(1:32 / 9.17Mb / )

Ош менен Жалал-Абадда Ноорузду кара жорго жана короздордун урушу менен тосушту

259
(жаңыланган 20:04 21.03.2016)
Түштүк аймактын бир катар шаарларында Ноорузду чоң салтанат менен белгилешип, жалпы элдик майрамд уюштурулду.

Ош шаарында Нооруз майрамы калаанын борбордук аянтында салтанаттуу түрдө белгиленип, ага 10 миңден ашуун шаар тургундары, меймандар катышты. 

Нооруз майрамын майрамдоо.
© Sputnik / Табылды Кадырбеков
Салтанаттуу иш-чарада шаардын борбордук аянтында боз үйлөр тигилип, кол өнөрчүлөрдүн буюмдарды, улуттук тамак-аштын түрлөрү, улуттардын жана элдердин каада-салттары, ыр-бийлери тартууланды. Концерттик программаны ак калпакчан жүздөгөн жаш балдар улуттук кара жорго бийин аткаруу менен ачты. Андан сырткары короздор уруштурулуп, бул көптөрдүн көңүлүн өзүнө бурду. 

Салтанатка Ош шаарынын мэри Айтмамат Кадырбаев, өкмөттүн Ош облусу боюча ыйгарым укуктуу өкүлү Таалайбек Сарыбашев, Россиянын, Кытайдын, Казакстандын Ош шаарындагы консулдары катышып, шаардыктарды куттуктады. 

"Ушул жылы касиеттүү Кыргызстаныбызда анын ичинде ордолуу Ош шаарыбызда бейпилдик, тынчтык нурун чачып, элибиз токчулук, молчулукта бакубат жашоо кечирсин! Жалпы кыргыз эллин кут уялап, Мекенибиздин келечеги кең болсун!", — деди калаа башчысы Кадырбаев. 

Жалал-Абад облусу Ноорузду шаардын Эркиндик аянтында эки боз үй тигип тосту. Майрамдын алкагында кыргыздын улуттук тамак-ашы, оймо-чиймелер түшүрүлгөн кийимдер жармаңкеси болду. Арча түтөтүлүп, айлана аласталып, кыргыз элине токчулук, молчулук болсун деген каалоо-тилектер жаңырды. Коноктор менен жергиликтүү тургундар башка жылдарга салыштырмалуу арбын болду.

"Күн менен түн теңелген күндү биздин өлкөдөн сырткары коңшу мамлекеттер да белгилейт. Бул майрам урушкандар жарашып, бири-бирине сый-урмат сунган майрам деп айтылат", — деди Жалал-Абад облусу боюнча өкмөттүн өкүлү Жумагүл Эгембердиева.

Ноорузду Аксы районун борбору Кербен шаарында да чоң салтанат менен тосуп алышты. Сүмөлөк бышырылып, арча түтөтүлүп, улустун улуу күнүнө карата каалоо-тилектер айтылды.

259
Белгилер:
арча, Нооруз, Аксы, Жалал-Абад, Ош
Тема:
Нооруз майрамын белгилөө — 2016 (32)
Тема боюнча
Бүйүр кызыткан көк бөрү турниринин финалдык оюну
Салбурун: көлдүктөр алдыга озуп чыкты

Тактаны чачырата тепти. Асман менен баскан балдардын кызыктуу видеосу

128
(жаңыланган 20:29 20.06.2021)
АКШ менен Түштүк Кореянын тхэквондочуларынан куралган топ популярдуу болгон America"s Got Talent сынагынын көрүүчүлөрү менен калыстарын абдан таасирлентти.

Алардын суктанткан номери YouTube каналга жүктөлгөн. 

Аталган балдар-кыздар Олимпиадага чакырылып, бирок коронавирустун айынан болгон өзгөрүүлөрдөн улам ага катыша албай калганы айтылган. Дүйнөлүк деңгээлдеги иш-чарага катыша албай калган спортчулар азыркы сынакка катышып көрүүнү чечкен.

"Бизди Олимпиадага чакырышкан, бирок пандемиядан улам оюнду өткөрүү мөөнөтү жылып кетип, ага катышууга мүмкүнчүлүк болбой калды", — деген топтун лидери.

Эки өлкөнүн таланттуу, шамдагай спортчуларынын бул шоу-номери көргөн адамды кайдыгер калтырбайт. Алардын бир нече метр бийиктикке секирип баратып, жолунан кездешкен такталарды бир нече бөлүккө чачырата тепкенин көрүүгө болот.

Андан сырткары балдар-кыздар кызыктуу бийлерди, акробаттык чеберчиликтерин көрсөткөн.

Спортчулардын талантына таасирленген калыстар тобунун мүчөсү, теле алып баруучу Терри Крюс дароо эле финалга жолдомо берген алтын баскычты басып, залды да, тхэквондочуларды да бактылуу кылган.

America's Got Talent — теледолбоору ар кыл таланттарды өзүнө чакырган кызыктуу шоу. Анын байге фонду миллион доллар.

128
Тема боюнча
Укмуш номер болуптур! Атайдын бий тобу Кытайдагы сынакта финалга чыкты. Видео

Сүзүп бара жатып уктаган акуланын видеосу

130
(жаңыланган 17:30 20.06.2021)
Ак акула кыймылын токтотпой, ылдамдыгын өтө да жайлатпай, сууда сүзгөн тейде уктап бара жатат. Жырткыч балыктын мындай видеосу интернет аймагында сейрек кездешет.

"National Geographic Россия" сайтынын маалыматына караганда, ак акула бир нече чакырым жолду басып өткөндөн кийин уктап, бирок сүзгөнүн токтоткон эмес.

Суунун алдындагы дүйнөнү изилдеген адистер ургаачы акуланын сүзүп бара жатып эле "тук этип" алганын Кариб аралдарынын аймагынан камерага тартып алышкан.

Видео Discovery каналына Shark Week программасынын алкагында жасалган.

"Балык уктап жатканда да сүзгөнүн токтоткон эмес. Эгерде бир азга эле токтосо, суу анын бакалоорунан өтпөй, дем ала албай калмак", — деп жазылган маалыматта.

Акула уктап бара жатканда саатына 23 чакырым ылдамдык менен сүзгөн. ScienceAlert кадимкидей эле токтоп, бир орунда турган акулалар бар экендигин, бирок бул түрү андайларга кирбей тургандыгын жазган.

Ак акула жер бетинде жырткыч балыктардын эң чоңу. Эркектеринин узундугу болжол менен 4,6-4,8 метрге жетет. Алар орточо эсептегенде 27 жылга чейин жашайт. Аталган жаныбарлар жок болуп бара жаткандардын катарына кирет. Учурда биздин планетада алардын 3500гө гана жакыны калганы айтылып келет.

130
Белгилер:
уйку, жырткыч, акула
Тема боюнча
Окуусун таштап кино тартууга качкан студент. Актёр Чоро Думанаев жөнүндө 6 факты
Бишкектеги Чыңгыз Айтматов көчөсүндө жайгашкан көп кабаттуу үйлөр. Архивдик сүрөт

Дүйшөмбүгө карата аба ырайы

0
(жаңыланган 21:04 20.06.2021)
21-июнга караган түнү республиканын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Талас облустарында жана өлкөнүн дыйканчылык аймактарында күн ачык болот.

БИШКЕК, 20-июн. — Sputnik. Дүйшөмбүдө тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы ыктымал. Өрөөндөрдө жана дыйканчылык аймактарда жаан-чачын болбойт. Бул тууралуу Кыргызгидромет маалымдады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +31...+36, Ысык-Көлдө +19...+24, Нарын аймагында +18...+23 градус болору айтылды.

Термометрдин көрсөткүчү Бишкекте +29...+31, Ош калаасында +33...+35, ал эми Чолпон-Ата шаарында +20…+22 градуска чейин жетет.

0
Белгилер:
аба ырайы, Кыргызстан, июнь
Тема боюнча
Маал-маалы менен өткүн өтүп турат. Бир жумага карата аба ырайы