Анын айтымында, жаңы мечитке 10 миң киши батат. Анын долбоорлоо иштери 2009-жылы президенттин буйругу менен 3,2 гектар жер бөлүнгөндөн кийин башталган. Ал эми курулуш иштери 2012-жылы башталган. 2017-жылы аны бүтүрүү пландалган. Аны Түркиядан келген адистер куруп, каражатын Түркиянын үч муфтияты бөлгөн.
Назылбеков жер тар болгондуктан машина токтотуучу жер маселе жаратып жаткандыктан, жер алдындагы заманбап паркинг куруу пландалууда дейт ал.
Жаңы мечит Жибек Жолу проспектисинде "Ысык-Көл" кинотеатрынын аймагында жайгашкан.
Гоголь көчөсүндө жайгашкан азыркы борбордук мечиттин ордуна да жаңы мечит куруу пландалууда. Анын эки мунарасы болот жана бийиктиги 40 метрге жетип, ичине 7 миң киши батат. Ошондой эле, машина токтотуучу жай курулат. Курулуш иштерин Сауд Аравиясындагы компания жүргүзөт.
