(1:23 / 8.16Mb / )

Германияны багындырган кыргыз тандырлары жана чет өлкөдө иштөөдөн баш тарткан наабайчы

Шухрат уста тандыр жасоо өнөрүн атасынан үйрөнгөн. Анын арты менен үй-бүлөсүн багып келет.

Оштогу самсы жасоонун сырлары
© Sputnik / Расул Усеналиев
Таңдайды тамшандырган Ош самсасынын сыры сапаты мыкты тандырда экенин көпчүлүк биле бербейт. Эс тарткандан бери бул өнөрдү аркалаган Шухрат Нийзамовдун колунан жасалган тандырлар Германияга чейин жеткен. Аларды жасоо оңойго турбайт. Ак топуракка койдун жүнүн кошуп, ылайды 3-4 күн бышыруу зарыл. Андан соң гана өтө кылдаттык менен тандыр жасалат. Күн суук күндөрү тандырларды таарындынын түтүнү менен кургатуу керек. Шухрат устанын айтымында, Латвиядан келген айым самсынын татып көргөндөн кийин Шухратты Латвияга иштөөгө чакырган. Айына 1000 долллар сунуштаганына карабастан Шухрат бул сунуштан баш тарткан. Уста бир миллион сунуштаса да Ошту таштабай турганын айтты.

Белгилер:
уста, самса, тандыр, Ош
Тема боюнча
Ак төөнүн карды жарылды — Ош шаарынын күнүнө карата өткөн жарманке

Россия тик учактын ордун баса турчу чакан аэромобилдерди чыгарат. Видео

Россиянын Перспективдүү изилдөөлөр фонду "Циклон" долбоорунун алкагында "Циклокар" деп аталган инновациялык аэромобиль чыгаруу иштерин баштады.

Бул машина 600 килограммдык жүк көтөрүүгө ылайыкталып, ичине алты адам батат. Муну жүзөгө ашыруу иштерин Россия Илимдер академиясынын Сибирдеги бөлүмүнүн Теплофизиктер институту аткарары айтылды.

Биринчи этапта машинанын алдын ала долбоору даярдалган. Ошондой эле диаметри 1,5 метрлик циклдүү кыймылдаткычын жерден сынап көрүшкөн. "Циклокардын" жалпы көлөмү (узун-туурасы) 6,2 жана 6 метрди түзөт, саатына 250 чакырымга чейинки ылдамдыкта жүрөт. Ал эми тыным албай 500 чакырымга чейин жетсе болору белгиленген.

Аэромобиль тик учакка салыштырмалуу чакан эмес, ал имараттардын четине токтоп ичиндеги адамдарды түшүрүүгө да ылайыкташкан.

Белгилер:
кыймылдаткыч, Россия, унаа, чыгаруу, учуу
Тема боюнча
Гонконгдо пандемиядан улам робот-бармендер иштей баштады. Видео

Атаандашы 7-раунддан кийин чыкпай койду. Боксчу Акжолдун жеңиши видеодо

(жаңыланган 17:16 18.04.2021)
Эки спортчу тең мурда жеңилүү ызасын тарткандан кийин рингге чыгышкан. Кыргызстандык боксчуга жеңиш оңойчулук менен келген жок. Каршылашы менен жети раунд беттешип багындырды.

Кыргызстандык боксчу Акжол Сулайманбек уулу Екатеринбург шаарында өткөн RCC Boxing Promotions турниринде россиялык атаандашы Никита Кузнецовду утуп алды.

Аталган уюмдан Сулайманбек уулу дал ушул жеңиши үчүн бокска кайтканын белгилешти. Ал өткөн жылы март айында нокаут менен утулуп калган эле.

Кыргызстандык спортчу ар бир раунд сайын күч алып, таамай сокку уруп жатты. Жетинчи раунддан кийин Кузнецов беттешти улантуудан баш тартты.

Муну менен Сулайманбек уулунун куржунунда 16 жеңиш, бир жеңилүү бар. 2018-жылы ал Дүйнөлүк бокс ассоциациясынын версиясы боюнча Азия чемпиону болгон. Бул титулду төрт жыл катары менен сактап келет.

Белгилер:
жеңиш, беттешүү, бокс, Акжол Сулайманбек уулу
Тема боюнча
Эркин күрөштөн биринчи болуп Эрназар Акматалиев Олимпиадага лицензия утту. Видео
UFC Валентина Шевченко катыша турган мелдештин трейлерин жарыялады. Видео

Өлкөдө балдарга полиомиелитке каршы вакцина сайыла баштады

Полиомиелит — балдарды өлүмгө чейин алып барган инфекциялык оору. Министрлик дарттын дабасы жок экенин, коргонуу үчүн вакцина алуу зарылдыгын эскертти.

БИШКЕК, 19-апр. — Sputnik. Кыргызстанда балдарга полиомиелитке (балдардын шал оорусу) каршы вакцина сайылып баштады. Бул тууралуу Саламаттык сактоо жана социалдык өнүктүрүү министрлиги кабарлады.

Ага ылайык, эмдөө 19-апрелден 19-майга чейин жүргүзүлөт. Вакцинаны үч жана беш жаштагы, тагыраагы, 2016-жылдын 1-апрелинен тарта 2018-жылдын 15-февралына чейин төрөлгөн балдар алат.

Эмдөө бекер. Учурда Кыргызстанда полиомиелитке каршы дарынын 180 миң дозасы бар, дагы алып келүү пландалууда. Жалпысынан 270 миңден ашуун бала эмделмекчи.

Буга чейин Дүйнөлүк саламаттык сактоо уюму Тажикстанда балдардын шал (полиомиелит) оорусу чыкканын жарыялаган. https://sputnik.kg/asia/20210325/1051893937/kyrgyzstan-tazhikstan-shal-oorusu.html Уюмдун адистери абалды экинчи деңгээлдеги өзгөчө кырдаал катары баалашкан.

Министрлик Кыргызстанда 1993-жылдан бери поливирус жок экенин, 2002-жылдан тарта республиканын "Полиомиелиттен эркин өлкө" сертификаты барын эскертти.

Полиомиелит — балдарды өлүмгө чейин алып барган инфекциялык оору. Кесепети адамды өмүр бою коштоп жүрөт. Дарттын дабасы жок, бирок вакцинанын жардамы менен коргонсо болот.

Рубрика: Коом

Инжект: https://sputnik.kg/society/20210416/1052153875/ministri-koronavirus-zhukturgandar-oorup-zhatat.html

Теги: Кыргызстан полиомиелит вакцина бала эмдөө оору