(0:55 / 6.22Mb / )

Sputnik Кыргызстан агенттиги Кара жыгач сейил багына көчөт отургузду

50
(жаңыланган 19:34 02.04.2016)
Sputnik эл аралык маалымат агенттиги жана радиосу "‎жашылKGchallenge" эстафетасын баштап, Кыргызстандын борборуна көчөт тикти.

Өлкөнү көрктөндүрүү жана жашылдандыруу боюнча эстафета Кыргызстандын мамлекеттүүлүгүнүн 25 жылдыгына арналган Тарых жана маданият жылынын алкагындагы "Бир жаран — бир көчөт" долбоорунун негизинде жүрүп жатат.

Sputnik Кыргызстан агенттигинин эмгек жамааты бүгүн эртең менен Кара жыгач сейил багына 35 көчөт отургузду.

"Биз баарыбыздын сүйүктүү шаарыбыз Бишкекти жашылдандырууга катышып, борбор калаабызга "жашыл шаар" деген мурунку даңкын кайтарууну чечтик. Бактарыбыздын баары өнүп, өсөрүнө ишеним артабыз", — деди агенттиктин жетекчиси Елена Череменина.

Эстафетанын талабына ылайык, соцтармактын колдонуучулары бак отургузуп, сүрөткө түшүп, аны #‎жашылKGchallenge хэштеги менен өз баракчасына жайгаштыруусу керек. Андан соң кезекти досторуна өткөрүп бериши зарыл.

Жалпы республика боюнча "Бир жаран — бир көчөт" долбоорунун алкагында өлкө боюнча 1 миллион 18 миң 105 көчөт отургузулду.

50
Белгилер:
бака, эстафета, акция, Sputnik
Тема боюнча
Кыргызстанда "‎жашылKGchallenge" эстафетасы башталды

"Ууланган Кумтөр": депутаттарга алтын кен тууралуу тасма көрсөтүлдү

108
(жаңыланган 11:43 17.05.2021)
Жогорку Кеңештин кезексиз жыйынында Кумтөр маселеси каралар алдында депутаттарга алтын кен тууралуу тасма тартууланды.

"Ууланган Кумтөр" аттуу көрсөтүүнү Коомдук телерадио корпорациясынын журналисти Медер Шерматалиев тарткан.

Бегилей кетсек, бүгүн парламентте кезексиз жыйын өтүп, анда Кумтөр жана чек ара маселелери каралууда.

108
Белгилер:
тасма, Кумтөр, Жогорку Кеңеш, Кыргызстан
Тема боюнча
Кумтөрдө мөңгүлөргө көзөмөл кылган система өчүрүлгөнү айтылды

Чет тилде жер тааныткан туристтик милиция. Ысык-Көл ОИИБ тарткан видео

65
(жаңыланган 10:54 17.05.2021)
Ысык-Көл облустук ички иштер башкармалыгы туристтик милициянын ишмердүүлүгү жөнүндө социалдык ролик даярдады.

Видеону облустук милициянын маалымат катчысы Сталбек Усубакунов YouTube тармагына жүктөдү.

Роликте милиционерлер чет элдик туристтерге Ысык-Көлдүн ажайып жаратылышы менен ар кыл тилде тааныштырып, ошону менен бирге коопсуздугу сакталарын белгилешет.

Облустук милициянын билдиришинче, жайында туристтик милициянын өздүк курамына эс алуучулардын коопсуздугун камсыз кылууда чоң жоопкерчилик жүктөлөт. Мурдагы жылдарда топтолгон тажрыйбалар быйыл да колдонулмакчы. Бирок иш коронавируска байланыштуу киргизилген санитардык-эпидемиологиялык талаптарга ылайык жүргүзүлөт.

"Чет элдик же жергиликтүү туристпи, айырмасы жок. Туристтик милиция коопсуздугун сактап, аймакты жакшы билбесе жолду жана багыттарды көрсөтүп берүү сыяктуу жардам беришет. Сырттан келгендер көбүнчө тоо туризмине басым жасагандыктан, кызматкерлер Ак-Суу, Түп, Жети-Өгүз жана Тоң райондорунда да кайгуул иштерин жүргүзүп турмакчы", — деп айтылат маалыматта.

Милиция Каракол жана Чолпон-Ата шаарларында 13 туристтик маршрут боюнча кызмат өтөп, меймандарга кеңештерин берип турмакчы.

65
Белгилер:
эс алуу, ролик, коопсуздук, милиция, турист, Ысык-Көл
Тема боюнча
Жол кырсыгын болтурбайлы. Милиция ыктыярчыларга эскертүү берди
Кумтөр алтын кени. Архив

Теңиз Бөлтүрүк Centerra тууралуу: Канадада мындай ишкананы эчак жаап салмак

0
(жаңыланган 15:42 17.05.2021)
Теңиз Бөлтүрүктүн айтымында, "Кумтөр Голд Компани" ушунча жылдан бери бийликтин уруксаты жана колдоосу менен гана иштеп келген.

БИШКЕК, 17-май — Sputnik. Эгер Centerra Gold Inc. компаниясы Канадада Кыргызстандагыдай иштесе, аны эчак жаап коюшмак. Бул тууралуу парламенттин кезексиз жыйынында чакырылган эксперт, "Кыргыз алтын" ишканасынын директорлор кеңешинин мүчөсү Теңиз Бөлтүрүк билдирди.

Бүгүн парламентте аталган ишкананы сырттан башкарууга алуу маселеси каралып жатат. Анда депутат Самат Исманов кыргыз өкмөтү Кумтөр маселесине байланыштуу соттордо өз максатына жете алар-албасына кызыкты.

"Мен юристтерге жана сандарга ишенем. Мен ал жакта иштегем. Декабрда барганда эмне болуп жатканын көрдүм. Мыйзам бузуулар оголе көп. Канадада болсо аны эчак жаап коюшмак. "Кумтөр Голд Компани" ушунча жылдан бери бийликтин уруксаты, колдоосу менен гана иштеп келген", — деди Бөлтүрүк.

Ал эми эл өкүлү Махабат Мавлянова "сотко кайрылып убакытты кетирбей, кенди улутташтырып салса болбойбу?" деген суроо узатты.

"Азыр бизге Канаданын, Нью-Йорктун юристтери адилеттүүлүк силер тарапта, жеңесиңер деп айтып жатышат. Ошондуктан өзүбүзгө таандык объектини улутташтыруусуз эле мыйзамдуу, адилеттүү жол менен аларыбызга ишенем", — деди адис.

"Кумтөр Голд Компани" боюнча абал

Эске салсак, 7-май күнү Бишкек шаарынын Октябрь райондук соту "Кумтөр Голд Компани" ишканасын экологияга тийгизген залакасы үчүн деп мамлекетке 261 миллиард 719 миллион 674 сом (3 миллиард доллардан көбүрөөк) төлөөгө милдеттендирген.

Ага чейин Жогорку Кеңеш министрлер кабинетине ишкананы сырттан башкарууга мүмкүндүк бере турган мыйзам долбоорун жактырган. Президент Садыр Жапаров 14-майда бул мыйзамга кол койгон.

Мындан улам канадалык Centerra Gold Inc. компаниясы Кумтөр кенине байланышкан окуяга комментарий берген. 11-май күнү УКМК "Кумтөр голд компани" ишканасынын жетекчилери Кыргызстандан чыгып кеткенин билдирди.

Ал арада "Кумтөрдүн" ишин иликтеген мамкомиссия Centerra Gold Inс. менен кенге байланыштуу бардык келишимдерди жокко чыгарууну сунуштады. Анда 3,086 миллиард экологиялык зыян жана 1,166 миллиард салык төлөмдөрү боюнча, жалпысынан 4,3 миллиард доллар боюнча доо арыз берүү каралган.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

0
Белгилер:
улутташтыруу, Теңиз Бөлтүрүк, сот, Кумтөр, Кыргызстан
Тема:
"Кумтөргө" 3 миллиард доллар айып салынышы
Тема боюнча
Кыргызстан Centerra менен соттошууга кайсы компанияларды жалдаганы айтылды
Сүйлөшсөк да, ажырашсак да болот. Кыргыз бийлиги "Кумтөргө" кандай шарт коюуда
Эл аралык соттордо Centerra Gold Inc. компаниясына кандай доомат коюлууда