 18 жылдан бери улак тартып келет, белгилүү балбандардын бири.

Байгеге эки автоунаа, тирүү карышкыр, алтын кур, беш төө, 10дой тай, торпок, топоз коюлду. Бирок мындай соорундарды утуп алуу оңойго турбайт. Адегенде улакчынын билеги күчтүү, аргымагы күлүк болушу керек.

Улакчылар аттын жалына торпокту тартып алары менен такымдап, зоот атын чаң ызгыта чаап жөнөйт. Эгер жерге түшүп калса топту жарып кирип, жүздөгөн атаандашынын арасынан сууруп чыгышы керек. Эрендер кең талаада жерден эңип, бири-бирине ашырып кызыктуу оюн курушту.

1408
Белгилер:
улакчы, торпок, оюн, байге, аламан улак тартыш
Тема боюнча
Кара-Сууда миңден ашуун улакчы кыл чайнашты. Оюндун кызыктуу учурлары видеодо
Аламан улактын батири талашка түштү. Байыш Ниязов байгеси менен бөлүшмөй болду
"Ынтымак" "Достуктун" айласын кетирип утуп алды. Урунттуу учурлар видеодо
Манас Ниязов Көчмөндөр оюнунда араздашкан казак улакчысы менен элдешти. Видео

Москвада кыргызстандык бөбөк соода борборунун эскалаторунан кулап кетти. Видео

420
(жаңыланган 19:37 06.03.2021)
Элчи жабырлануучунун жакындары менен жолугуп, дипломатиялык өкүлчүлүк юридикалык жардам көрсөтөрүн айткан.

Москвада кыргызстандык төрт жаштагы бала соода борборунун экинчи кабатынан кулап кеткендигин Кыргызстандын Россиядагы элчилиги билдирди.

Окуя 3-мартта болжол менен күндүзгү саат 12лер чамасында болгон. Кыргызстандык Н.А. аттуу бөбөк эскалатордун экинчи кабат менен тең бийиктигинен кулап кеткен. Бала Москва шаардык саламаттык сактоо департаментинин тез жардам көрсөтүү хирургиясы жана травматология илимий изилдөө институтунун нейрохирургия бөлүмүнө жаткырылган.

5-мартта Кыргызстандын Россиядагы элчиси Гүлнара-Клара Самат аталган бөлүмдүн башчысы менен жолукту. Ал кулап кеткен баланы көрүп, нейрохирургиялык бөлүмдүн башчысынан бөбөктүн тезинен сакайып кетиши үчүн бардык чараларды көрүүнү өтүндү.

Мындан тышкары, элчи жабырлануучунун жакын туугандары менен жолугуп, дипломатиялык өкүлчүлүк юридикалык жардам көрсөтөрүн айткан.

Элчиликтин юристтери үй-бүлө менен тыгыз байланышта иш алып барып жатканы, бул маселе өкүлчүлүктүн көзөмөлүндө турганын белгиледи.

420
Белгилер:
Гүлнара-Клара Самат, оорукана, эскалатор, бала, Кыргызстан, Москва
Тема боюнча
Крокодил 8 жашар баланы атасынын көзүнчө тирүүлөй жутуп алды. Силкинткен окуя
ЖККУ мүчө-мамлекеттердин желектери. Архив

Жаңы куралдар коркунуч жаратууда. ЖККУга мүчө-мамлекеттер билдирүү таратты

0
(жаңыланган 12:31 07.03.2021)
ЖККУга мүчө-мамлекеттер абалды мындан ары көзөмөлдөөгө үндөп, зарыл болгон сунуштарды иштеп чыгууга чакырды. БУУнун Генералдык Ассамблеясы кабыл алган үч жылдык резолюциясын колдой тургандыктарын билдиришти.

БИШКЕК, 7-мар. — Sputnik. Жааматтык коопсуздук келишим уюмуна (ЖККУ) мүчө болгон мамлекеттер "Массалык жок кылуучу куралдардын жаңы түрлөрүн жана ошондой куралдардын жаңы системаларын өндүрүү жана иштеп чыгууну тыюу салуу жөнүндө" бирдиктүү билдирүүнү кабыл алышты.

"Аталган уюмга мүчө болгон мамлекеттер мындай маанилүү документтерди макулдашуу учурдун талабы экендигин белгилешет. Анткени эл аралык жана аймактык коопсуздук үчүн учурда жаңы чакырыктар пайда болууда. Алардын арасында массалык жок кылуучу куралдардын жаңы түрлөрүнүн пайда болушу, түрдүү курал-жарактардын космос мейкиндигинде жүрүүсү, маалыматтык жана коммуникациялык технологиялардын деструктивдүү багытта колдонулушу, коркунучтуу куралдардын террордук топ же уюмдардын колуна тийип калганы да бар. Андан сырткары, илимий-техникалык прогресстин аркасында трансулуттук корпорация, мамлекеттик эмес субъектилердин ролу да жогорулоодо. Мунун баары жыйынтыктуу чечимдерди кабыл алып, Бириккен Улуттар Уюмунун системасындагы тармактык органдар жана Куралсыздандыруу боюнча конфреренция менен өз убагында иш-аракеттерди биргеликте көрүүгө мажбур кылууда", — деп жазылат билдирүүдө.

ЖККУнун мүчөлөрү абалды мындан ары көзөмөлдөөгө үндөп зарыл болгон сунуштарды иштеп чыгууга чакырат жана буга чейин БУУнун Генералдык Ассамблеясы кабыл алган үч жылдык резолюциясын колдойт.

0
Белгилер:
билдирүү, курал-жарак, ЖККУ
Тема боюнча
ЖККУ машыгууларынын зарылдыгы. Быйылкыга эмнелер пландалган?
Кыргызстандын армиясы россиялык С-300 системасын алмай болду
ЖККУ саммитинде маанилүү документтерге кол коюлду. Тизме