(2:46 / 17.12Mb / )

Бишкекте баланы талап кеткен иттин ээси: менин итим жоош

355
(жаңыланган 18:10 01.04.2016)
Ротвейлер итинен жабыркаган баланын атасы башкалардын запкы көрбөшү үчүн аны атып салыш керек деп эсептейт.

Бишкекте кичинекей балага кол салган ротвейлер итинин ээси Sputnik Кыргызстан агенттигинин кабарчысы меен сүйлөшүп жатып, итинин жоош экенин айтты.

30-мартта Бишкекте Элебесов менен Щербаков көчөлөрүнүн кесилишинде машыгуудан үйүнө кайтып келе жаткан 7 жаштагы балага ротвейлер кол салган.

"Ит өзү жоош. Кырсык болду. Үйдө эч ким жок болчу. Балким ууру үйгө кирүүгө аракет кылгандыр. Ошол эшикти ачып кеткен окшойт. Анан ит чыгып кеткен да", — деди иттин ээси телефондон.

Баланы тиштеп алып кое бербей жаткан итти жолдон өтүп бараткан жаштар ажыратууга аракет кылышкан. Бирок алардын күчү жетпей койгон. Жабырлануучуну №4 троллейбустун айдоочусу Мелис Кылмырзаев куткарып калган. 

"Троллейбусту токтотуп, атып чыктым. Итти тепкилей баштадым. Ары жактан бир жигит чуркап келип таш менен аны бир койду. Ошондон кийин гана ит баланы кое берип, жай баракат басып кетти", — деди Кылмырзаев.

Ротвейлер итинен жабыркаган баланын атасы башкалардын запкы көрбөшү үчүн аны атып салыш керек деп эсептейт.

355
Белгилер:
бала, троллейбус, ит, тиштөө
Тема боюнча
Тез жардам: Бишкекте кичинекей баланы ит талап кетти
Итти куткарам деп 43 жаштагы тургун көлмөгө чөгүп кетти

Аябай бактылуу болуп турам! Акаевдин сурактан чыккандан кийинки маеги видеодо

82
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

82
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!

Аскар Акаев УКМКдан чыкты. Видео

733
(жаңыланган 20:09 02.08.2021)
2-августта КРдин мурдагы президенти Аскар Акаев Бишкекке учуп келген. Аны Улуттук коопсуздук боюнча мамлекеттик комитетке алып келишкен.

"Кумтөр" долбоорунун иши боюнча Кыргызстандын тунгуч президенти Аскар Акаевге коррупция беренеси менен издөө жарыяланган.

Тагыраагы, ушул жылдын 8-июлунда УКМКнын төрагасы Камчыбек Ташиев "Кумтөр" долбоорун ишке ашыруудагы коррупциялык фактылар боюнча изделип жаткандардын арасында Акаевдин дагы бар экенин айткан.

733
Белгилер:
Аскар Акаев, Кыргызстан, УКМК, Кумтөр, сурак
Тема боюнча
Аскар Акаев Кыргызстанга келди: азыр эмне болуп жатат. Тексттик баяндама
Акаев учактан түшүп келе жаткан сүрөт. "Манас" аэропортундагы бүгүнкү ирмем
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

0
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

0
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео